निवडणुकीपूर्वी तुमच्या 105 मतदारांना तुम्ही लांब सहलीला पाठवलं मतदानादिवशी हे 105 मतदार मतदानस्थळी थेट सहलीहुन आले आणि त्यांनी मतदान केले...ते 105 जण होते...तरी तुम्हाला 101मते पडली...किमान सहलीला गेलेले 105 तरी पडायला पाहिजे होती...मात्र तसे झाले नाही...101 मते पडली...म्हणजे 4 मते कमी पडली म्हणजे फुटली का? असे पत्रकारांनी विचारले असता...हो...अशी कबुली देत 4 नाही 3 फुटली...एक मत बाद झालं...अस सांगत ऍड उदय पाटील यांनी ती कोण आहेत हे नंतर सांगेन असे ते पत्रकारांशी बोलताना आज म्हणाले...
सातारा जिल्हा मध्यवर्ती सहकारी बँकेच्या निवडणुकीत कराड तालुक्यातील सोसायटी प्रतिनिधी गटातून उदयसिंह विलासराव पाटील उंडाळकर यांनी विजयाचा गुलाल उधळलाय. मतदान प्रक्रिया एक नोव्हेंबर रोजी पार पडली, तर तीन नोव्हेंबर रोजी साताऱ्यात मतमोजणी झाली. या मतमोजणीत विजय मिळवल्यानंतर उदयसिंह उंडाळकर यांनी यशवंतराव चव्हाण यांच्या समाधीस्थळी भेट देत दर्शन घेतलं.
त्यानंतर शेती उत्पन्न बाजार समितीत पत्रकार परिषद आयोजित करण्यात आली होती त्यावेळी ते बोलत होते
ते पुढे म्हणाले
कराड तालुक्यातील सोसायटी मतदारसंघातून मला जिल्हा बँकेत प्रतिनिधी म्हणून काम करण्याची संधी ठरावधारकांनी दिली असून, त्यांचा हा विश्वास सार्थ ठरवण्याचा प्रयत्न करणार असल्याचं त्यांनी सांगितलं.
दरम्यान, काकांनी तब्बल ५५ वर्षे कराड तालुक्याचं सोसायटी मतदारसंघातून जिल्हा मध्यवर्ती बँकेत प्रतिनिधित्व केलं. या काळात बँकेत आर्थिक शिस्त निर्माण करण्याचा प्रयत्न करण्यात आला. याच शिस्तीमुळे जिल्हा बँकेला राज्यातच नव्हे, तर देशातही अग्रस्थान मिळवता आलं, अशी भावना उदयसिंह उंडाळकर यांनी व्यक्त केली.
मागील पाच वर्षांत संघटनेमध्ये काहीशी वेगळी भावना निर्माण झाली होती. मागील निवडणुकीत निसटत्या मतांनी पराभव स्वीकारावा लागला होता. मात्र, यावेळी संघटनेतील कार्यकर्त्यांनी जिद्द आणि चिकाटीच्या जोरावर विजय खेचून आणला. कोणतंही संतुलन न गमावता कार्यकर्त्यांनी केलेल्या प्रयत्नांचं त्यांनी विशेष कौतुक केलं.
हा विजय केवळ निवडणुकीतील विजय नसून, तत्त्वांचा आणि विचारांचा विजय असल्याचं उदयसिंह उंडाळकर यांनी म्हटलंय. काकांनी ज्या विचारांवर सहकार क्षेत्रात काम केलं, त्याच विचारांवर संघटना उभी राहिली आहे. तसेच डॉ सूरेशबाबा, अतुलबाबा आणि मनोजदादा यांनी या निवडणूक प्रक्रियेत दिलेल्या पाठिंब्याबद्दलही त्यांनी आभार व्यक्त केले.
