वेध माझा ऑनलाइन - नागपूर बलात्काराच्या घटनेने हादरले आहे. एका अल्पवयीन मुलीवर अत्याचार झाल्याचे समोर आले होते. त्यानंतर आता एका वृद्धेवरही बलात्कार झाल्याचे समोर आले आहे.नेहमीच कायदा-सुव्यवस्थेच्या मुद्द्यावर चर्चेत राहणाऱ्या नागपुरात सामूहिक बलात्काराच्या दोन घटना घडल्याचे धक्कादायक प्रकार समोर आले आहे सामुहिक बलात्काराची पहिली घटना 17 वर्षीय अल्पवयीन तरुणीसोबत घडली असून सामूहिक बलात्काराची दुसरी घटना 65 वर्षाच्या एका वृद्ध महिलासोबत घडली आहे. या घटनांमुळे नागपुर हादरले आहे.
65 वर्षीय वृद्धेवर बलात्कार
नागपूरच्या वाडी पोलीस स्टेशन अंतर्गत लावा परिसरात राहणाऱ्या एका 65 वर्षीय वृद्धेवर बलात्कार करण्यात आला. या पीडित वृद्धेच्या घरी पहाटेच्या सुमारास दोन अनोळखी आरोपींनी प्रवेश केला. दोघांनी एकट्याच राहणाऱ्या वृद्धेला जीवे मारण्याची धमकी देत तिच्यावर बलात्कार केला. पीडितेने गुरुवारी वाडी पोलीस स्टेशनमध्ये या संदर्भात तक्रार दिली. त्यानंतर पोलिसांनी एका संशयिताला ताब्यात घेतले असून दुसर्‍याचा शोध सुरू आहे. या घटनेबद्दल पोलिसांनी कमालीची गुप्तता बाळगली आहे.
No comments:
Post a Comment