साप चावला म्हणून "तो' तीन वेळा सापाला चावला , सापाचा झाला मृत्यू ; तो व्यक्ती मात्र हॉस्पिटलमध्ये स्थिर ; कुठे घडली ही विचित्र घटना:?

वेधमाझा ऑनलाईन।

सध्या पावसाळ्याचे दिवस आहेत, यामुळे जंगलाच्या जवळच्या परिसरात किंवा अडगळीच्या ठिकाणी साप आल्याचं पाहायला मिळतं. या काळात सर्पदंशाच्या अनेक घटनाही ऐकायला मिळतात. सध्या सर्पदंशाची एक घटना चर्चेत आहे, पण अशी घटना तुम्ही यापूर्वी कधीही ऐकली नसेल. साप चावला म्हणून रागाच्या भरात तरुणाने सापाचाच चावा घेतल्याची विचित्र घटना समोर आली आहे. एका तरुणाला साप चावला, यानंतर त्याने रागाच्या भरात सापाला एक किंवा दोन नाही, तर तीन वेळा चावा घेतला. यानंतर सापाची मृत्यू झाल्याची घटना उघडकीस आली आहे.

बिहारमध्ये एक विचित्र घटना समोर आली आहे. एका व्यक्तीला साप चावला. यानंतर हा व्यक्ती तीन वेळा सापाला चावला, त्यामुळे सापाचा मृत्यू झाला. त्या व्यक्तीला उपचारांसाठी रुग्णालयात दाखल करण्यात आले. जिथे उपचारानंतर त्याची प्रकृती स्थिर असल्याने त्याला डिस्चार्ज देण्यात आला. या तरुणाने सांगितलं की, माझ्या गावात सर्पदंशावर गावकरी हीच युक्ती करतात, त्यानेही तेच केलं.

नेमकं काय घडलं?

बिहारमधील नवादा जिल्ह्यातील ही धक्कादायक घटना समोर आली आहे. राजौली पोलीस ठाण्याच्या हद्दीतील जंगली भागात रेल्वे लाईन टाकण्याचे काम सुरू आहे. मंगळवारी रात्री उशिरा सर्व कामगार त्यांच्या बेस कॅम्पमध्ये झोपलं होते. यावेळी संतोष लोहार नावाच्या मजुराला विषारी साप चावला. यानंतर संतप्त झालेल्या संतोषने लोखंडी रॉडच्या साहाय्याने सापाला पकडलं आणि सापाला तीन वेळा चावा घेतला, यामुळे साप मरण पावला.