Saturday, May 7, 2022

भीषण अपघातात 7 जण ठार ; कुठे झाला अपघात? वाचा सविस्तर...

वेध माझा ऑनलाइन - नागपूर जिल्ह्यातील उमरेड रोडवर भीषण अपघात झाला आहे. या भीषण अपघातात सात जणांचा मृत्यू झाला आहे. उमरेड मार्गावरील मौजा उमरगाव राम कुलर कंपनीजवळ ही दुर्घटना घडली. मृतांमध्ये 5 पुरूष आणि एका महिलेचा समावेश आहे.
हा अपघात इतका भीषण होता की चार प्रवाशांचा जागीच मृत्यू झाला.

रात्री 11 वाजताच्या सुमारास टवेरा कार ही नागपूरच्या दिशेने येत होती. ट्रकला ओव्हरटेक करताना चालकाचा गाडीवरचा ताबा सुटल्याने ट्रकला पाठीमागून धडक दिली. कार खूप वेगाने असल्याने ट्रकला जोरात धडक दिली. कारमध्ये दहा प्रवासी होते त्यापैकी सात प्रवाशांचा मृत्यू झाला तीन प्रवासी जखमी झाले त्यामध्ये एका चिमुकलीचा देखील समावेश आहे.
सागर शेंडे रा. पिवळी नदीजवळ, उप्पलवाडी (टवेराचालक), मेघा आशिष भुजाडे रा. नझूल ले-आउट बेझनबाग, देविदास गेडाम, नरेश डोंगरे रा. भीमचौक, इंदोरा अशी मृतांची नावं आहे. तर उर्वरित मृतांची नावं अद्याप समजू शकलेली नाही. अपघाताची माहिती मिळताच हुडके‌श्वर पोलिसांचा ताफा घटनास्थळी दाखल झाला आणि तात्काळ बचावकार्य सुरु करण्यात आलं 

No comments:

Post a Comment