काही ठिकाणांना पावसाचा हाय अलर्ट; पुणे, सातारा, कोल्हापूर जिल्ह्यांमधील घाट भागात मुसळधार पडणार ; हवामान खात्याचा अंदाज ;

वेध माझा ऑनलाइन।

 संपूर्ण महाराष्ट्रात पावसाने चांगलाच वेग घेतलेला आहे. अनेक ठिकाणी मुसळधार पाऊस कोसळताना दिसत आहे. हवामान विभाग देखील रोजच्या पावसाचा अंदाज व्यक्त करत आहे. हवामान विभागाने दिलेल्या अंदाजानुसार काही ठिकाणी केवळ ढगाळ वातावरण असणार आहे, तर काही ठिकाणांना मात्र पावसाचा हाय अलर्ट जारी केलेला आहे.दरम्यान पुणे, सातारा, कोल्हापूर या जिल्ह्यांमध्ये घाट भागात देखील मुसळधार पाऊस पडणार आहे अशी शक्यता वर्तवण्यात आली आहे

आपण मुंबई शहर आणि मुंबई उपनगर बोलायला गेले, तर आज या ठिकाणी ढगाळ वातावरण राहणार आहे. तर अधूनमधून मध्यम स्वरूपाचा पाऊस पडणार आहे. येथील कमाल तापमान 33 ° सेल्सिअस किमान तापमान हे 26 अंश सेल्सिअस एवढे असणार आहे.

आज कोकणातील काही जिल्ह्यांमध्ये तुरळक तर अति मुसळधार स्वरूपाचा पाऊस पडण्याची देखील शक्यता आहे. मध्य महाराष्ट्रामध्ये घाट भागात देखील अनेक ठिकाणी अतिमुसळधार पावसाचा अंदाज हवामान विभागाकडून व्यक्त करण्यात आलेला आहे. त्याचप्रमाणे आज ठाणे, रायगड, रत्नागिरी,सिंधुदुर्ग या जिल्ह्यांना देखील मुसळधार पावसाचा इशारा हवामान विभागाने दिलेला आहे. 

त्याचप्रमाणे पुणे, सातारा, कोल्हापूर या जिल्ह्यांमध्ये घाट भागात देखील मुसळधार पाऊस पडणार आहे. तसेच छत्रपती संभाजीनगर, वर्धा, वाशिम, यवतमाळ, गोंदीया, चंद्रपूर, बुलढाणा, जालना, भंडारा, नांदेड, अमरावती, लातूर, धाराशिव, अकोला या जिल्ह्यांमध्ये देखील वादळी वारा आणि पावसाचा अंदाज व्यक्त करण्यात आलेला आहे. त्यामुळे या सर्व जिल्ह्यांना हवामान विभागाने येल्लो अलर्ट जारी करण्यात आलेला आहे.