कोरोना रुग्णसंख्या कमालीची घटतेय; तरीही काळजी घ्या! मागील 24 तासात किती रुग्ण?

वेध माझा ऑनलाइन - देशामध्ये जीवघेण्या कोरोना व्हायरस चा प्रादुर्भाव आता हळू हळू कमी होताना दिसत आहे. कालच्या तुलनेत आज कोरोनाचे आकडे कमी झाल्याचं दिसत आहे.मागील 24 तासात कोरोनाचे नवीन 1685 रुग्ण समोर आले आहेत तर 83 रुग्णांचा मृत्यू कोरोनामुळं झाला आहे. काल देशात 1938 केसेस समोर आल्या होत्या तर 67 लोकांचा मृत्यू झाला होता.  

 केंद्रीय आरोग्य मंत्रालयाने जारी केलेल्या आकडेवारीनुसार, काल देशात  2 हजार 499 लोक कोरोनातून बरे झाले होते. त्यानंतर सक्रिय रुग्णांची संख्या 21 हजार 530 वर आली आहे. कोरोनामुळे आत्तापर्यंत 5 लाख 16 हजार 755 मृत्यू झाला आहे. तर आतापर्यंत देशात 4 कोटी 24 लाख 78 हजार 87 कोरोनातून संसर्गमुक्त झाले आहेत. 

देशात 16 जानेवारी 2021 पासून कोरोना लसीकरणाला सुरुवात झाली आहे.  सध्या देशात मोठ्या प्रमाणावर लसीकरण सुरु आहे. देशव्यापी लसीकरण मोहिमेअंतर्गत आतापर्यंत लसींचे 182 कोटींहून अधिक डोस देण्यात आले आहेत. काल देशात 29 लाख 82 हजार 451 लसींचे डोस देण्यात आले. त्यानंतर आतापर्यंत 182 कोटी 55 लाख 75 हजार 126  डोस लसींचे डोस देण्यात आल्याची माहिती केंद्रीय आरोग्य मंत्रालयानं दिली आहे.