जमाल सिद्दीकी यांची महाराष्ट्राच्या "हज कमिटी' च्या अध्यक्ष पदावरून ताबडतोब हकालपट्टी करा ; काँग्रेस अल्पसंख्यांक नेते झाकीर पठाण यांची मागणी

(अजिंक्य गोवेकर)
कराड-
एन, आर, सी, विरोधातील आंदोलन काँग्रेसचेच आहे असे म्हणणाऱ्या व NRC विरोधात चाललेल्या आंदोलनास बदनाम करणाऱ्या महाराष्ट्र हज समितीचे अध्यक्ष जमाल सिद्दीकी यांची त्यांच्या हज कमिटीच्या राज्याच्या अध्यक्ष पदावरून त्वरीत हकालपट्टी करा अशी मागणी काँग्रेसचे सातारा जिल्हा अल्पसंख्यांक जिल्हाध्यक्ष झाकीर पठाण यांनी निवेदनाद्वारे केली आहे.
निवेदनात म्हटले आहे,की N r c ला विरोध करण्यासाठी केलेल्या आंदोलनाला बदनाम करणाऱ्या भाजपच्या जमाल सिद्दीकीची महाराष्ट्राच्या हज कमिटीच्या अध्यक्ष पदावरुन तात्काळ हकालपट्टी झाली पाहिजे.
जमाल सिद्दीकी हे भाजपाचे पोपट आहेत. राज्यात आता सरकार बदलले आहे. पदावरुन त्याची
हकालपट्टी होणार आहे, म्हणून त्यांची जाता जाता काँग्रेस विरोधी बाष्फळ बडबड सुरु आहे. त्यांनी
मुस्लीमांची दिशाभूल करण्याचे कट कारस्थानांचे षडयंत्र चालू केले आहे. NRC ला काँग्रेसचा विरोध आहे. परंतू जनतेने या विषयी चे आंदोलन हाती घेतले आहे. NRC होवू नये, यासाठी राज्य सरकारने समिती स्थापन केली आहे. ३१ मार्च २०२० पर्यंत याबाबत अहवाल येईल.
आणि भाजपने केलेला CAA,NRC, NPP कायदा असंविधानिक आहे. काँग्रेसने पूर्वी केलेला कायदा संविधानिक होता. म्हणून आंदोलने जनक्षोभ झाली नाहीत. त्यामुळे जमाल सिद्दीकीचा काँग्रेसला विरोध म्हणजे जनतेला आडाणी समजण्याचा बालिश प्रकार आहे व हेतुपुरस्सर काँग्रेसला बदनाम करण्याचे त्यांनी घेतलेले कंत्राट आहे. काँग्रेस राजवटीत भारतात जन्मलेल्या प्रत्येक मुस्लीमाला नागरीकत्व मिळालेले आहे.
परकीय घुसघोरांना नागरीकत्व देण्यास आमचा नव्हे, तर सर्वच भारतीयांचा विरोध राहील. मात्र हा कायदा येण्याअगोदर पाकिस्तानी मुस्लीमांना नागरीकत्व कोणी दिले, याचीही माहिती सिद्दीकी यांनी घेतलेली नाही. नागरिकत्व कायदा काँग्रेसच्या राजवटीत त्रासदायक मुळीच नव्हता.नागरीकत्व कायद्यातून मुस्लीमांना वगळून देशाचे तुकडे करायचे व जातीय वाद वाढविण्याचे घृणास्पद काम कोण करत आहे? हे स्पष्ट दिसत असून मुस्लीमच नव्हे संपूर्ण भारतीय जनता या कायद्या विरोधात पक्ष, गट-तट न पाहता उभी आहे. आत्तापर्यंत झालेल्या कोणत्याही जनगणनेत मुस्लीमांना भडकावलेले नव्हते व नाही. मात्र यावेळी जनगणनेत मुस्लीमच नव्हेत, तर ओ बी सी., एस.सी., एस.टी., अदिवासी यांना भडकविण्याचे काम भाजप सरकार करीत आहे.
सध्याचे NRC, NPP मध्ये मुस्लीमांना घाबरण्याचे कारण नाही हे जमालभाई सिद्दीकी जाहीर बोलत आहेत. तर त्यांनी NRC, NPP बंद करण्यासाठी व NRC रद्द करण्यासाठी हिम्मत दाखवावी.खरंच मुस्लीमांना NRC बाबत घाबरण्याचे कारण नसेल तर सुप्रिम कोर्टाचे जजमेंट मिळवून घ्यावे तेव्हाच जनतेला विश्वास बसेल. दंगल भडकवणाऱ्यांवर केसेस दाखल करा. असे सांगणाऱ्या न्यायमूर्तीची बदली एका रात्रीत कशी होते, ही कसली न्यायप्रक्रिया?
जमालभाईंचे वक्तव्ये जनतेची दिशाभूल करणारी व देशाची एकात्मता धोक्यात घालणारी आहेत.
म्हणून आम्ही त्याचा अल्पसंख्याक राष्ट्रीय काँग्रेसच्या वतीने जाहीर निषेध करतो. हज समिती अध्यक्ष पदावरुन त्यांची त्वरीत हकालपट्टी व्हावी. तसेच शासनाने No NPR बाबत लवकरच ठराव
मंजुर करावा अशीही मागणी सातारा जिल्हा अल्पसंख्याक काँग्रेसच्या वतीने आम्ही करत आहोत . मुस्लीमांसह सर्व भारतीयांनी CAA, NRC रद्द होण्यासाठी NPP बॉयकॉट करावा असे आवाहन ही या निमित्ताने सातारा जिल्हा काँग्रेसचे अल्पसंख्यांक  अध्यक्ष झाकीर पठाण यांनी या निवेदनाद्वारे केले आहे.