कराडच्या प्रीतिसंगमावर पोहायला गेलेल्या एकावर मगरीचा हल्ला ; मगर अद्याप प्रीतिसंगमाच्या पाण्यातच असल्याचे निष्पन्न ; कराडकर धास्तावले...

वेध माझा ऑनलाइन - कराडच्या प्रीतिसंगमावर अद्यापही मगर पाण्यातच असल्याचे निष्पन्न झाले आहे आज मगरीने या ठिकाणी एकाचा पाय पकडला मात्र झटका देऊन तो सोडवला म्हणून अनर्थ टाळला. या मगरीच्या हल्ल्यात कराड येथील मधुकर थोरात जखमी झाले आहेत  या घटनेने कराड व परिसरात खळबळ उडाली आहे

घटनास्थळावरून मिळालेल्या माहितीनुसार कराड येथील प्रीतीसंगमावर शुक्रवारी सकाळी पोहायला गेलेल्या सोमवार पेठेतील मधुकर थोरात यांच्यावर पोहताना मगरीने अचानक हल्ला केला प्रीतीसग्मावरील जाकवेल जवळ ते पोहत असताना मगरीने त्यांचा पाय पकडला मधुकर थोरात यांच्या लक्षात आल्यानंतर त्यांनी धाडसाने मगरीला झटका देऊन पाय सोडवून ते काठावर आले त्यांच्या पायाला मोठी जखम झाली असून त्यांना पोहणाऱ्या लोकांनी तात्काळ कराडच्या वेणुताई चव्हाण उपजिल्हा रुग्णालयात उपचारासाठी दाखल केले.. मगरीच्या या हल्ल्यामुळे कराड व परिसरात खळबळ उडाली असून प्रीतीसंगमावर मगर असल्याचे पुन्हा एकदा सिद्ध झाले आहे.. गेल्या काही दिवसात प्रीतीसंगमापासून काही अंतरावर गोटे व सैदापूरच्या ग्रामस्थांना मगरीने दर्शन दिले होते.. यापुढे प्रीतीसंगमावर पोहायला जाणाऱ्यांनी सावधानता बाळगणे आवश्यक आहे.. आटके टेंभू गोटे सैदापूर नंतर आता कराडच्या प्रीती संगमावर मगरीने आपले बस्थान ठोकले आहे