राहुल गांधी यांच्या निवासस्थानी दिवाळीनिमित्त स्नेहमिलन सोहळा; माजी मुख्यमंत्री पृथ्वीराज चव्हाण यांची उपस्थिती :

वेध माझा ऑनलाइन।

लोकसभेतील विरोधी पक्षनेते राहुल गांधी यांनी शुक्रवार, दि. ६ नोव्हेंबर रोजी नवी दिल्लीतील ५, सुनहरी बाग रोड येथील आपल्या निवासस्थानी काँग्रेसच्या वरिष्ठ नेत्यांसाठी 'दिवाळी मंगल मिलन' आणि स्नेहभोजन समारंभाचे आयोजन केले होते. या कार्यक्रमाला महाराष्ट्राचे माजी मुख्यमंत्री तथा माजी केंद्रीय मंत्री पृथ्वीराज चव्हाण यांच्यासह देशभरातील काँग्रेसचे अनेक ज्येष्ठ नेते, विद्यमान व माजी मुख्यमंत्री आणि विविध राज्यांतील पक्षाचे प्रमुख पदाधिकारी उपस्थित होते.

या दिवाळी स्नेहमिलन सोहळ्याला लोकसभेतील विरोधी पक्षनेते खा. राहुल गांधी यांच्यासह काँग्रेसच्या ज्येष्ठ नेत्या सोनिया गांधी, काँग्रेसच्या खासदार प्रियांका गांधी, कर्नाटकचे माजी मुख्यमंत्री सिद्धरामय्या, महाराष्ट्राचे माजी मुख्यमंत्री पृथ्वीराज चव्हाण, छत्तीसगडचे माजी मुख्यमंत्री भूपेश बघेल, मध्य प्रदेशचे माजी मुख्यमंत्री दिग्विजय सिंह, हरियाणाचे माजी मुख्यमंत्री भूपेंद्र सिंह हुड्डा आणि राजस्थानचे माजी मुख्यमंत्री अशोक गेहलोत यांच्यासह अनेक वरिष्ठ नेत्यांनी उपस्थिती लावली. तसेच काँग्रेसशासित राज्यांचे मुख्यमंत्री, विविध राज्यांचे प्रदेशाध्यक्ष, प्रदेश काँग्रेस कमिटीचे प्रमुख आणि देशभरातील १०० हून अधिक वरिष्ठ काँग्रेस नेते या कार्यक्रमात सहभागी झाले होते.

या कार्यक्रमादरम्यान राहुल गांधी यांनी उपस्थित नेत्यांच्या प्रत्येक टेबलवर जाऊन त्यांची वैयक्तिक भेट घेतली. सर्वांशी आपुलकीने संवाद साधत त्यांनी दिवाळीच्या शुभेच्छा दिल्या. देशाच्या विविध राज्यांतील काँग्रेस नेत्यांना एकत्र येऊन परस्परांशी संवाद साधण्याची संधी या स्नेहमिलनाच्या निमित्ताने मिळाली.

या स्नेहमिलन कार्यक्रमानंतर प्रसारमाध्यमांशी संवाद साधताना माजी मुख्यमंत्री पृथ्वीराज चव्हाण यांनी सांगितले की, "या भेटीमागे कोणताही राजकीय हेतू नाही. दिवाळी सणाच्या निमित्ताने देशभरातील काँग्रेसच्या वरिष्ठ नेत्यांना एकत्र भेटण्याची आणि त्यांच्याशी संवाद साधण्याची ही एक चांगली संधी होती. हा पूर्णपणे कौटुंबिक आणि अनौपचारिक स्वरूपाचा स्नेहमेळावा होता."

विशेष म्हणजे, या कार्यक्रमाचे स्वरूप पूर्णपणे अनौपचारिक आणि कौटुंबिक होते. या स्नेहभोजनादरम्यान कोणतीही अधिकृत राजकीय बैठक किंवा आगामी राजकीय रणनीतीबाबत चर्चा झाली नसल्याचे सांगण्यात आले. दिवाळीच्या निमित्ताने आयोजित करण्यात आलेल्या या स्नेहमिलन सोहळ्यात देशभरातील काँग्रेसच्या वरिष्ठ नेत्यांनी एकत्र येत सणाचा आनंद साजरा केला.

कराड शहराच्या विकासासाठी २.१० कोटींचा निधी ; मलकापूरसाठी २.९० कोटींचा निधी ;

वेध माझा ऑनलाइन

 कराड दक्षिण विधानसभा मतदारसंघाचे आमदार डॉ. अतुलबाबा भोसले यांच्या विशेष प्रयत्नांमुळे कराड आणि मलकापूर शहराच्या विकासासाठी भाजपा-महायुती सरकारने तब्बल ५ कोटींचा निधी मंजूर केला आहे. या निधीतून कराडमध्ये २.१० कोटींची आणि मलकापूर शहरात २.९० कोटींची विविध पायाभूत स्वरुपाची विकासकामे केली जाणार आहेत. यामुळे या शहरांच्या विकासाला चालना मिळण्यास मदत होणार आहे. 

कराड व मलकापूर शहराच्या सर्वांगीण विकासासाठी आमदार डॉ. अतुलबाबा भोसले सातत्याने विशेष प्रयत्नशील राहिले आहेत. भाजपा – महायुती सरकारच्या माध्यमातून त्यांनी शहराच्या प्रगतीसाठी अनेक नाविण्यपूर्ण उपक्रम राबविण्यासाठी यापूर्वीदेखील भरघोस निधी उपलब्ध करुन दिला आहे. यात आता आणखी ५ कोटींच्या निधीची भर पडली आहे. आ. डॉ. भोसले यांनी केलेल्या सातत्यपूर्ण पाठपुराव्यामुळे ‘नगरपरिषदांना वैशिष्ट्यपूर्ण कामासाठी विशेष अनुदान’ या योजनेअंतर्गत नगर विकास विभागाच्यावतीने कराडसाठी २.१० कोटींचा; तर मलकापूरसाठी २.९० कोटींचा निधी मंजूर करण्यात आला आहे. 

या निधीच्या माध्यमातून कराडमधील सोमवार पेठ (सिटी सर्व्हे क्रमांक ७०) येथील नगरपरिषदेच्या मालकीच्या जागेत सभागृह बांधण्यासाठी ६० लाख रुपये, भोई समाज सभागृहाच्या नूतनीकरणासाठी २० लाख, छत्रपती संभाजी महाराज भाजी मंडईच्या नूतनीकरणासाठी १० लाख, बुधवार पेठ येथील आरक्षण क्रमांक ३४ मधील खेळाचे मैदान विकसित करण्यासाठी ७० लाख आणि यशवंतराव चव्हाण सभागृहातील वाचनालयामध्ये अभ्यासिका विकसित करण्यासाठी ५० लाख रुपये निधी मंजूर करण्यात आला आहे. 

तसेच मलकापूरमधील लाहोटीनगर येथे स्मार्ट अंगणवाडी इमारत बांधण्यासाठी २० लाख, २४ बाय ७ नळपाणीपुरवठा योजनेअंतर्गत जलशुद्धीकरण केंद्रातील पाणीपुरवठाविषयक कामांसाठी ५० लाख, प्रभाग क्रमांक ६ मधील सर्व्हे क्रमांक २०८ पैकी खुल्या जागेत उद्यान विकसित करण्यासाठी ९० लाख, आगाशिवनगर येथील स्मशानभूमी विकसित करण्यासाठी ४० लाख, तर त्याच परिसरातील ख्रिश्चन समाजाच्या दफनभूमीच्या विकासासाठी ४५ लाख, पुण्यश्लोक राजमाता अहिल्यादेवी होळकर शेतकरी भाजी मंडईच्या नूतनीकरणासाठी २५ लाख आणि मलकापूर नगरपरिषद हद्दीतील १५ ठिकाणी स्ट्रीटलाईट बसविण्यासाठी २० लाख रुपये निधी मंजूर झाला आहे.

या अंतर्गत मंजूर विकासकामांचा १०० टक्के खर्च राज्य शासनाकडून करण्यात येणार आहे. त्यामुळे या विकासनिधीच्या मंजुरीमुळे कराड व मलकापूर शहरातील पायाभूत सुविधांच्या विकासाला चालना मिळण्यास मदत होणार आहे. कराड व मलकापूर शहरासाठी ५ कोटींचा निधी मंजूर केल्याबद्दल शहवासीयांकडून मुख्यमंत्री ना. देवेंद्र फडणवीस, उपमुख्यमंत्री तथा नगरविकास मंत्री ना. एकनाथ शिंदे, उपमुख्यमंत्री ना. सुनेत्राताई पवार आणि आमदार डॉ. अतुलबाबा भोसले यांच्यासह भाजपा-महायुती सरकारचे आभार मानले जात आहेत.

निवडणुकीपूर्वी दिलेला शब्द केवळ राजकीय औपचारिकता न ठेवता तो प्रत्यक्षात उतरविण्याची भूमिका अतुलबाबांनी घेतली. त्यामुळे उंडाळकर यांच्या विजयामागे राजकीय पाठबळाबरोबरच परस्पर विश्वासाचे नातेही अधोरेखित झाले आहे.

विशेष म्हणजे, जिल्हा बँकेच्या निवडणुकीत स्वतःची राजकीय भूमिका आणि स्थान कायम ठेवतानाच सहकारातील सहकाऱ्याला दिलेला शब्द पाळण्याची भूमिका अतुलबाबांनी घेतली. यामुळे त्यांच्या राजकीय व्यवहारातील विश्वासार्हतेची चर्चा सुरू झाली आहे.

राजकारणात डावपेच महत्त्वाचे असतात पण दिलेला शब्द पाळण्याची वृत्ती नेतृत्वाची खरी ओळख ठरते. उदयसिंहदादा पाटील उंडाळकर यांच्या विजयाच्या निमित्ताने अतुलबाबा भोसले यांनी हीच भूमिका अधोरेखित केली असून, जिल्ह्याच्या सहकार आणि राजकीय वर्तुळात या घडामोडीला विशेष महत्त्व प्राप्त झाले आहे.

तुम्ही बाहेरगावी सहलीला पाठवलेल मतदार 105 जण होते...तरीही तुम्हाला 101 मते पडली...म्हणजेच 4 कमी पडली म्हणजेच फुटली ; उदयदादा म्हणाले : हो 3 मते फुटली...एक बाद झाले... ती कोण आहेत, यावर नंतर बोलेन...

वेध माझा ऑनलाइन।

निवडणुकीपूर्वी तुमच्या 105 मतदारांना तुम्ही लांब सहलीला पाठवलं... मतदानादिवशी हे 105 मतदार मतदानस्थळी थेट सहलीहुन आले आणि त्यांनी मतदान केले...ते 105 जण होते...तरी तुम्हाला 101 मते पडली...किमान सहलीला गेलेले 105 तरी पडायला पाहिजे होती...मात्र तसे झाले नाही...101 मते पडली...म्हणजे 4 मते कमी पडली म्हणजे फुटली ? असे पत्रकारांनी विचारले असता...हो...अशी कबुली देत 4 नाही 3 फुटली...एक मत बाद झालं...अस सांगत ऍड उदय पाटील यांनी ती कोण आहेत हे नंतर सांगेन असे ते पत्रकारांशी बोलताना म्हणाले...

सातारा जिल्हा मध्यवर्ती सहकारी बँकेच्या निवडणुकीत कराड तालुक्यातील सोसायटी प्रतिनिधी गटातून ऍड उदयसिंह पाटील उंडाळकर यांनी आज विजयाचा गुलाल उधळला. मतदान प्रक्रिया एक नोव्हेंबर रोजी पार पडली, तर आज तीन नोव्हेंबर रोजी साताऱ्यात मतमोजणी झाली. या मतमोजणीत विजय मिळवल्यानंतर उदयसिंह उंडाळकर यांनी यशवंतराव चव्हाण यांच्या समाधीस्थळी भेट देत दर्शन घेतलं.

त्यानंतर शेती उत्पन्न बाजार समितीत पत्रकार परिषद आयोजित करण्यात आली होती त्यावेळी ते बोलत होते

ते पुढे म्हणाले

कराड तालुक्यातील सोसायटी मतदारसंघातून मला जिल्हा बँकेत प्रतिनिधी म्हणून काम करण्याची संधी ठरावधारकांनी दिली असून, त्यांचा हा विश्वास सार्थ ठरवण्याचा प्रयत्न करणार असल्याचं त्यांनी सांगितलं.

दरम्यान,  काकांनी तब्बल ५५ वर्षे कराड तालुक्याचं सोसायटी मतदारसंघातून जिल्हा मध्यवर्ती बँकेत प्रतिनिधित्व केलं. या काळात बँकेत आर्थिक शिस्त निर्माण करण्याचा प्रयत्न करण्यात आला. याच शिस्तीमुळे जिल्हा बँकेला राज्यातच नव्हे, तर देशातही अग्रस्थान मिळवता आलं, अशी भावना उदयसिंह उंडाळकर यांनी व्यक्त केली.

मागील पाच वर्षांत संघटनेमध्ये काहीशी वेगळी भावना निर्माण झाली होती. मागील निवडणुकीत निसटत्या मतांनी पराभव स्वीकारावा लागला होता. मात्र, यावेळी संघटनेतील कार्यकर्त्यांनी जिद्द आणि चिकाटीच्या जोरावर विजय खेचून आणला. कोणतंही संतुलन न गमावता कार्यकर्त्यांनी केलेल्या प्रयत्नांचं त्यांनी विशेष कौतुक केलं.

हा विजय केवळ निवडणुकीतील विजय नसून, तत्त्वांचा आणि विचारांचा विजय असल्याचं उदयसिंह उंडाळकर यांनी म्हटलंय. काकांनी ज्या विचारांवर सहकार क्षेत्रात काम केलं, त्याच विचारांवर संघटना उभी राहिली आहे. तसेच डॉ सूरेशबाबा, अतुलबाबा आणि मनोजदादा यांनी या निवडणूक प्रक्रियेत दिलेल्या पाठिंब्याबद्दलही त्यांनी आभार व्यक्त केले.

 

पालकमंत्री शंभूराज देसाई पहिल्यांदाच जिल्हा बँकेचे संचालक झाले ; तब्बल 45 वर्षांनी झाली देसाई कुटुंबियांची बँकेत एन्ट्री ;

वेध माझा ऑनलाइन

सातारा जिल्हा मध्यवर्ती सहकारी बँकेच्या निवडणुकीचा निकाल जाहीर झाला आहे. महायुतीने बॅंकेवर आपला झेंडा रोवला असून महाविकास आघाडीला भोपळाही फोडता आला नाही. शंभूराज देसाई यांच्या रूपाने लोकनेते बाळासाहेब देसाई यांच्या कुटुंबातील सदस्याची ४५ वर्षांनी बॅंकेत एन्ट्री झाली आहे. त्यांचे साडू ॲड. उदयसिंह पाटील-उंडाळकर हे देखील विजयी झाले आहेत. तिरंगी लढतीत माणमधून मंत्री जयकुमार गोरे यांनी बाजी मारली.

पाटण आणि कराड तालुका सोसायटी मतदार संघात शंभूराज देसाई आणि ॲड. उदयसिंह पाटील-उंडाळकर यांचा मागील निवडणुकीत पराभव झाला होता. परंतु, या निवडणुकीत दोघांनीही पराभवाचे उट्टे काढत बॅंकेत दिमाखात एन्ट्री केली आहे. पालकमंत्री शंभूराज देसाई पहिल्यांदाच जिल्हा बँकेचे संचालक झाले आहेत. त्यांनी आपले पारंपरिक विरोधक सत्यजितसिंह पाटणकर यांचा पराभव केला. देसाईंना 58 आणि पाटणकरांना 46 मते मिळाली. उदयसिंह पाटील यांनी 100 मते मिळवत धनंजय पाटील (44) यांच्यावर मोठ्या फरकाने मात केली. देसाई आणि उंडाळकर हे एकमेकांचे साडू आहेत.

सांगली जिल्हा मध्यवर्ती सहकारी बँकेच्या निवडणुकीत आमदार गोपीचंद पडळकर यांचा विजय ; जत सोसायटी गटातून आमदार गोपीचंद पडळकर 54 मतांनी विजयी ;

वेध माझा ऑनलाइन।

सांगली जिल्हा मध्यवर्ती सहकारी बँकेच्या निवडणुकीत 6 जागांची मतमोजणी प्रक्रिया मिरजेतील मार्केट यार्ड मध्ये सुरू आहे. आठ टेबल वर 25 कर्मचाऱ्यांच्या मदतीने ही मतमोजणी होत आहे. जिल्हा बँकेच्या निवडणुकीत 15 जागा बिनविरोध झाल्यानंतर उरलेल्या सहा जागांसाठी 13 उमेदवार मैदानात होते. जत सोसायटी गटातून आमदार गोपीचंद पडळकर यांचा विजय झाल्याची माहिती समोर आली आहे. सांगली जिल्हा बँकेच्या मतमोजणी केंद्राच्या परिसरात आमदार गोपीचंद पडळकर यांच्या समर्थकांकडून गुलालाची उधळण करत जल्लोष करण्यास सुरुवात झाली आहे.

गोपीचंद पडळकर यांच्या विजय घोषित करण्यापूर्वीच समर्थकांची जल्लोषाची जय्यत तयारी केली होती. मिरज मिशन चौकात जेसीबीने गुलाल उधळण्याची तयारी कार्यकर्त्यांनी केली आहे. डॉल्बीचा दणदणाट, क्रेनच्या सहाय्याने भव्य हार घालण्याची तयारी करण्यात आली आहे. जत सोसायटी गटातून आमदार गोपीचंद पडळकर यांनी 45 मतांचा कोटा पूर्ण केला. एकूण 88 मता पैकी विजयासाठी 45 मतांची आवश्यकता होती. आमदार गोपीचंद पडळकर यांच्या विजयाची औपचारिकता बाकी होती. मतमोजणीच्या ठिकाणीच पडळकर समर्थकांकडून जल्लोष करण्यास सुरूवात झाली

जत सोसायटी गटातून आमदार गोपीचंद पडळकर 54 मतांनी विजयी झाले आहेत. विरोधी उमेदवार विनोद पवार यांना 34 मते पडली आहे. 

पी . डी. पाटील साहेबांचा आर्थिक शिस्तीचा सल्ला आजही स्मरणात! शंभूराज देसाईंचा जुन्या आठवणींना उजाळा; बाळासाहेब पाटील यांच्या कामाचेही केले कौतुक ; राजकीय पक्ष वेगळे असले तरी आम्ही जुने सहकारी; कराडच्या विकासासाठी सध्या एकत्र काम करतोय : मंत्री देसाई

वेध माझा ऑनलाईन।

सहकार क्षेत्रात काम करताना आर्थिक शिस्त किती महत्त्वाची असते, याचा मोलाचा सल्ला ज्येष्ठ नेते पी. डी. पाटील साहेबांनी मला दिला होता. त्यांच्या त्या मार्गदर्शनाची आजही आठवण होते. शिवाजीराव देसाई यांनी काटकसरीने साखर कारखाना चालवला. त्यांच्यासोबत काम केलेल्या अनुभवी लोकांचा सल्ला घेऊन तुम्हीही कारखाना चालवा, असे पी. डी. पाटील साहेबांनी मला त्यावेळी सांगितले होते, अशी जुनी आठवण राज्याचे मंत्री शंभूराज देसाई यांनी सांगितली. तसेच, बाळासाहेब पाटील हे देखील पी. डी. पाटील साहेबांच्या विचारांचा वारसा जपत चांगले काम करत असल्याचे गौरवोद्गार त्यांनी काढले.

कराड नगरपालिकेच्या नवीन पंपिंग स्टेशन क्रमांक १ च्या भूमिपूजन कार्यक्रमासाठी मंत्री शंभूराज देसाई कराडमध्ये आले होते. यावेळी त्यांनी आपल्या भाषणातून सहकार क्षेत्रातील जुन्या आठवणींना उजाळा देतानाच बाळासाहेब पाटील यांच्याविषयीही आदर व्यक्त केला.

देसाई म्हणाले, मी बाळासाहेब पाटील यांच्याआधी साखर कारखान्याचा चेअरमन झालो. आदरणीय पी. डी. पाटील साहेबांच्या काळात मलाही आमच्या कारखान्याचा चेअरमन म्हणून काम करण्याची संधी मिळाली. त्यावेळी साहेबांना भेटण्यासाठी मी मंगळवार पेठेतील त्यांच्या जुन्या घरी जात असे. अशाच एका भेटीत त्यांनी मला कारखान्याच्या आर्थिक शिस्तीबाबत महत्त्वाचा सल्ला दिला होता. कारखानदारीमध्ये आर्थिक शिस्त अत्यंत महत्त्वाची असते. शिवाजीराव देसाई यांनी काटकसरीने कारखाना चालवला. त्यांच्यासोबत काम केलेल्या अनुभवी लोकांचा सल्ला घेऊन तुम्हीही काम करा, असे त्यांनी मला सांगितले होते. हा सल्ला माझ्यासाठी मोलाचा ठरला, असे देसाई यांनी नमूद केले.

या कार्यक्रमात माजी मंत्री बाळासाहेब पाटील यांनी आपल्या भाषणात पालकमंत्री म्हणून शंभूराज देसाई जिल्ह्यात चांगले काम करत असल्याचे सांगत त्यांच्या कार्याचे कौतुक केले. त्याला उत्तर देताना मंत्री देसाई यांनीही बाळासाहेब पाटील यांच्या कामाची प्रशंसा केली.

ते म्हणाले, बाळासाहेब पाटील यांनी माझ्या कामाचे कौतुक केले, याचा आनंद वाटला. आम्ही दोघेही जुने सहकारी आहोत. यापूर्वी एकत्र काम केले आहे. आमचे राजकीय पक्ष वेगवेगळे असले तरी सध्या कराड नगरपालिकेत आम्ही विकासाच्या कामासाठी एकत्र काम करत आहोत. बाळासाहेब पाटील हे माझे जुने सहकारी आहेत, असेही त्यांनी स्पष्ट केले.

एकीकडे बाळासाहेब पाटील यांनी शंभूराज देसाई यांच्या पालकमंत्री म्हणून केलेल्या कामाचे कौतुक केले, तर दुसरीकडे देसाई यांनी बाळासाहेब पाटील यांच्या कार्याचा गौरव केला. दोन्ही नेत्यांनी एकमेकांवर केलेल्या या स्तुतिसुमनांमुळे कार्यक्रमस्थळी उपस्थितांचे लक्ष वेधले गेले. विशेषतः राजकीय पक्ष वेगळे असतानाही कराडच्या विकासाच्या मुद्द्यावर एकत्र काम करण्याची दोन्ही नेत्यांची भूमिका आणि त्यांच्या जुन्या सहकार्याच्या आठवणी यांचीच पत्रकारांमध्ये बराच वेळ चर्चा रंगली होती.

वेध माझा ऑनलाइन।

मी अगोदर चेअरमन झालो त्यानंतर बाळासाहेब पाटील झाले मी आदरणीय पी डी पाटील साहेबांच्या काळात आमच्या साखर कारखान्याचा चेअरमन म्हणून काम केलं आहे त्यावेळी मी साहेबाना भेटायला मंगळवार पेठेतील त्यांच्या जुन्या घरी यायचो त्यावेळी मला साहेबांनी मोलाचा सल्ला दिला ते म्हणाले होते की कारखान्यात आर्थिक शिस्त लावून घ्या कारखानदारीत ती महत्वाची असते शिवाजीराव देसाई यांनी काटकसरीने कारखाना चालवला तुम्ही पण त्यांच्या बरोबरच्या लोकांचा सल्ला घेऊन काम करा असा मोलाचा सल्ला मला त्यावेळी पी डी पाटील साहेबांनी दिला होता अशी आठवण मंत्री शंभूराज देसाई सांगून बाळासाहेब पाटील देखील त्यांच्याच पावलावर पाऊल ठेवून चांगलं काम करत असल्याचेही ते म्हणाले

कराड पालिकेच्या नवीन पम्पिंग स्टेशन 1 च्या भूमिपूजन कार्यक्रमासाठी आले होते त्यावेळी ते बोलत होते

यावेळी आपल्या भाषणात बाळासाहेब पाटील यांनी शंभूराज देसाई पालकमंत्री म्हणून चांगलं काम जिल्ह्यात करत आहेत असे सांगितले त्यावर बोलताना मंत्री देसाई म्हणाले बाळासाहेब पाटील यांनी आमच्या कामाचे कौतुक केलं त्यावेळी बर वाटल आम्ही दोघे जुने सहकारी आहोत आम्ही एकत्र काम केलं आहे आमचे राजकीय पक्ष वेगळे असतील पण सध्या आम्ही कराडात पालिकेत एकत्र काम करत आहोत हे माझे जुने सहकारी आहेत असे सांगून बाळासाहेब पाटील यांनी देसाई यांचे आपल्या भाषणात कौतुक केल्यावर त्यावर आपल्या भाषणातही देसाई यांनी  बाळासाहेब पाटील यांच्याही कामाचे कौतुक केले या दोघांनी एकमेकांवर स्तुतीसुमने उधळल्यावर पत्रकारांच्यात याचबाबत बराचवेळ चर्चा रंगली होती

सुप्रिया सुळे यांच्या जावयाला १२०० एकर जमीन दिल्याच्या आरोपावर देसाईंचे सावध उत्तर! म्हणाले...मला याबाबत माहितीच नाही: सरकारने जमीन दिली याची माहिती सरकारमधील मंत्र्यालाच माहिती नाही याचे राज्यभरातून आश्चर्य व्यक्त ;

वेध माझा ऑनलाईन।

राष्ट्रवादी काँग्रेसच्या खासदार सुप्रिया सुळे यांच्या जावयाला १२०० एकर जमीन दिल्याच्या आरोपावरून राजकीय वर्तुळात चर्चा सुरू असताना पालकमंत्री शंभूराज देसाई यांनी या प्रकरणावर सावध भूमिका घेतली आहे. या आरोपाबाबत आपल्याला सध्या पुरेशी माहिती नाही. संबंधित माहिती घेतल्यानंतरच यावर भाष्य करणार असल्याचे देसाई यांनी स्पष्ट केले. त्यामुळे सुप्रिया सुळे यांच्या जावयाला जमीन दिल्याच्या आरोपावर महायुतीतीलच एका ज्येष्ठ मंत्र्याने तूर्तास प्रतिक्रिया देणे टाळल्याची चर्चा असताना ज्या सरकारने जमीन दिली त्या सरकारमधील मंत्र्यालाच याबाबतची माहिती नाही याचे आश्चर्य सर्वत्र व्यक्त होत आहे 

दरम्यान, पुणे पदवीधर मतदारसंघाच्या निवडणुकीतील पराभवावरून महायुतीतील अंतर्गत नाराजीही समोर येत आहे. भाजपचे मंत्री जयकुमार गोरे यांनी महायुतीतील घटक पक्षांकडून फसवणूक झाल्याची शंका व्यक्त केल्यानंतर युतीतील समन्वयाचा मुद्दा चर्चेत आला आहे. यावर प्रतिक्रिया देताना देसाई यांनी गोरे यांनी कोणत्याही घटक पक्षाचे नाव घेतले नसल्याचे सांगितले. महायुतीतील वीसपेक्षा अधिक घटक पक्ष एकत्र बसून पराभवाची कारणमीमांसा करतील, असे त्यांनी स्पष्ट केले. शिवसेनेने आपल्या परीने निवडणुकीत प्रयत्न केल्याचेही त्यांनी नमूद केले.

सांगलीला पाणी रोखल्याच्या आरोपावर देसाई यांनी कोयना धरणातील पाणीसाठ्याचा संदर्भ दिला. अल निनोच्या प्रभावामुळे गेल्या वर्षीच्या तुलनेत यंदा धरणातील पाणीसाठा १८ टीएमसीने कमी असल्याचे त्यांनी सांगितले. पिण्याचे पाणी, जनावरांसाठी पाणी आणि राखीव साठ्याचे नियोजन लक्षात घेऊन पाणी सोडण्याच्या प्रमाणाचा अभ्यास करण्याच्या सूचना जलसंपदा विभागाला दिल्याचेही त्यांनी स्पष्ट केले.

किणी टोलनाक्यावरील ऊसदर आंदोलनाबाबत बोलताना जिल्हा मध्यवर्ती सहकारी बँकेच्या नूतन संचालक मंडळाने पुढाकार घेऊन बैठक आयोजित करावी आणि ऊसदराच्या प्रश्नावर मध्यम मार्ग काढावा, अशी भूमिका देसाई यांनी मांडली.

दरम्यान, महिला पोलिसाच्या वाढदिवसाच्या रील प्रकरणावरही देसाई यांनी भूमिका मांडली मात्र सुप्रिया सुळे यांच्या जावयाला जमीन दिल्याच्या आरोपाबाबत मात्र त्यांनी माहिती घेतल्यानंतरच बोलण्याची भूमिका घेतली. त्यामुळे या आरोपाच्या अनुषंगाने पुढे कोणती माहिती समोर येते आणि देसाई त्यावर काय भाष्य करतात, याकडे राजकीय वर्तुळाचे लक्ष लागले आहे.

आमदार डॉ. अतुलबाबा भोसले यांनी राष्ट्रीय महामार्ग प्राधिकरण व जिल्हा प्रशासनाचे वेधले लक्ष ; पाणी साचण्याच्या समस्येकडे आणि महामार्गालगतच्या गटर्सच्या प्रलंबित कामाचे मांडले अभ्यासपूर्ण प्रश्न ; शिवेंद्रसिंहराजे भोसले यांच्या कामे तातडीने मार्गी लावण्याच्या सूचना ;

वेध माझा ऑनलाइन।

कराड येथे राष्ट्रीय महामार्गालगतच्या सर्व्हिस रोडवर विविध ठिकाणी पाणी साचण्याच्या समस्येकडे आणि महामार्गालगतच्या गटर्सच्या प्रलंबित कामांच्या प्रश्नांकडे कराड दक्षिण विधानसभा मतदारसंघाचे आमदार डॉ. अतुलबाबा भोसले यांनी आज राष्ट्रीय महामार्ग प्राधिकरण व जिल्हा प्रशासनाचे लक्ष वेधले. यावेळी राज्याचे सार्वजनिक बांधकाममंत्री ना. शिवेंद्रसिंहराजे भोसले यांनी ही प्रलंबित कामे तातडीने मार्गी लावण्याच्या सूचना संबंधित अधिकाऱ्यांना दिल्या. 

सातारा जिल्हाधिकारी कार्यालयात सार्वजनिक बांधकाममंत्री ना. शिवेंद्रसिंहराजे भोसले यांच्या अध्यक्षतेखाली आणि आ. डॉ. अतुलबाबा भोसले यांच्या प्रमुख उपस्थितीत झालेल्या बैठकीत कराड येथील राष्ट्रीय महामार्गाच्या प्रलंबित कामांबाबत चर्चा झाली. बैठकीला आमदार मनोज घोरपडे व जिल्हाधिकारी संतोष पाटील यांची विशेष उपस्थिती होती. 

बैठकीत आमदार डॉ. भोसले म्हणाले, कराड येथे राष्ट्रीय महामार्गालगत गोटे परिसर, मलकापूर येथे जय मोटर्स, पाचवड फाटा परिसर आदी ठिकाणी रस्त्यावर मोठ्या प्रमाणात पाणी साचत असून, या समस्येवर कायमस्वरूपी उपाययोजना करण्याची गरज आहे. तसेच अनेक ठिकाणी गटार व्यवस्थेची कामे प्रलंबित आहेत. तीदेखील तातडीने पूर्ण करण्याची आवश्यकता आहे. शिवाय राष्ट्रीय महामार्गाची उंची अधिक असल्यामुळे त्याला जोडणारा अप्रोच रस्ताही उंच झाला आहे. परिणामी रस्त्यालगतच्या शेतकऱ्यांना अनेक अडचणींचा सामना करावा लागत आहे. 

याबाबत सार्वजनिक बांधकाममंत्री ना. शिवेंद्रसिंहराजे भोसले यांनी राष्ट्रीय महामार्ग प्राधिकरणच्या अधिकाऱ्यांनी यांची गंभीर दखल घेऊन, या समस्या तातडीने मार्गी लावण्याच्या सूचना केल्या. 

बैठकीला सातारा जिल्हा परिषदेचे उपाध्यक्ष राजू भोसले, कराडचे प्रांताधिकारी अतुल म्हेत्रे, उपविभागीय पोलीस अधिकारी राजश्री पाटील यांच्यासह राष्ट्रीय महामार्ग प्राधिकरण व विविध विभागांचे अधिकारी उपस्थित होते. 

कराड पालिकेच्या पंपिंग स्टेशन क्रमांक 1 चे पालकमंत्री शंभूराज देसाई यांच्या हस्ते भूमिपूजन ;

वेध माझा ऑनलाइन।

आज सोमवारी सायंकाळी शहरातील शनिवार पेठेतील यशवन्त हायस्कुल मागील परिसरातील कराड पालिकेच्या नव्याने उभारण्यात येणाऱ्या पंपिंग स्टेशन क्रमांक 1 चे भूमिपूजन पालकमंत्री शंभूराज देसाई यांच्या हस्ते करण्यात आले यावेळी कराडच्या विकासासाठी आपण सर्वतोपरी मदत करणार असल्याची ग्वाही पालकमंत्री देसाई यांनी दिली

यावेळी माजी पालकमंत्री बाळासाहेब पाटील नगराध्यक्ष राजेंद्रसिह यादव  तसेच सर्व  नगरसेवक, नगरसेविका आदी मान्यवर उपस्थित होते यावेळी बाळासाहेब पाटील व नगराध्यक्ष यादव यांनीही आपले मनोगत व्यक्त करत पालकमंत्री देसाई यांचे आभार मानले 

त्यानंतर पत्रकारांशी बोलताना मंत्री देसाई यांनी विचारलेल्या प्रश्नांची बऱ्यापैकी उत्तरे ... मला माहित नाही... माहिती घेतो... आणि मग बोलतो अशाच सुरात दिली... मात्र काही प्रश्नावर ते सविस्तर बोलले हेही खरे आहे!

त्यापैकी पदवीधर निवडणुकीतील पराभवावरून  जयकुमार गोरेंच्या विधानावर पालकमंत्री शंभूराज देसाईंनी प्रतिक्रिया दिली

पदवीधर निवडणुकीतील पराभवानंतर जयकुमार गोरेंनी महायुतीतील घटक पक्षांवर फसवणुकीची शंका व्यक्त केली होती. यावर बोलताना शंभूराज देसाईंनी गोरेंनी कुणाचंही नाव घेतलं नसल्याचं म्हटलंय. महायुतीतील वीसपेक्षा अधिक घटक पक्ष एकत्र बसून पराभवाची कारणं शोधणार असल्याचं त्यांनी सांगितलं. शिवसेनेने आपल्या परीने प्रयत्न केल्याचंही देसाईंनी स्पष्ट केलं.

सुप्रिया सुळे यांच्या जावयाला सरकारने १२०० एकर सुपीक जमीन दिल्याच्या आरोपावर देसाईंनी सावध भूमिका घेतली. या प्रकरणाची आपल्याला पुरेशी माहिती नसल्याने माहिती घेतल्यानंतरच भाष्य करणार असल्याचं त्यांनी सांगितलं.

सांगलीला पाणी रोखल्याच्या आरोपावरही देसाईंनी स्पष्टीकरण दिलं. अल निनोच्या प्रभावामुळे कोयना धरणातील पाणीसाठा गेल्या वर्षीच्या तुलनेत १८ टीएमसीने कमी असल्याचं त्यांनी सांगितलं. पिण्याचं पाणी, जनावरांसाठी पाणी आणि राखीव साठ्याचं नियोजन लक्षात घेऊन पाणी सोडण्याच्या प्रमाणाचा अभ्यास जलसंपदा विभागाला करण्यास सांगितल्याची माहिती त्यांनी दिली.

किणी टोलनाक्यावर ऊसदरासाठी होणाऱ्या आंदोलनाबाबतही देसाईंनी भूमिका स्पष्ट केली. जिल्हा मध्यवर्ती बँकेच्या नवीन संचालक मंडळाने पुढाकार घेऊन बैठक आयोजित करावी आणि ऊसदराच्या प्रश्नावर मध्यम मार्ग काढण्याचा प्रयत्न करावा, असं त्यांनी म्हटलंय.

उड्डाणपुलावर "बिर्थडे सेलिब्रेशन' करणाऱ्या "त्या' महिला पोलिसावर कारवाई होणारच ! पालकमंत्री शंभूराज देसाई यांनी कराडच्या पत्रकारांना दिली ग्वाही ;

वेध माझा ऑनलाईन।

कराडमधील कार्यरत असलेल्या एका महिला पोलिसाने कराडच्या नवीन झालेल्या उड्डाणपुलावर आपला वाढदिवस साजरा करत त्याठिकाणी केलेल्या सेलिब्रेशन ची रील तयार करून सोशल मीडियावर व्हायरल केली होती तेव्हापासून शहर व परिसरात या विषयी संताप व्यक्त केला गेल्याचे पहायला मिळाले यावर माहिती घेऊन त्या संबंधित महिलेवर कारवाई करणार असल्याची ग्वाही मंत्री शंभूराज देसाई यांनी पत्रकारांशी बोलताना दिली

याबाबत अधिक माहिती अशी की,

कराडमधील कोल्हापूर नाका ते नांदलापूर हा साडेतीन किलोमीटरचा उड्डाणपूल... सुरुवातीपासूनच हा पूल चर्चेत आहे... प्रशस्त रस्ता आणि अडथळ्यांचा अभाव यामुळे वाहनांचा वेग इथं सुसाट सुटलाय... याच सुसाट वेगानं काही दिवसांपूर्वी चार युवकांचा जीव घेतला... भरधाव कारच्या भीषण अपघातात चौघांचा जागीच मृत्यू झाला, तर दोघे गंभीर जखमी झाले... या दुर्घटनेनं संपूर्ण कराड हादरलं... उड्डाणपुलावर वेगाला लगाम घालण्यासाठी प्रशासन काही ठोस पावलं उचलेल, अशी अपेक्षा होती... मात्र, आता याच पुलावर महिला पोलिसांच्या बर्थ डे सेलिब्रेशनची रिल समोर आलीय...

रात्रीच्या अंधारात उड्डाणपुलावर नवी कोरी कार थांबवायची... कारसमोर पोझ द्यायच्या... बोनेटवर बसून केकसोबत वाढदिवस साजरा करायचा... आणि पायरों गनमधून सोनेरी ठिणग्यांची आतषबाजी करायची... असा सगळा शाही थाट या रिलमध्ये दिसतोय... सार्वजनिक महामार्गावर वाहन थांबवून अशा पद्धतीनं सेलिब्रेशन करणं कितपत योग्य? विशेष म्हणजे, हा प्रकार करणारी व्यक्ती पोलीस दलातील महिला कर्मचारी आहे....

एकीकडे उड्डाणपुलावर अपघातांचा धोका... दुसरीकडे चार युवकांच्या मृत्यूची घटना ताजी असतानाच अशा प्रकारचं सेलिब्रेशन... त्यामुळे सोशल मीडियावर संताप व्यक्त होतोय... कायद्याचे धडे देणाऱ्यांनीच नियम धाब्यावर बसवायचे का? नियम फक्त सर्वसामान्यांसाठीच आहेत का? असा थेट सवाल कराडकर उपस्थित करत आहेत...

आता ही रिल व्हायरल झाल्यानंतर संबंधित महिला पोलिसांवर कारवाई होणार का? अशी चर्चा शहर व परिसरातील सर्वच स्तरातून होत असताना याबाबत पत्रकारांनी मंत्री शंभूराज देसाई याना विचारले असता त्या "रीलस्टार' महिला पोलिसावर कारवाई होणारच...अशी ग्वाही मंत्री देसाई यांनी यावेळी बोलताना दिली आहे... 

कराडच्या उड्डाणपुलावर चौघांचा बळी गेला... याच उड्डाणपुलावर एका महिला पोलिसाचा बर्थडे सेलिब्रेशनचा धिंगाणा ; रिल झाली व्हायरल ; महामार्गावर वाहन थांबवून सेलिब्रेशन केल्याबद्दल पोलीस कारवाई करणार का? कराडकरांच्यात जोरदार चर्चा ;

वेध माझा ऑनलाईन।

कराडच्या उड्डाणपुलावर चौघांचा बळी गेला... अपघातानं चौघांची घरं उद्ध्वस्त झाली... पण याच उड्डाणपुलावर आता एका महिला पोलिसांचा बर्थ डे सेलिब्रेशनचा धिंगाणा समोर आलाय... नवी कोरी कार उड्डाणपुलावर थांबवली... कारच्या बोनेटवर केक ठेवला... पायरों गनमधून सोनेरी ठिणग्यांची आतषबाजी केली... आणि या सगळ्या थाटाचा रिल बनवून सोशल मीडियावर टाकला... विशेष म्हणजे, कायद्याचे रक्षण करण्याची जबाबदारी ज्यांच्यावर आहे, त्याच महिला पोलिसांकडून वाहतुकीच्या नियमांची ऐशीतैशी करण्यात आलीय... त्यामुळे कराडकरांचा संताप अनावर झालाय...

कराडमधील कोल्हापूर नाका ते नांदलापूर हा साडेतीन किलोमीटरचा उड्डाणपूल... सुरुवातीपासूनच हा पूल चर्चेत आहे... प्रशस्त रस्ता आणि अडथळ्यांचा अभाव यामुळे वाहनांचा वेग इथं सुसाट सुटलाय... याच सुसाट वेगानं काही दिवसांपूर्वी चार युवकांचा जीव घेतला... भरधाव कारच्या भीषण अपघातात चौघांचा जागीच मृत्यू झाला, तर दोघे गंभीर जखमी झाले... या दुर्घटनेनं संपूर्ण कराड हादरलं... उड्डाणपुलावर वेगाला लगाम घालण्यासाठी प्रशासन काही ठोस पावलं उचलेल, अशी अपेक्षा होती... मात्र, आता याच पुलावर महिला पोलिसांच्या बर्थ डे सेलिब्रेशनची रिल समोर आलीय...

रात्रीच्या अंधारात उड्डाणपुलावर नवी कोरी कार थांबवायची... कारसमोर पोझ द्यायच्या... बोनेटवर बसून केकसोबत वाढदिवस साजरा करायचा... आणि पायरों गनमधून सोनेरी ठिणग्यांची आतषबाजी करायची... असा सगळा शाही थाट या रिलमध्ये दिसतोय... सार्वजनिक महामार्गावर वाहन थांबवून अशा पद्धतीनं सेलिब्रेशन करणं कितपत योग्य? विशेष म्हणजे, हा प्रकार करणारी व्यक्ती पोलीस दलातील महिला कर्मचारी आहे....

एकीकडे उड्डाणपुलावर अपघातांचा धोका... दुसरीकडे चार युवकांच्या मृत्यूची घटना ताजी असतानाच अशा प्रकारचं सेलिब्रेशन... त्यामुळे सोशल मीडियावर संताप व्यक्त होतोय... कायद्याचे धडे देणाऱ्यांनीच नियम धाब्यावर बसवायचे का? नियम फक्त सर्वसामान्यांसाठीच आहेत का? असा थेट सवाल कराडकर उपस्थित करत आहेत...

आता ही रिल व्हायरल झाल्यानंतर संबंधित महिला पोलिसांवर कारवाई होणार का? महामार्गावर अशा प्रकारे वाहन थांबवून सेलिब्रेशन केल्याची दखल पोलीस प्रशासन घेणार का? की सोशल मीडियावर रिल व्हायरल होईल आणि प्रकरण तिथंच थंडावेल? याकडे कराडकरांचं लक्ष लागलंय...

पाटण सोसायटी गटात 104 मतदारांपैकी शंभूराज देसाई यांच्यासोबत 58 मतदारांनी येऊन मतदान केले ; शंभूराज देसाई म्हणाले... विजय आमचाच ;

वेध माझा ऑनलाइन।

सातारा जिल्हा मध्यवर्ती बँक निवडणूकित 

पाटणमध्ये पाटण विकास सेवा सोसायटी गटात मंत्री शंभूराज देसाई व सत्यजित पाटणकर हे उमेदवार आहेत पाटण विकास सेवा सोसायटी गटात महायुतीत चुरशीची लढत होत आहे

शंभूराज देसाई यांच्यासोबत येऊन 104 पैकी 58 ठरावधारक  मतदारानी मतदान केले 

मंत्री शंभूराज देसाई यांनी आपल्या विजयाचा विश्वास व्यक्त केला आहे 

दरम्यान आपण सामान्य मतदारांच्या ताकदीवर ही निवडणूक लढवत असल्याचं सांगत आपल्याला अनेक सहकाऱ्यांनी विश्वासाने मतदान केल्याचा दावाही शंभूराज देसाई यांनी केला आहे त्यामुळे विजय आपला असल्याचे ते म्हणाले... 

दरम्यान कराडमध्ये  दोन दिवसांपूर्वी भाजपचे मंत्री जयकुमार गोरे यांनी 'सबको मौका मिलता है' असं विधान केल्याबाबत विचारलं असता, निवडणुकीनंतर पक्षातील नेत्यांची बैठक घेऊन यावर चर्चा करणार असल्याचं देसाई यांनी स्पष्ट केलं... 

ऍड उदयसिह पाटील यांनी 146 मतदारांपैकी 105 मतदारांना ट्रॅव्हल्समधून कराडच्या छत्रपती शिवाजी हायस्कूल मतदान केंद्रावर आणले ; अतुलबाबा म्हणाले ;विजय उदयदादांचाच होणार ...

वेध माझा ऑनलाइन।

सातारा जिल्हा बँक निवडणुकीसाठी आज कराड सोसायटी गटातून राष्ट्रवादीचे नेते ऍड. उदयसिंह पाटील उंडाळकर आणि भाजपचे जिल्हा उपाध्यक्ष  धनाजी पाटील यांच्यात लढत होत असून यानिमित्ताने महायुतीत बंडखोरी झाली असल्याचे चित्र निर्माण झाले असल्याने कार्यकर्ते मोठ्या संख्येने मतदान केंद्रावर जमा असल्याचे पाहायला मिळत आहे 

राष्ट्रवादीचे उदयसिंह पाटील उंडाळकर यांनी 146 मतदारांपैकी आपल्यासोबत 105 मतदारांना सहलीवरून ट्रॅव्हल्स मधून कराडच्या छत्रपती शिवाजी हायस्कूल मतदान केंद्रावर आणले आहे.त्याचा सोबत भाजपचे जिल्हाध्यक्ष आमदार डॉ. अतुल भोसले, डॉ. सुरेश भोसले हेही होते.यावेळी आमदार अतुलबाबांनी उदयदादा हेच या निवडणुकीत विजयी होतील असा विश्वास व्यक्त केला

सातारा जिल्हा मध्यवर्ती सहकारी बँकेच्या पंचवार्षिक निवडणुकीसाठी उद्या मतदान ; जिल्हाधिकाऱ्यांनी शस्त्रबंदी आणि जमावबंदीचे आदेश ; पोलिसांचा चोख बंदोबस्त ;

वेध माझा ऑनलाइन।

सातारा जिल्हा मध्यवर्ती सहकारी बँकेच्या पंचवार्षिक निवडणुकीसाठी उद्या रविवारी मतदान होत आहे. साताऱ्याचे पालकमंत्री शंभूराज देसाई  आणि ग्रामविकास मंत्री जयकुमार गोरे यांची  प्रतिष्ठा पणाला लागली आहे. 

 

दरम्यान जिल्हाधिकाऱ्यांनी शस्त्रबंदी आणि जमावबंदीचे आदेशदेखील याठिकाणी लागू केले आहेत या निवडणुकीच्या पार्श्वभूमीवर सहलीला पाठवण्यात आलेले मतदार आता थेट मतदान केंद्रावर पोहचणार असल्याची माहिती आहे.

यानिवडणुकीत दोन मंत्र्यांची प्रतिष्ठा पणाला लागली आहे यानिवडणुकीसाठी पोलिसांनी चोख बंदोबस्त ठेवला आहे.

नवनिर्वाचित आमदार हर्षदा देशमुख यांनी पृथ्वीराज चव्हाणांचे घेतले आशीर्वाद

वेध माझा ऑनलाइन 

: पुणे पदवीधर मतदारसंघातून नवनिर्वाचित आमदार म्हणून निवड झालेल्या हर्षदा देशमुख-जाधव यांनी आज कराड येथील पाटण कॉलनीमधील निवासस्थानी काँग्रेसचे ज्येष्ठ नेते तथा माजी मुख्यमंत्री पृथ्वीराज चव्हाण यांची सदिच्छा भेट घेतली. यावेळी पृथ्वीराज चव्हाण यांनी हर्षदा देशमुख-जाधव यांचे अभिनंदन करून त्यांना पुढील वाटचालीसाठी शुभेच्छा दिल्या. पदवीधर आणि युवकांच्या प्रश्नांना न्याय देण्यासाठी तसेच जनहिताचे मुद्दे प्रभावीपणे विधिमंडळात मांडण्यासाठी त्यांनी आपली भूमिका सक्षमपणे पार पाडावी, अशी अपेक्षा पृथ्वीराज चव्हाण यांनी व्यक्त केली.

यावेळी हर्षदा देशमुख-जाधव यांनी पृथ्वीराज चव्हाण यांचे आशीर्वाद घेतले. पदवीधरांच्या प्रश्नांना न्याय देणे, युवकांच्या अपेक्षा पूर्ण करण्यासाठी प्रयत्न करणे तसेच सर्वसामान्यांच्या आणि जनहिताच्या प्रश्नांना विधिमंडळात प्रभावीपणे मांडणे यासाठी आपण कटिबद्ध राहू, असा विश्वास आ. हर्षदा देशमुख-जाधव यांनी यावेळी व्यक्त केला.

पृथ्वीराज चव्हाण यांच्या मार्गदर्शनाखाली आणि काँग्रेसच्या विचारधारेनुसार पदवीधर, युवक तसेच सर्वसामान्य जनतेच्या प्रश्नांसाठी सातत्याने काम करण्याचा निर्धारही त्यांनी व्यक्त केला.

यावेळी माजी सनदी अधिकारी प्रभाकर देशमुख, सातारा जिल्हा काँग्रेस अध्यक्ष नामदेवराव पाटील, कराडचे उपनगराध्यक्ष पोपटराव साळुंखे, नगरसेवक सौरभ पाटील, युवक काँग्रेस जिल्हाध्यक्ष राहुल पवार, NSUI जिल्हाध्यक्ष मुबीन बागवान, कराड शहर काँग्रेस अध्यक्ष ॲड. अमित जाधव, पंचायत समिती सदस्य रवींद्र बडेकर, सातारा जिल्हा काँग्रेस उपाध्यक्ष राहुल चव्हाण, रोटरी अध्यक्षा गौरी चव्हाण, माजी नगराध्यक्षा अर्चना पाटील, महिला काँग्रेस अध्यक्षा महामूलकर, संगीता साळुंखे, सैदापूरचे नाना जाधव, सचिन पाटील, ॲड. एम. टी. देसाई, ॲड. पंडितराव हरदास, ॲड. धीरज जाधव, माजी नगरसेवक प्रदीप जाधव, अशोकराव पाटील, प्रशांत देशमुख, अक्षय सुर्वे, युवक काँग्रेस तालुकाध्यक्ष देवदास माने, युवक काँग्रेस कराड दक्षिण अध्यक्ष चैतन्य पाटील, मलकापूर काँग्रेस अध्यक्ष सुधाकर शिंदे यांच्यासह काँग्रेसचे पदाधिकारी व कार्यकर्ते उपस्थित होते.

कराड नगरपरिषद शाळा क्र. ३ मध्ये इंटरॲक्टिव्ह बोर्डचे उद्घाटन

वेध माझा ऑनलाइन।

पीएम श्री नगरपरिषद शाळा क्र. ३ मध्ये १ लाख ३० हजार रुपये किमतीच्या इंटरॲक्टिव्ह बोर्डचे उद्घाटन नगराध्यक्ष राजेंद्रसिंह यादव यांच्या शुभ हस्ते करण्यात आले. माजी मुख्याध्यापक अर्जुन कोळी उपस्थित होते.

वर्गशिक्षक रामचंद्र मालुसरे यांच्या प्रयत्नातून व पालकांच्या सहकार्यातून हा बोर्ड उपलब्ध झाला आहे. यामुळे विद्यार्थ्यांना डिजिटल पद्धतीने शिक्षण घेता येणार आहे.

नगराध्यक्ष राजेंद्रसिह यादव म्हणाले, शाळेच्या सर्वांगीण विकासासाठी नगरपरिषद कायम सहकार्य करेल. मुख्याध्यापक सुहास आलेकरी यांनी स्वागत केले, तर पर्यवेक्षक संग्राम गाढवे यांनी आभार मानले.

सोमवार पेठेतील पाणीपुरवठ्याची वेळ बदलली!नागरिकांच्या मागणीनंतर पालिकेचा निर्णय; उद्यापासून सकाळी ७ ते ८ या वेळेत पाणी ; अजय उंडाळकर यांची "वेध - माझा' ला माहिती ;

वेध माझा ऑनलाइन।

कराड शहरातील सोमवार पेठ परिसरातील नागरिकांच्या मागणीची दखल घेत पाणीपुरवठ्याच्या वेळेत बदल करण्यात आला आहे. नवीन पाणीपुरवठा वेळापत्रकानुसार सोमवार पेठेत सकाळी ६ ते ७ या वेळेत सुरू असलेला पाणीपुरवठा आता सकाळी ७ ते ८ या वेळेत करण्यात येणार आहे असा निर्णय पालिकेने घेतला आहे अशी माहिती सोमवार पेठेतील रहिवासी अजय उंडाळकर यांनी वेध-माझा ला दिली  

सोशल मीडियावर अजय उंडाळकर यांनी याविषयी चर्चा घडवून आणली होती सोमवार पेठेतील नागरिकांनी या चर्चेस प्रतिसाद देत या वेळ बदलासाठी विनंती केली होती त्यानुसार पालिकेने दखल घेत यासंबंधी वेळेत बदल केला आहे अशीही माहिती श्री उंडाळकर यांनी दिली आहे

संबंधित परिसरातील नागरिकांच्या सूचनांनुसार आणि मागणीनुसार हा बदल करण्यात आला असून, उद्यापासून (दि. ३१ ऑक्टोबर) नवीन वेळापत्रकाची अंमलबजावणी होणार आहे. त्यामुळे सोमवार पेठ परिसरातील नागरिकांना आता दररोज सकाळी ७ ते ८ या एकाच वेळेत पाणी उपलब्ध होणार आहे.

पाणीपुरवठा दिवसातून एकदाच होणार असल्याने नागरिकांनी उपलब्ध पाण्याचा काटकसरीने व नियोजनपूर्वक वापर करावा, असे आवाहन करण्यात आले आहे. नागरिकांच्या मागणीनुसार वेळेत बदल झाल्याने परिसरातील नागरिकांना दिलासा मिळणार आहे.

कराडचा दुष्काळ निवारण्यासाठी अतुलबाबा सरसावले ; कराडच्या दुष्काळ निवारणासाठी ८ कोटी २७ लाखाची मदत मिळणार! पाणीटंचाईवर मात करण्यासाठी १० टक्के पाणीकपात; ऑगस्टपर्यंत पिण्याचे पाणी राखीव ठेवणार – आमदार अतुल भोसले

वेध माझा ऑनलाईन

 तालुक्यातील दुष्काळी परिस्थितीची तीव्रता लक्षात घेऊन शेतीचे नुकसान झालेल्या सुमारे ७ हजार ८०० हेक्टर क्षेत्रासाठी एनडीआरएफच्या निकषांनुसार ८ कोटी २७ लाख रुपयांची मदत मिळणार आहे. 

दुसरीकडे, घटता पाणीसाठा आणि संभाव्य पाणीटंचाई लक्षात घेता कराड व मलकापूरसह संपूर्ण तालुक्यात १० टक्के पाणीकपात करण्याचे नियोजन करण्यात आले आहे. 

येत्या ऑगस्टपर्यंत पिण्याच्या पाण्याची गरज भागेल एवढा साठा राखीव ठेवून उर्वरित पाण्याचे शेतीसाठी नियोजन केले जाणार आहे, अशी माहिती आमदार अतुल भोसले यांनी दिली.

दुष्काळी परिस्थितीच्या पार्श्वभूमीवर आमदार अतुल भोसले यांनी प्रशासनातील विविध विभागांच्या अधिकाऱ्यांचीr बैठक घेतली. तब्बल तीन तास चाललेल्या या बैठकीत तालुक्यातील पाणीटंचाई, शेतीचे नुकसान, उपलब्ध पाणीसाठा, पाणीपुरवठ्याचे नियोजन आणि संभाव्य उपाययोजनांचा सविस्तर आढावा घेण्यात आला.

कराड तालुक्याचा दुष्काळी तालुक्यांमध्ये समावेश केल्याबद्दल मुख्यमंत्री देवेंद्र फडणवीस यांचे आमदार भोसले यांनी आभार मानले. दुष्काळी तालुक्यांना शासनाकडून मिळणाऱ्या १२ प्रकारच्या सवलतींचा लाभ आता कराड तालुक्यातील शेतकऱ्यांनाही मिळणार आहे. शेतीच्या नुकसानीचे पंचनामे व सर्वेक्षण करण्यात आले असून, त्यामध्ये सुमारे ७ हजार ८०० हेक्टर क्षेत्र बाधित झाल्याचे स्पष्ट झाले आहे. या नुकसानीच्या अनुषंगाने एनडीआरएफच्या निकषांनुसार ८२७ कोटी रुपयांची मदत शेतकऱ्यांना मिळणार असल्याचे त्यांनी सांगितले.

संजय गायकवाडांच्या पुतळ्याचे कुत्र्यांकडून लचके! कराडमध्ये युवक काँग्रेसचं आक्रमक आंदोलन!

वेध माझा ऑनलाइन

आमदार संजय गायकवाड यांनी शेतकऱ्यांबाबत केलेल्या कथित असंवेदनशील वक्तव्याच्या निषेधार्थ सातारा जिल्ह्यातील कराडमध्ये युवक काँग्रेसच्या वतीने अनोखे आंदोलन करण्यात आले. 

आमदार संजय गायकवाड यांच्या पुतळ्याचे भटक्या कुत्र्यांकडून लचके तोडले जात असल्याचे प्रात्यक्षिक सादर करत कार्यकर्त्यांनी निषेध नोंदवला. यावेळी येत्या २४ तासांत शेतकऱ्यांची माफी मागावी, अन्यथा पोलीस ठाण्यात तक्रार दाखल करून दिसेल त्या ठिकाणी काळे फासण्याचा इशारा युवक काँग्रेसचे तालुकाध्यक्ष महेश करचे यांनी दिला. या आंदोलनात युवक काँग्रेसचे कार्यकर्ते मोठ्या संख्येने सहभागी झाले होते.

“सरकारमध्येही काही पिसाळलेली कुत्री आहेत, जी आत्महत्या करणाऱ्या शेतकऱ्यांच्या भावनांशी खेळत असून त्यांच्याबद्दल अभद्र वक्तव्य करत आहेत. अशा लोकांना पाठिंबा देणाऱ्या नेत्यांनीही शेतकऱ्यांबाबत संवेदनशीलता दाखवावी. अन्यथा महाराष्ट्रातील शेतकरी तुम्हाला तुमची जागा दाखवल्याशिवाय राहणार नाहीत. संजय गायकवाड यांनी २४ तासांच्या आत महाराष्ट्रातील तमाम शेतकऱ्यांची माफी मागावी. अन्यथा आम्ही पोलिसांत तक्रार दाखल करू आणि ते जिथे दिसतील, तिथे त्यांच्या तोंडाला काळे फासू.”असे यावेळी सांगण्यात आले

महायुतीच्या घटकांनी फसवल/ जयकुमार गोरेंची कराडमध्ये कबुली; म्हणाले, “मौका सबको मिलता है!” जयकुमार गोरेंचा इशारा ;

वेध माझा ऑनलाइन।

पदवीधर मतदारसंघाच्या निवडणुकीत आलेल्या निकालानंतर महायुतीच्या घटक पक्षांनी फसवल्याची कबुली मंत्री जयकुमार गोरे यांनी दिलीय. महायुतीच्या अनेक घटकांनी काही गोष्टी केल्या आहेत, असं म्हणत गोरे यांनी “मौका सबको मिलता है” असं विधान केलंय. मागील निवडणुकीत दोन्ही जागा गमावल्यानंतर यंदा एक जागा मिळवण्यात यश आलं, तर एका जागेवर अपयश स्वीकारावं लागलं, असंही त्यांनी म्हटलंय. चांगलं वातावरण असतानाही असा निकाल का लागला, याचा विचार करणार असल्याचं जयकुमार गोरे यांनी स्पष्ट केलंय.

 जयकुमार गोरे म्हणाले  

जनतेने दिलेला कौल मोठ्या मनाने स्वीकारला पाहिजे, असं म्हणत त्यांनी निकाल स्वीकारल्याचं सांगितलं. चांगलं वातावरण असतानाही एका जागेवर अपयश का आलं, याची कारणं शोधणार असल्याचं गोरे यांनी स्पष्ट केलंय. नेमक्या कोणत्या कारणांमुळे असा निकाल लागला, याचा सविस्तर विचार करून खात्री करणार असल्याचंही त्यांनी म्हटलंय.

काले गावाच्या नळ पाणीपुरवठा योजनेस २.९५ कोटींचा निधी मंजूर आ. डॉ. अतुलबाबा भोसले यांच्या पाठपुराव्याला यश; कामाला मिळणार गती

वेध माझा ऑनलाइन।

कराड दक्षिण विधानसभा मतदारसंघातील काले गावाच्या नळ पाणीपुरवठा योजनेसाठी २ कोटी ९५ लाख ७५ हजार रुपयांच्या निधीला महायुती शासनाने मंजुरी दिली आहे. आमदार डॉ. अतुलबाबा भोसले यांनी केलेल्या सातत्यपूर्ण पाठपुराव्यामुळे जलजीवन मिशनअंतर्गत हा निधी मंजूर झाला असून, यामुळे योजनेच्या कामाला गती मिळणार आहे. 

कराड तालुक्यातील काले गावाच्या पाणी पुरवठा योजनेसाठी निधी मंजूर व्हावा, यासाठी आमदार डॉ. अतुलबाबा भोसले सातत्याने प्रयत्नशील होते. त्यांच्या पाठपुराव्यामुळे काले गावातील नळ पाणीपुरवठा योजनेला यापूर्वी १ कोटी ९९ लाख १९ हजार रुपयांचा निधी मंजूर झाला होता. मात्र, तांत्रिक कारणांमुळे योजनेच्या खर्चात वाढ झाल्याने प्रत्यक्ष काम सुरू करण्यास अडचणी निर्माण झाल्या होत्या. परिणामी, वाढीव निधी आणि सुधारित प्रशासकीय मान्यता मिळण्याची आवश्यकता होती.

या पार्श्वभूमीवर आमदार डॉ. अतुलबाबा भोसले यांनी मुंबईत राज्याचे पाणीपुरवठा व स्वच्छता मंत्री ना. गुलाबराव पाटील यांची भेट घेतली होती. यावेळी त्यांनी कराड दक्षिण विधानसभा मतदारसंघातील कालेसह अन्य गावांच्या पाणीपुरवठा योजनांचा आढावा मंत्र्यांसमोर मांडला. जलजीवन मिशनअंतर्गत मंजूर झालेल्या काही योजनांच्या खर्चात वाढ झाल्याने, त्यांना आवश्यक निधी उपलब्ध होत नसल्याची बाबही त्यांनी निदर्शनास आणून दिली होती. गावांमधील पिण्याच्या पाण्याची गरज लक्षात घेता, वाढीव खर्चासह संबंधित योजनांना तातडीने सुधारित प्रशासकीय मान्यता देऊन निधी उपलब्ध करून द्यावा, अशी आग्रही मागणी आमदार डॉ. भोसले यांनी निवेदनाद्वारे केली होती. 

या मागणीची दखल घेत पाणीपुरवठा व स्वच्छता विभागाने काले गावाच्या नळ पाणीपुरवठा योजनेस २ कोटी ९५ लाख ७५ हजार रुपयांच्या सुधारित निधीस प्रशासकीय मान्यता दिली आहे. त्यामुळे योजनेच्या मूळ मंजूर निधीमध्ये ९६ लाख ५६ हजार रुपयांची वाढ झाली आहे. सुधारित प्रशासकीय मान्यता मिळाल्याने काले गावातील नळ पाणीपुरवठा योजनेच्या कामाला गती मिळण्याची अपेक्षा व्यक्त केली जात आहे. 

या निर्णयामुळे गावातील पाणीपुरवठ्याचा प्रश्न सोडविण्याच्या दृष्टीने महत्त्वाचे पाऊल पडले असून, योजनेचे काम लवकर सुरू होऊन ग्रामस्थांना दिलासा मिळेल, अशी आशा व्यक्त होत आहे. या निधी मंजुरीबद्दल काले ग्रामस्थांकडून महायुती सरकार, पाणीपुरवठा मंत्री ना. गुलाबराव पाटील आणि आमदार डॉ. अतुलबाबा भोसले यांचे आभार व्यक्त करण्यात येत आहेत.

पुणे पदवीधर मतदारसंघात हर्षदा जाधव देशमुख यांची निवड; साताऱ्यात राष्ट्रवादी काँग्रेसचा जल्लोष!

वेध माझा ऑनलाइन।

पुणे पदवीधर मतदारसंघातून हर्षदा जाधव देशमुख यांची निवड झाल्याच्या आनंदात साताऱ्यात राष्ट्रवादी काँग्रेस शरदचंद्र पवार पक्षाच्या कार्यकर्त्यांनी जल्लोष साजरा केला.

साताऱ्यातील राष्ट्रवादी काँग्रेस पक्षाच्या कार्यालयासमोर कार्यकर्त्यांनी मोठ्या उत्साहात एकत्र येत विजयाचा आनंद व्यक्त केला. यावेळी गुलालाची उधळण करत, ढोल-ताशांच्या गजरात आणि फटाक्यांची आतषबाजी करत कार्यकर्त्यांनी आनंदोत्सव साजरा केला.

हर्षदा जाधव देशमुख यांच्या निवडीमुळे पक्षाच्या कार्यकर्त्यांमध्ये उत्साहाचे वातावरण निर्माण झाले होते. कार्यकर्त्यांनी एकमेकांना शुभेच्छा देत या निवडीचा आनंद साजरा केला. परिसरात ढोल-ताशांचा गजर आणि जल्लोषामुळे उत्सवी वातावरण पाहायला मिळाले.

पुणे पदवीधर मतदारसंघातील या निवडीकडे पक्षाच्या कार्यकर्त्यांसाठी महत्त्वाची घडामोड म्हणून पाहिले जात आहे. या विजयाच्या निमित्ताने साताऱ्यातील राष्ट्रवादी काँग्रेस शरदचंद्र पवार पक्षाच्या कार्यकर्त्यांनी एकत्र येत आपला आनंद व्यक्त केला.

दरम्यान, हर्षदा जाधव देशमुख यांच्या निवडीमुळे कार्यकर्त्यांमध्ये नवचैतन्य निर्माण झाल्याचे चित्र या जल्लोषातून पाहायला मिळाले. गुलालाची उधळण, ढोल-ताशांचा गजर आणि फटाक्यांच्या आतषबाजीने साताऱ्यातील राष्ट्रवादी काँग्रेस पक्षाच्या कार्यालयासमोरील परिसर दुमदुमून गेला.

मणक्याच्या गंभीर विकृतीने ग्रस्त ४ मुलांना ‘कृष्णा’त मिळाले नवे आयुष्य! १५-२० लाखांची शस्त्रक्रिया पूर्णपणे मोफत

वेध माझा ऑनलाइन।

: मणक्याच्या गंभीर विकृतीने ग्रस्त असलेल्या चार शालेय मुलांसाठी कृष्णा हॉस्पिटलमधील ‘स्कोलियोसिस शस्त्रक्रिया अभियान’ नवा आशेचा किरण ठरले आहे. कृष्णा विश्व विद्यापीठ आणि अमेरिकेतील ‘स्टँडिंग स्ट्रेट मिशन’ संस्थेच्या सहकार्यातून, कृष्णा हॉस्पिटलमध्ये चार शालेय मुलांवर प्रत्येकी १५ ते २० लाख रुपये खर्चाची शस्त्रक्रिया पूर्णपणे मोफत करण्यात आली. यामुळे या चारही मुलांना जगण्याचा नवा आधार मिळाला आहे. 

मानवी शरीराला आधार देणारा आणि शरीराचा समतोल राखणारा मणका हा शरीरातील अत्यंत महत्त्वाचा भाग आहे. मात्र मणक्याच्या हाडांमध्ये विकृती निर्माण झाल्यास शरीराची ठेवण, हालचाली आणि संतुलन यांवर परिणाम होऊ शकतो. विकृती गंभीर स्वरूपाची असल्यास छातीच्या पोकळीतील जागा कमी होऊन, हृदय आणि फुफ्फुसांच्या कार्यावरही परिणाम होण्याची शक्यता असते. 

मणक्याच्या विकृतींपैकी ‘स्कोलियोसिस’ हा एक महत्त्वाचा विकार आहे. यामध्ये मणका एका बाजूला वाकतो. काही मुलांमध्ये ही विकृती वाढत गेल्यास शारीरिक ठेवणीत बदल होण्याबरोबरच दैनंदिन हालचाली आणि आरोग्यावरही परिणाम होऊ शकतो. अशा गंभीर विकृतींवर शस्त्रक्रिया करणे हे अत्यंत गुंतागुंतीचे असून, यासाठी महागडे प्रत्यारोपण साहित्य आवश्यक असते. त्यामुळे सामान्य रुग्णांपुढे मोठे आव्हान उभे राहते. 

अशा रुग्णांना आधार देण्यासाठी कृष्णा विश्व विद्यापीठाचे कुलपती डॉ. सुरेश भोसले यांनी विशेष पुढाकार घेतला आहे. त्यांच्या मार्गदर्शनाखाली कृष्णा हॉस्पिटलच्या न्यूरोसर्जरी विभागामार्फत अमेरिकेतील ‘स्टँडिंग स्ट्रेट मिशन’ संस्थेच्या सहकार्याने, मणक्याच्या गंभीर विकृतींनी ग्रस्त रुग्णांसाठी वर्षातून दोन वेळा मोफत उपचार शिबिरे आयोजित केली जातात. 

दिनांक २१ ते २४ ऑक्टोबरदरम्यान कृष्णा हॉस्पिटलमध्ये आयोजित विशेष शिबिरात २० हून अधिक रुग्णांची तपासणी करण्यात आली. त्यापैकी आवश्यक उपचारांची गरज असलेल्या चार शालेय मुलांवर यशस्वी शस्त्रक्रिया करण्यात आल्या. प्रत्येक शस्त्रक्रियेसाठी साधारण १५ ते २० लाख रुपये खर्च होत असताना, या सर्व शस्त्रक्रिया पूर्णपणे मोफत करुन, या रुग्णांच्या कुटुंबांना मोठा दिलासा देण्यात आला. 

‘कृष्णा इन्स्टिट्यूट ऑफ न्यूरोसायन्सेस’मध्ये मणक्याचे अनुभवी शल्यचिकित्सक, भूलतज्ज्ञ आणि फिजिओथेरपिस्ट यांच्या समन्वयातून रुग्णांची तपासणी, उपचारांचे नियोजन आणि शस्त्रक्रिया करण्यात आली. अनुभवी शल्यचिकित्सक, प्रगत इमेजिंग सुविधा, अत्याधुनिक मज्जासंस्था निरीक्षण यंत्रणा आणि आधुनिक शस्त्रक्रियागृहांच्या उपलब्धतेमुळे गुंतागुंतीची शस्त्रक्रिया सुरक्षितपणे पार पडल्याचे न्यूरोसायन्स विभागाचे प्रमुख डॉ. जी. व्ही. रामदास यांनी सांगितले. 

कृष्णा हॉस्पिटलमध्ये मार्च २०२४ पासून सुरू असलेल्या या उपक्रमांतर्गत आतापर्यंत एकूण १९ रुग्णांवर शस्त्रक्रिया करण्यात आल्या आहेत. अमेरिकेतील डॉ. रवी बैन्स यांच्या नेतृत्वाखाली कार्यरत असलेल्या ‘स्टँडिंग स्ट्रेट मिशन’ या स्वयंसेवी संस्थेचे सहकार्य या उपक्रमाला लाभत असून, यामुळे अनेक गरजू कुटुंबांना या अभियानामुळे मोठा आर्थिक दिलासा मिळत आहे.

महाराष्ट्रासह कर्नाटक, 

गोव्यातील रुग्णांनाही लाभ

मणक्याच्या गुंतागुंतीच्या विकारांवरील उपचारांसाठी आवश्यक असलेल्या आधुनिक सुविधा कृष्णा हॉस्पिटलच्या न्यूरोसायन्सेस विभागात उपलब्ध आहेत. त्यामुळे या उपक्रमाचा लाभ केवळ महाराष्ट्रातील रुग्णांनाच नव्हे, तर शेजारील कर्नाटक आणि गोवा राज्यांतील रुग्णांनाही होत आहे. आर्थिक अडचणींमुळे मुलांच्या उपचारांचे स्वप्न अपूर्ण राहू नये, या भावनेतून सुरू असलेला कृष्णा विश्व विद्यापीठ आणि ‘स्टँडिंग स्ट्रेट मिशन’चा हा संयुक्त उपक्रम गरजू कुटुंबांसाठी आशेचा नवा किरण ठरला आहे.

..."तो' खून घरगुती कारणावरूनच ! कराड पोलिसांनी दिली माहिती ;

वेध माझा ऑनलाईन।

कराड तालुक्यातील सोनसळ घाटात आढळलेल्या कुजलेल्या मृतदेहाचे गूढ अवघ्या २४ तासांत उकलण्यात कराड तालुका पोलिसांना यश आले आहे. धनाजी सत्यवान आदलिंगे, वय ३२, रा. गोळेश्वर, याचा घरगुती कारणावरून खून झाल्याचे तपासात निष्पन्न झाले आहे.

या प्रकरणी मृताचे वडील सत्यवान तुकाराम आदलिंगे, आई सुरेखा सत्यवान आदलिंगे आणि भाऊ लक्ष्मण सत्यवान आदलिंगे या तिघांना पोलिसांनी अटक केली आहे. या तिन्ही आरोपींना न्यायालयाने चार दिवसांची पोलीस कोठडी सुनावली आहे.

२० ऑक्टोबर रोजी मृतदेह आढळल्यानंतर पोलिसांनी तपास सुरू केला. वैद्यकीय तपासणीत डोक्यावर आणि जबड्यावर मारहाणीच्या खुणा आढळल्या. त्यानंतर गोपनीय माहितीच्या आधारे मृताची ओळख पटवून पोलिसांनी गुन्ह्याचा छडा लावला.

या प्रकरणी भारतीय न्याय संहितेच्या कलम १०३(१), २३८ आणि ३(५) अन्वये गुन्हा दाखल करण्यात आला आहे. 

पोलीस निरीक्षक शितलकुमार कोल्हाळ पुढील तपास करीत असून, उपविभागीय पोलीस अधिकारी राजश्री पाटील, पोलीस निरीक्षक विश्वजीत घोडके आणि सहायक पोलीस निरीक्षक प्रकाश भुजबळ यांच्यासह कराड तालुका पोलीस व स्थानिक गुन्हे शाखेच्या पथकाने या कारवाईत सहभाग घेतला.

मतदान केंद्रावर हर्षदा देशमुख-जाधव यांची भेट; विजयाचा विश्वास व्यक्त! कराडच्या शिवाजी हायस्कूल केंद्राला सकाळी भेट; महाविकास आघाडीच्या विजयासाठी आशावाद

 वेध माझा ऑनलाईन।

पुणे पदवीधर मतदारसंघाच्या निवडणुकीच्या मतदानादरम्यान महाविकास आघाडीच्या उमेदवार हर्षदा देशमुख-जाधव यांनी आज सकाळी कराड येथील शिवाजी हायस्कूलमधील मतदान केंद्राला भेट दिली. यावेळी त्यांनी मतदान प्रक्रियेची पाहणी करत आपल्या विजयाबाबत विश्वास व्यक्त केला.

पुणे पदवीधर व शिक्षक मतदारसंघाच्या निवडणुकीच्या पार्श्वभूमीवर राजकीय वातावरण चांगलेच तापले असून, महाविकास आघाडी आणि महायुतीकडून विजयासाठी जोरदार प्रयत्न करण्यात आले. मतदानाच्या दिवशीही उमेदवार आणि त्यांच्या समर्थकांकडून मतदारांशी संपर्क साधण्यावर भर देण्यात आला.

हर्षदा देशमुख-जाधव यांनी कराडमधील मतदान केंद्राला भेट देत निवडणुकीच्या प्रक्रियेचा आढावा घेतला. पदवीधर मतदारांचा प्रतिसाद आणि निवडणुकीतील वातावरण पाहता विजयाबाबत त्यांनी आशावाद व्यक्त केला. त्यामुळे कराडमधील त्यांच्या भेटीकडे राजकीय वर्तुळाचे लक्ष लागले आहे.

आता प्रत्यक्ष मतदानातून पदवीधर मतदारांचा कौल कोणाच्या बाजूने लागतो आणि या निवडणुकीत महाविकास आघाडी किती यश मिळवते, याची उत्सुकता राजकीय वर्तुळात निर्माण झाली आहे.

पदवीधर निवडणुकीत आमदार अतुलबाबांनी बजाविला मतदानाचा हक्क! कराडच्या यशवंत हायस्कूल केंद्रावर मतदान; उच्च शिक्षणमंत्री चंद्रकांतदादा पाटील यांच्यासमवेत विविध केंद्रांना भेटी ;

वेध माझा ऑनलाइन।

पुणे पदवीधर व शिक्षक मतदारसंघाच्या निवडणुकीसाठी आज सुरू असलेल्या मतदान प्रक्रियेदरम्यान कराड दक्षिणचे आमदार डॉ. अतुलबाबा भोसले यांनी कराड येथील यशवंत हायस्कूल मतदान केंद्रावर सकाळी 10.15 च्या दरम्यान आपला मतदानाचा हक्क बजाविला.

दरम्यान कराडच्या भाजपच्या नगरसेवकांनी तसेच विविध पदाधिकाऱ्यांनी  महायुतीच्या उमेदवारांच्या विजयासाठी मतदान केंद्रावर सकाळपासून ठिय्या दिल्याचे दिसून आले

या निवडणुकीच्या पार्श्वभूमीवर राज्याचे उच्च व तंत्रशिक्षण मंत्री ना. चंद्रकांतदादा पाटील यांच्यासमवेत आमदार डॉ. अतुलबाबा भोसले यांनी विविध मतदान केंद्रांना भेटी देऊन मतदान प्रक्रियेची पाहणी केली. यावेळी मतदानाचा आढावा घेत संबंधितांशी चर्चा करण्यात आली.

पुणे पदवीधर व शिक्षक मतदारसंघाच्या निवडणुकीकडे राजकीय वर्तुळाचे लक्ष लागले असून, या निवडणुकीत विविध राजकीय पक्षांनी आपापल्या उमेदवारांसाठी प्रयत्न केले आहेत. मतदानाच्या दिवशी प्रमुख नेत्यांच्या केंद्रभेटींमुळे निवडणुकीच्या घडामोडींना महत्त्व प्राप्त झाले आहे.

दरम्यान मंत्री चंद्रकांत पाटील आणि आमदार अतुलबाबांनी महायुतीचे दोन्ही उमेदवार निवडून येतील असा विश्वास व्यक्त केला आहे

पुणे पदवीधर-शिक्षक मतदारसंघात सौरभ पाटील यांचा ठिय्या!सकाळी ७.३० पासून कराडमध्ये धावपळ; ग्रामीण भागातही सूक्ष्म नियोजन, महाविकास आघाडीच्या उमेदवारांसाठी झोकून देऊन काम ;

वेध-माझा ऑनलाइन।

पुणे पदवीधर व शिक्षक मतदारसंघाच्या निवडणुकीत मतदानाचा दिवस उजाडताच माजी नगरसेवक सौरभ पाटील यांनी सकाळी ७.३० वाजल्यापासून कराडमध्ये ठिय्या देत महाविकास आघाडीच्या उमेदवारांच्या समर्थनार्थ जोरदार धावपळ सुरू केली. केवळ उपस्थितीपुरते मर्यादित न राहता, मतदानाच्या प्रक्रियेत बारीकसारीक गोष्टींकडे लक्ष देत त्यांनी नियोजनबद्ध पद्धतीने आपली जबाबदारी पार पाडल्याचे चित्र दिसून आले.

मतदानाच्या दिवशी प्रत्येक मत महत्त्वाचे असल्याचे लक्षात घेऊन सौरभ पाटील यांनी सकाळपासूनच सूक्ष्म नियोजनावर भर दिला. स्वतःची रिड्स गाडी पाठवून मतदारांना मतदानासाठी आणण्याची व्यवस्था केल्याचे दिसून आले. विशेषतः ग्रामीण परिसरात शिक्षक व पदवीधर मतदारांपर्यंत पोहोचण्यासाठी त्यांनी केलेल्या प्रयत्नांची चर्चा होती. मतदानाच्या प्रक्रियेत कोणतीही अडचण येऊ नये, यासाठी त्यांनी विविध पातळ्यांवर लक्ष केंद्रित केले.

या धावपळीत एका गर्भवती महिला मतदाराला काळजीपूर्वक मतदानासाठी आपली स्वतःची गाडी पाठवून मतदानासाठी आणण्याच्या त्यांच्या प्रयत्नांचीही संबंधित ठिकाणी चर्चा झाली. मतदारांना मतदानासाठी प्रोत्साहित करताना त्यांच्या सोयीची काळजी घेण्यावरही त्यांनी भर दिल्याचे दिसून आले.

सकाळी ७.३० पासून सुरू झालेली त्यांची धावपळ, ग्रामीण भागातील संपर्क आणि मतदानाच्या नियोजनातील बारकावे यांमुळे कराड परिसरात महाविकास आघाडीच्या उमेदवारांच्या समर्थनार्थ त्यांनी सक्रिय योगदान दिले त्यामुळे आज मतदानाच्या दिवशी सकाळपासून अखेरपर्यंत सक्रिय राहून केलेल्या प्रयत्नांमुळे सौरभ पाटील यांची भूमिका कराडमधील राजकीय चर्चेचा विषय ठरली.

या संदर्भात ‘वेध माझा’शी बोलताना... 

सौरभ पाटील म्हणाले.. 

“सकाळपासूनच पदवीधर व शिक्षक मतदारांपर्यंत पोहोचण्यासाठी राष्ट्रवादी व काँग्रेससह महाविकास आघाडीच्या सर्वच आजी- माजी नगरसेवकांसह इतर घटकांनी देखील नियोजनबद्ध प्रयत्न केले. ग्रामीण भागासह विविध ठिकाणी मतदारांशी संपर्क साधून मतदानासाठी आवश्यक ती व्यवस्था करण्यावर भर दिला. या प्रयत्नांची मतदार नक्कीच दखल घेतील आणि महाविकास आघाडीच्या दोन्ही उमेदवारांना विजयी करतील, असा मला विश्वास आहे.”

अतुलबाबांनी आज सांगूनच टाकले ; म्हणाले...‘उदयदादांनाच मदत करणार’; धनंजय पाटलांना अतुलबाबांचा स्पष्ट नकार! जिल्हा बँकेतील राजकीय संभ्रमाला पूर्णविराम; अध्यक्षपदाच्या चर्चेवर मात्र अतुलबाबांची सावध भूमिका ;

 वेध माझा ऑनलाईन।

सातारा जिल्हा मध्यवर्ती सहकारी बँकेच्या निवडणुकीत प्रक्रिया गटातून बिनविरोध निवडून आलेले कराड दक्षिणचे आमदार डॉ. अतुलबाबा भोसले यांनी जिल्हा बँकेच्या राजकारणातील आपली भूमिका आज स्पष्ट केली . ‘यंदाच्या जिल्हा बँकेच्या निवडणुकीत सोसायटी गटात आम्ही ऍड उदयदादांनाच मदत करणार आहोत,’ असे ठामपणे सांगत त्यांनी भाजपचे जिल्हा उपाध्यक्ष धनंजय पाटील यांना या गटात मदत करणार नसल्याचे स्पष्ट केले. 

सुरेशबाबांच्या नेतृत्वात या निवडणुकीत ऍड उदयदादा पाटील यांनाच मदत करण्याचे आमचे अगोदरच ठरले आहे... राजकारणात एकदा भूमिका स्पष्ट केली... की, त्यात बदल होत नसतो... त्यामुळे जिल्हा बँकेच्या निवडणुकीत महायुतीचे उमेदवार म्हणून उदयदादा यांनाच आम्ही मदत करणार आहोत आणि हीच आमची स्पष्ट भूमिका आहे असे सांगुन अतुलबाबांनी धनंजय पाटील याना मदत करण्याबाबत स्पष्ट नकारच दिला...

धंनजय पाटील हे आमदार अतुलबाबांचे जवळचे मानले जातात ते भाजपचे जिल्ह्याचे उपाध्यक्षही आहेत त्यांनीही या निवडणुकीत सोसायटी गटातूनच महायुतीचे उमेदवार अजितदादा गटाचे कराड तालुक्यातील नेते ऍड उदयदादा पाटील यांच्या विरोधात आपला उमेदवारी अर्ज दाखल केलेला आहे त्यामुळे यावेळच्या जिल्हा बँकेच्या निवडणुकीत अतुलबाबा नेमकी कोणाची बाजू घेणार, यावरून उलटसुलट चर्चा सुरू होत्या मात्र अतुलबाबांनी याबाबतची आपली भूमिका आज स्पष्ट केल्याने या सगळ्या चर्चांना आता पूर्णविराम मिळाला आहे.

आमदार अतुलबाबा भोसले यांची जिल्हा बँकेच्या संचालकपदी बिनविरोध निवड झाल्यानंतर त्यांनी कराड येथील स्वर्गीय यशवंतराव चव्हाण यांच्या समाधिस्थळी अभिवादन केले. यावेळी पत्रकारांशी संवाद साधताना त्यांनी जिल्हा बँकेच्या निवडणुकीतील भूमिकेबाबत हा महत्त्वपूर्ण खुलासा केला.

जिल्हा बँकेच्या राजकारणात गेल्या काही दिवसांपासून विविध नेत्यांच्या भूमिका, गटांतर्गत समीकरणे आणि संभाव्य पाठिंब्याबाबत चर्चा सुरू होती. त्यात भाजपचे जिल्हा उपाध्यक्ष धनंजय पाटील यांनी याच गटातून बंडखोरी केल्याच्या पार्श्वभूमीवर अतुलबाबा कोणाला साथ देणार, याबाबत उत्सुकता निर्माण झाली होती. मात्र, उदयदादांना मदत करण्याची भूमिका स्पष्ट करून अतुलबाबांनी या चर्चेतील संभ्रम दूर केला.

जिल्हा बँकेच्या संचालकपदी निवड झाल्यानंतर बोलताना अतुलबाबा म्हणाले, “जिल्ह्यातील अनेक दिग्गज नेत्यांनी या बँकेच्या माध्यमातून यशस्वी राजकीय कारकीर्द घडवली आहे. आता आम्हा तरुणांना या बँकेत काम करण्याची संधी मिळत आहे.” या संधीबद्दल त्यांनी समाधान व्यक्त केले. तसेच आमदार शिवेंद्रसिंहराजे भोसले, खासदार उदयनराजे भोसले, मंत्री जयकुमार गोरे यांच्यासह जिल्ह्यातील सर्व नेत्यांचे त्यांनी आभार मानले.

दरम्यान, जिल्हा बँकेच्या आगामी निवडणुकीनंतर अध्यक्षपदासाठी अतुलबाबा भोसले यांच्या नावाची चर्चा होत आहे. शिवेंद्रसिंहराजे भोसले आणि जयकुमार गोरे यांनीही त्यांच्या नावाचा उल्लेख केल्याबाबत पत्रकारांनी विचारले असता, “मला याबाबत अद्याप तरी माहिती नाही. या गोष्टींना अजून वेळ आहे. त्याबाबत आत्ताच चर्चा नको,” अशी सावध प्रतिक्रिया त्यांनी दिली.

एकूणच जिल्हा बँकेच्या राजकारणात पाठिंब्याबाबतची भूमिका स्पष्ट झाली असली, तरी अध्यक्षपदाच्या संभाव्य समीकरणांबाबत अतुलबाबांनी तूर्तास मौन राखले आहे. संचालकपदी बिनविरोध निवड झाल्यानंतर त्यांच्या भूमिकेकडे जिल्ह्याचे लक्ष लागले असून, आगामी काळात जिल्हा बँकेच्या राजकारणात कोणती समीकरणे आकाराला येतात, हे पाहणे महत्त्वाचे ठरणार आहे.

सातारा जिल्हा बँकेवर अतुलबाबांची बिनविरोध एन्ट्री! सातारा जिल्हा बँकेत अतुलबाबांचा प्रवेश;

वेध माझा ऑनलाइन।

: कराड दक्षिणचे आमदार डॉ. अतुलबाबा भोसले यांची सातारा जिल्हा मध्यवर्ती सहकारी बँकेच्या संचालकपदी प्रक्रिया गटातून बिनविरोध निवड झाली आहे. या निवडीमुळे जिल्हा सहकार क्षेत्रातील राजकीय घडामोडींमध्ये कराडचे प्रतिनिधित्व महत्त्वाचे ठरणार आहे.

सातारा जिल्हा मध्यवर्ती सहकारी बँक ही जिल्ह्यातील सहकार क्षेत्रातील महत्त्वाची आर्थिक संस्था मानली जाते. जिल्ह्यातील सहकारी संस्था, शेतकरी आणि ग्रामीण अर्थव्यवस्थेशी या बँकेचे जवळचे नाते आहे. त्यामुळे बँकेच्या संचालक मंडळावरील निवडीकडे सहकार क्षेत्रासह राजकीय वर्तुळाचेही लक्ष असते.

प्रक्रिया गटातून संचालकपदासाठी झालेल्या निवडणूक प्रक्रियेत रामराजे नाईक-निंबाळकर यांनी माघार घेतल्याने डॉ. अतुलबाबा भोसले यांच्या निवडीचा मार्ग मोकळा झाला होता. त्यानंतर त्यांची बिनविरोध निवड निश्चित झाली.

आमदार म्हणून कार्यरत असलेल्या डॉ. भोसले यांना आता जिल्हा बँकेच्या माध्यमातून सहकार क्षेत्रातही काम करण्याची संधी मिळणार आहे. त्यांच्या या निवडीमुळे कराडसह जिल्ह्यातील सहकार क्षेत्रात नव्या राजकीय समीकरणांची चर्चा सुरू होण्याची शक्यता आहे.

दरम्यान अतुलबाबा भोसले यांची बिनविरोध निवड झाल्याबद्दल ढेबेवाडी फाटा येथे कार्यकर्त्यांनी फटाक्यांची आतषबाजी करत आणि साखर पेढे वाटत जल्लोष साजरा केला.

कृष्णा सहकारी बँकेच्या नवीन मुख्यालयाचे उद्या भूमिपूजन ; डॉ. सुरेश भोसले यांच्या हस्ते समारंभ; आमदार डॉ. अतुलबाबा भोसले यांची प्रमुख उपस्थिती ;

वेध माझा ऑनलाईन।

कृष्णा सहकारी बँक लि., रेठरे बुद्रुकच्या नवीन वास्तूच्या उभारणीचा शुभारंभ उद्या, मंगळवार, दि. २० ऑक्टोबर रोजी होणार आहे. पुणे-बंगळूर महामार्गालगत मलकापूर, कराड येथे सकाळी ११.३० वाजता या नवीन मुख्य कार्यालयाच्या भूमिपूजन समारंभाचे आयोजन करण्यात आले आहे.

कृष्णा सहकारी बँकेच्या या नवीन वास्तूचे भूमिपूजन कृष्णा विश्व विद्यापीठाचे कुलपती डॉ. सुरेश भोसले (बाबा) यांच्या हस्ते होणार आहे. या कार्यक्रमास आमदार डॉ. अतुलबाबा भोसले यांची प्रमुख उपस्थिती राहणार आहे. बँकेच्या मुख्य कार्यालयासाठी उभारण्यात येणारी ही नवीन वास्तू मलकापूर येथील पुणे-बंगळूर महामार्गालगत, हॉटेल साईप्रार्थनासमोर, एन.पी. मोटर्सजवळ उभारण्यात येणार आहे. आधुनिक सुविधांनी युक्त अशा या वास्तूमुळे बँकेच्या प्रशासकीय कामकाजाला नवी दिशा मिळणार आहे.

या भूमिपूजन समारंभास बँकेचे सर्व संचालक, व्यवस्थापन मंडळाचे सदस्य, अधिकारी, कर्मचारी तसेच सभासदांनी उपस्थित राहावे, असे आवाहन बँकेचे मुख्य कार्यकारी अधिकारी भगवान जाधव आणि उपाध्यक्ष दामाजी मोरे (भाऊ) यांनी केले आहे.

गोकुळच्या निवडणुकीत महायुतीचा उमेदवार फेरमतमोजणीत विजयी, एक जागा वाढली ; अंतिम निकाल ; 25 जागांमध्ये महायुतीला 12 जागा, तर सतेज पाटील यांना 13 जागा ;

वेध माझा ऑनलाइन।

गोकुळच्या निवडणुकीत उलटफेर सुरुच, आता महायुतीचा उमेदवार फेरमतमोजणीत विजयी, एक जागा वाढली आहे गोकुळचं संख्याबळ आता पुन्हा एकदा काठावरती येऊन ठेपलं आहे. या 25 जागांमध्ये महायुतीला 12 जागा मिळाल्या असून सतेज पाटील यांना 13 जागा मिळाल्या आहेत.

कोल्हापूर जिल्हा सहकारी दूध उत्पादक संघ अर्थात गोकुळच्या निवडणुकीमध्ये पुन्हा एकदा मोठा ट्विस्ट आला आहे. काँग्रेसप्रणित आमदार सतेज पाटील यांच्या राजर्षी शाहू शेतकरी समविचारी आघडीने एकहाती सत्ता मिळवली असतानाच महायुतीच्या पराभूत उमेदवारांकडून फेर मतमोजणीची मागणी करण्यात आली. या फेरमतमोजणीमध्ये महायुतीच्या अमर पाटील यांनी विजय मिळवल्याने बहुमताचा आकडा आता पुन्हा खाली आला. सतेज पाटील यांच्या आघाडीच्या सचिन घोरपडे यांचा अवघ्या 20 मतांनी पराभव झाला. त्यामुळे आता गोकुळमध्ये जागांचे समीकरण 13-12 असं झालं आहे. 

गोकुळचं संख्याबळ आता पुन्हा एकदा काठावरती येऊन ठेपलं आहे. या 25 जागांमध्ये महायुतीला 12 जागा मिळाल्या असून सतेज पाटील यांना 13 जागा मिळाल्या आहेत. त्यामुळे आता बहुमतापासून दोन्ही आघाड्या दूर राहिल्या आहेत.  दुसरीकडे महायुतीकडून शौमिका महाडिक यासुद्धा पराभूत झाल्या. त्यांनी सुद्धा पराभूत झाल्यानंतर फेर मतमोजणीची मागणी केल्यानंतर त्या फेर मतमोजणीमध्ये सुद्धा पराभूत झाल्या. यानंतर युवराज पाटील यांनी सुद्धा फेर मतमोजणीची मागणी केली होती. त्यामुळे गोकुळच्या निवडणुकीमध्ये अखेरच्या टप्प्यामध्ये पुन्हा एकदा ट्विस्ट निर्माण झाला. 

गोकुळ दूध संघ निवडणूक निकाल २०२६

महायुती आघाडी विजयी उमेदवार

सर्वसाधारण गट (१२ जागा)

१. राहुल पांडुरंग पाटील

 २. चेतन अरुण नरके   

३. अजित शशिकांत नरके   

४. अंबरीषसिंह संजय घाटगे   

५. वीरेंद्र संजय मंडलिक   

६. मदन बाबुराव देसाई   

७. राजेश नरसिंगराव पाटील   

८. रणजितसिंह दिलीपराव पाटील   

९. रणजितसिंह कृष्णाराव पाटील   

१०. अजित पांडुरंग पाटील   

११. कर्णसिंह गायकवाड   

१२. अमर पाटील (कोडोली)

-------------------------------------

शाहू समविचारी आघाडी विजयी उमेदवार | 

नेतृत्व : आमदार सतेज पाटील

१. अभिजीत प्रभाकर तायशेटे   

२. शशिकांत आनंदराव पाटील चुयेकर   

३. किसन बापूसो चौगले   

४. बाबासाहेब श्रीपती चौगले   

५. राहुल बजरंग देसाई   

६. विद्याधर बाबुराव गुरबे   

७. बाबासाहेब विष्णू देवकर   

८. विश्वजीत दिनकरराव जाधव   

महिला राखीव गट (२ जागा)

९. अंजना केदारी रेडेकर   

१०. भाग्यश्री धीरज डोंगळे  

इतर मागासवर्गीय गट (१ जागा)

११. शशिकांत शामराव खोत   

अनुसूचित जाती गट (१ जागा)

१२. राजू बाबा आवळे   

भटक्या-विमुक्त जमाती गट (१ जागा)

१३. बयाजी शेळके   

अंतिम निकाल

शाहू समविचारी आघाडी १३ जागा  

महायुती आघाडी १२ जागा

सातारा Dcc बँकेच्या रिंगणातून रामराजेंचे उमेदवारी अर्ज मागे ; तरीही निवडणूक होणार रंगतदार ! ;

वेध माझा ऑनलाइन।

सातारा Dcc बँकेच्या निवडणुकीतुन विधान परिषदेचे माजी सभापती रामराजे नाईक-निंबाळकर यांनी निवडणुकीतून माघार घेतली आहे. त्यांनी फलटण तालुका सोसायटी आणि कृषी प्रक्रिया या दोन्ही मतदारसंघातील उमेदवारी अर्ज आज मागे घेतले. आरबीआयच्या निकषानुसार सलग दहा वर्षांहून अधिक काळ संचालक राहिलेल्या नेत्यांवर अपात्रतेची तलवार लटकत आहे.त्यामुळे रामराजेंनी निवडणुकीतूनच माघार घेतली आहे अशी चर्चा आहे बुधवारी अर्ज मागे घेण्याचा शेवटचा दिवस आहे 

दरम्यान 

रामराजेंनी निवडणुकीतून माघार घेतली असली तरी सोसायटी आणि कृषी प्रक्रिया मतदारसंघात बाकीच्या उमेदवारांचे अर्ज रिंगणात असल्याने निवडणूक रंगतदार होणार आहे.

रामराजे निंबाळकर यांनी फलटण सोसायटी तसेच कृषी प्रक्रिया मतदारसंघातून आपले उमेदवारी अर्ज मागे घेतले आहेत. 

गोकुळवर सतेज पाटील यांच्या समविचारी आघाडीचा झेंडा!१६ जागांवर विजय; महायुतीला ९ जागांवर समाधानमंत्री हसन मुश्रीफ यांच्या चिरंजीवांसह तीन माजी चेअरमनना पराभवाचा धक्का ;

वेध माझा ऑनलाईन।

कोल्हापूर जिल्ह्याच्या सहकार क्षेत्रातील प्रतिष्ठेची आणि राज्याचे लक्ष लागून राहिलेल्या गोकुळ दूध संघाच्या निवडणुकीत अखेर सतेज पाटील यांच्या नेतृत्वाखालील समविचारी आघाडीने बाजी मारली आहे. एकूण २५ जागांपैकी १६ जागांवर विजय मिळवत आघाडीने संघावर आपले वर्चस्व प्रस्थापित केले, तर महायुतीला ९ जागांवर समाधान मानावे लागले. या निकालामुळे गोकुळच्या सत्तासंघर्षाला निर्णायक वळण मिळाले असून, मंत्री हसन मुश्रीफ यांच्या चिरंजीवांसह तीन माजी चेअरमनना पराभवाचा धक्का बसल्याने निकालाची चर्चा अधिक रंगली आहे.

गोकुळ दूध संघ हा केवळ दूध उत्पादकांचा सहकारी संघ नसून, कोल्हापूरच्या ग्रामीण अर्थव्यवस्थेचा महत्त्वाचा आधारस्तंभ मानला जातो. दूध उत्पादक शेतकरी, सहकारी संस्थांचे जाळे आणि जिल्ह्यातील सहकार क्षेत्रातील राजकीय समीकरणे यांमुळे गोकुळची निवडणूक नेहमीच प्रतिष्ठेची ठरते. त्यामुळे या निवडणुकीत कोणाची सत्ता येणार, याकडे दूध उत्पादकांसह संपूर्ण जिल्ह्याचे लक्ष लागले होते.

या पार्श्वभूमीवर सतेज पाटील यांच्या नेतृत्वाखालील समविचारी आघाडी आणि महायुती यांच्यात चुरशीची लढत झाली. दोन्ही बाजूंनी प्रतिष्ठा पणाला लावल्याने निवडणुकीतील प्रत्येक जागेला महत्त्व प्राप्त झाले होते. अखेर १६ जागांवरील विजयाने समविचारी आघाडीने आपले संख्याबळ स्पष्ट केले. महायुतीला ९ जागा मिळाल्या.

या निकालातील सर्वाधिक चर्चेचा मुद्दा म्हणजे मंत्री हसन मुश्रीफ यांच्या चिरंजीवांना बसलेला पराभवाचा धक्का. त्याचबरोबर तीन माजी चेअरमननाही पराभवाला सामोरे जावे लागले. त्यामुळे गोकुळच्या निवडणुकीत केवळ आघाड्यांचे संख्याबळच नव्हे, तर अनेक प्रमुख चेहऱ्यांचे राजकीय भवितव्यही चर्चेत आले आहे.

गोकुळमधील या सत्तांतराचे परिणाम जिल्ह्यातील सहकार क्षेत्रातील आगामी राजकीय समीकरणांवरही उमटण्याची शक्यता आहे. दूध उत्पादकांचे हित, संघाचा कारभार, दूध संकलन आणि सहकारी संस्थांशी असलेले संबंध या मुद्द्यांवर नव्या सत्ताधाऱ्यांची भूमिका महत्त्वाची ठरणार आहे. त्यामुळे विजयाचा जल्लोष आणि पराभवाची कारणमीमांसा यापलीकडे जाऊन, गोकुळचा कारभार पुढे कोणत्या दिशेने जातो, याकडे आता दूध उत्पादकांचे लक्ष लागले आहे.

   कोल्हापूरात प्रचंड जल्लोष...

कराडकरांच्या वतीने प्रशांत यादव यांच्या प्रश्नाला उत्तर देताना तुकाराम मुंढे म्हणाले;निवडणूक लढविणार की नाही याची भविष्यवाणी करण्याची ताकद माझ्या नीतीमत्तेत नाही.”जिवंत असेपर्यंत लोकसेवकच राहणार! ’राजकारणातील प्रवेशाबाबत तुकाराम मुंढेंचे कराडमध्ये स्पष्ट भाष्य;

वेध माझा ऑनलाईन।

सेवा निवृत्तीनंतर राजकारणात जाणार का ‘या प्रश्नावर उत्तर देताना, “जोपर्यंत माणूस म्हणून मी जिवंत आहे, तोपर्यंत मी लोकसेवकच राहीन,” असे ठाम विधान तुकाराम मुंढे यांनी केले. त्यांच्या या उत्तराला उपस्थित कराडकरांनी टाळ्यांच्या कडकडाटात प्रतिसाद दिला.कराड नगरपालिकेच्या वतीने आयोजित शारदीय व्याख्यानमालेत ‘तरुणाईशी संवाद’ या विषयावर तुकाराम मुंढे यांचे व्याख्यान झाले. यावेळी राष्ट्रवादी काँग्रेस शरदचंद्र पवार पक्षाचे तालुकाध्यक्ष प्रशांत यादव यांनी कराडकरांच्या मनातील राजकीय प्रवेशाचा प्रश्न त्यांच्यासमोर उपस्थित केला.

यावर बोलताना मुंढे म्हणाले, “मी आज लोकसेवक म्हणून काम करतोय. हे काम करताना काही नीतीमूल्ये जपली पाहिजेत. समाजाला पुढे घेऊन जाण्याचे काम केले पाहिजे. त्या दृष्टीने माझा प्रयत्न आहे आणि तो पुढेही सुरू राहील. मात्र, मी कोणत्या पक्षात जाणार, निवडणूक लढविणार की नाही किंवा सेवानिवृत्तीनंतर काय करणार, याची भविष्यवाणी करण्याची ताकद माझ्या नीतीमत्तेत आणि विचारांत नाही.”

राजकीय प्रवेशाच्या चर्चेवर कोणताही तर्कवितर्क न मांडता मुंढे यांनी लोकसेवेप्रती आपली भूमिका स्पष्ट केली. व्याख्यानावेळी माजी राज्यपाल श्रीनिवास पाटील हेही मंचावर उपस्थित होते. कराडकरांनी विचारलेल्या प्रश्नांना थेट उत्तरे देत मुंढे यांनी विविध विषयांवर आपली मते मांडली.

शारदीय व्याख्यानमालेपूर्वी तुकाराम मुंढे यांनी प्रीतिसंगमावर जाऊन महाराष्ट्राचे पहिले मुख्यमंत्री दिवंगत यशवंतराव चव्हाण यांच्या स्मृतिस्थळाला अभिवादन केले. यावेळी माध्यमांच्या प्रतिनिधींनी त्यांच्याशी संवाद साधला.

मुंढे यांच्या कराड दौऱ्याच्या पार्श्वभूमीवर शहरातील हॉटेल्स बंद असल्याचे आणि खाद्यपदार्थांच्या हातगाड्या गायब झाल्याचे त्यांच्या निदर्शनास आणून देण्यात आले. त्यावर स्मितहास्य करत त्यांनी, “जे नियम पाळतात, त्यांनी भीती बाळगण्याचे कारण नाही. ज्या ठिकाणी अनियमितता आणि अस्वच्छता असेल, त्यांच्यावर कारवाई होईल,” अशी स्पष्ट भूमिका मांडली.

अन्न व औषध प्रशासनाच्या आयुक्तपदाची सूत्रे स्वीकारल्यानंतर कारवाईच्या माध्यमातून चर्चेत आलेल्या मुंढे यांच्या या विधानामुळे नियमांचे पालन आणि स्वच्छतेचा मुद्दा पुन्हा चर्चेत आला आहे. दरम्यान, त्यांच्या राजकीय प्रवेशाबाबतच्या विधानामुळेही कराडमधील व्याख्यानमालेत उपस्थितांमध्ये उत्सुकता निर्माण झाली.

कराडमध्ये उद्या (रविवारी) राष्ट्रीय स्वयंसेवक संघाच्या विजयादशमी उत्सवाचे आयोजन ;दुपारी चार वाजता कराडमधील डॉ. बाबासाहेब आंबेडकर मैदान येथून संघाच्या संचलनास होणार प्रारंभ : मोठ्या संख्येने उपस्थित रहा; संघाचे कराडशहर कार्यवाह निलेश घार्गे यांचे आवाहन :

वेध माझा ऑनलाइन।

राष्ट्रीय स्वयंसेवक संघाच्या शताब्दी वर्षानिमित्त कराड शहरात रविवारी (दि. १८) श्री विजयादशमी उत्सवाचे आयोजन करण्यात आले आहे. या पार्श्वभूमीवर रविवारी दुपारी चार वाजता कराडमधील डॉ. बाबासाहेब आंबेडकर मैदान,मुळीक पेट्रोल पंपाजवळ, बुधवार पेठ येथून संघाच्या संचलनास प्रारंभ होणार आहे

सायंकाळी सहा वाजता स्वर्गीय सौ. वेणुताई चव्हाण सभागृहात हा उत्सव होणार आहे. यावेळी प्रमुख वक्ते म्हणून राष्ट्रीय स्वयंसेवक संघाचे पश्चिम क्षेत्राचे सहक्षेत्र प्रचारक चिंतनभाई उपाध्याय मार्गदर्शन करणार आहेत.

या कार्यक्रमास प्रमुख अतिथी म्हणून मे. शिवाजी आप्पा सराफ उद्योग समूहाचे संचालक प्रवीणकुमार जगताप उपस्थित राहणार आहेत. संघाच्या शताब्दी वर्षात समाजसंपर्काच्या माध्यमातून मिळालेली ऊर्जा घेऊन यंदाचा विजयादशमी उत्सव साजरा करण्यात येणार आहे.

हिंदू समाजात विजयादशमी उत्सवातून विजयाची वृत्ती जागृत व्हावी, भारताला सर्वोच्च वैभव प्राप्त व्हावे, समाजाची सामूहिक शक्ती वृद्धिंगत व्हावी आणि ‘भारतमाता की जय’ हा जयघोष सर्वत्र दुमदुमावा, या भावनेतून उत्सवाचे आयोजन करण्यात आले आहे.

दरम्यान, विजयादशमी उत्सवाच्या पार्श्वभूमीवर रविवारी दुपारी चार वाजता कराडमधील डॉ. बाबासाहेब आंबेडकर मैदान,मुळीक पेट्रोल पंपाजवळ, बुधवार पेठ येथून संघाच्या संचलनास प्रारंभ होणार आहे. या संचलनाचा मार्ग डॉ. बाबासाहेब आंबेडकर मैदान, डॉबिवली बँक, महात्मा ज्योतिबा फुले स्मारक, डॉ. बाबासाहेब आंबेडकर स्मारक, पाटील गल्ली, कन्याशाळा, छत्रपती शिवाजी महाराज मैदान, श्री ज्योतिबा मंदिर, कृष्णा नाका आणि राजाराम नगरमार्गे छत्रपती शिवाजी हायस्कूल सोसायटीच्या स्वर्गीय वेणुताई चव्हाण सभागृहापर्यंत राहणार आहे.

या उत्सवाला आणि संचलनाला नागरिकांनी सहपरिवार उपस्थित राहावे, असे आवाहन राष्ट्रीय स्वयंसेवक संघाचे कराडशहर कार्यवाह निलेश घार्गे यांनी केले आहे.

कराडमध्ये दिवेकर बेकरीवर प्रशासनाचा बडगा; परवाना निलंबित करून बेकरी बंद!ब्लिंकिटच्या कराड-सातारा कार्यालयांवरही कारवाई ; तुकाराम मुंढे यांचे उद्या कराडात व्याख्यान आणि आज झाली कारवाई ; कराडात जोरदार चर्चा ;

वेध माझा ऑनलाईन।

कराडमधील प्रसिद्ध दिवेकर बेकरीवर अन्न व औषध प्रशासन विभागाने कारवाईचा बडगा उगारला आहे. बेकरीबाबत प्राप्त झालेल्या तक्रारींच्या पार्श्वभूमीवर प्रशासनाच्या पथकाने १२ ऑक्टोबर रोजी तपासणी केली. या तपासणीत अस्वच्छता आढळल्याने बेकरीचा परवाना निलंबित करून पुढील आदेश मिळेपर्यंत बेकरी बंद ठेवण्याची कारवाई करण्यात आली. 

याचबरोबर ऑनलाइन पार्सल सेवा पुरवणाऱ्या ब्लिंकिट कंपनीच्या कराड आणि सातारा येथील कार्यालयांचीही तपासणी करण्यात आली असून, संबंधित कंपनीला आवश्यक सूचना देण्यात आल्याची माहिती आहे.या कारवाईमुळे कराडमधील खाद्यपदार्थांची विक्री आणि घरपोच वितरण व्यवस्थेतील स्वच्छतेचा प्रश्न पुन्हा ऐरणीवर आला आहे. 

दिवेकर बेकरीबाबत अन्न व औषध प्रशासन विभागाकडे तक्रारी प्राप्त झाल्यानंतर अधिकाऱ्यांनी संबंधित बेकरीची तपासणी केली. १२ ऑक्टोबर रोजी झालेल्या या तपासणीदरम्यान बेकरीमध्ये अस्वच्छता आढळल्याची माहिती आहे. खाद्यपदार्थ तयार करणे, त्यांची साठवणूक करणे आणि ग्राहकांना विक्री करणे या प्रक्रियांमध्ये स्वच्छतेचे निकष पाळणे आवश्यक असते. मात्र, तपासणीत अस्वच्छता आढळल्याने प्रशासनाने या प्रकरणाची गंभीर दखल घेतली.त्यानंतर पुढील आदेश मिळेपर्यंत बेकरी बंद ठेवण्याची सूचना देण्यात आली असून, बेकरीचा परवाना निलंबित करण्यात आला आहे. त्यामुळे प्रशासनाच्या पुढील आदेशांपर्यंत बेकरीचे कामकाज बंद राहणार आहे. परवाना निलंबनाची कारवाई आणि बेकरी पुन्हा सुरू करण्याबाबतचे पुढील निर्णय प्रशासनाच्या निर्देशांवर अवलंबून असतील.

दिवेकर बेकरीवरील कारवाईसोबतच अन्न व औषध प्रशासनाच्या पथकाने ब्लिंकिट कंपनीच्या कराड आणि सातारा येथील कार्यालयांचीही तपासणी केली. या कंपनीमार्फत ग्राहकांना विविध वस्तूंची घरपोच सेवा दिली जाते. त्यामुळे वितरण व्यवस्थेत स्वच्छता आणि आवश्यक नियमांचे पालन होणे महत्त्वाचे आहे.या तपासणीदरम्यान आढळलेल्या बाबींच्या पार्श्वभूमीवर कंपनीला आवश्यक सूचना देण्यात आल्याची माहिती आहे. 

दरम्यान अन्न व औषध प्रशासनाचे आयुक्त तुकाराम मुंढे हे कराडमध्ये आज शनिवारी व्याख्यानासाठी येणार असल्याच्या पार्श्वभूमीवर या कारवाईची चर्चा सुरू झाली आहे. 

कराडमध्ये अन्न व औषध प्रशासनाचा दणका; दिवेकर बेकरीसह ब्लिंकिटची तपासणी! उद्या तुकाराम मुंढे यांचे व्याख्यान आणि आज त्यांच्या खात्याने केली कराडात कारवाई ; जोरदार चर्चा ;

वेध माझा ऑनलाईन।

कराड शहरातील अन्नपदार्थांची विक्री आणि घरपोच वितरण व्यवस्थेतील स्वच्छतेचा मुद्दा ऐरणीवर आला असून, अन्न व औषध प्रशासनाने प्रसिद्ध दिवेकर बेकरीसह ब्लिंकिटच्या कराड आणि सातारा येथील शाखांवर कारवाई केली आहे. या तपासणीत दिवेकर बेकरीमध्ये स्वच्छतेसंदर्भातील अनियमितता, तर ब्लिंकिटच्या कामकाजात वाहनचालकांकडे ओळखपत्रांचा अभाव आणि स्वच्छतेच्या त्रुटी आढळल्याची माहिती समोर आली आहे. सातारा येथील अन्न व औषध प्रशासनाचे अधिकारी तुषार शिंगाडे यांनी ही माहिती दिली 

कराडमधील प्रसिद्ध दिवेकर बेकरीची अन्न व औषध प्रशासनाकडून तपासणी करण्यात आली. या वेळी बेकरीमध्ये स्वच्छतेसंदर्भातील अनियमितता आढळल्याची माहिती आहे. बेकरीत तयार होणाऱ्या आणि विक्रीसाठी ठेवण्यात येणाऱ्या खाद्यपदार्थांच्या सुरक्षिततेच्या दृष्टीने स्वच्छतेला विशेष महत्त्व आहे. त्यामुळे तपासणीत नेमक्या कोणत्या त्रुटी आढळल्या, त्यांचे स्वरूप किती गंभीर आहे आणि त्या दूर करण्यासाठी प्रशासनाकडून कोणते निर्देश देण्यात आले, याबाबत अधिकृत तपशील समोर येणे आवश्यक आहे.

ऑनलाइन ऑर्डरद्वारे वस्तू ग्राहकांच्या घरापर्यंत पोहोचविणाऱ्या ब्लिंकिटच्या कराड आणि सातारा येथील शाखांचीही प्रशासनाने तपासणी केली. या तपासणीत वाहनचालकांकडे ओळखपत्रे नसणे आणि स्वच्छतेसंदर्भातील त्रुटी आढळल्याची माहिती आहे.

दरम्यान, अन्न व औषध प्रशासनाचे आयुक्त तुकाराम मुंढे हे उद्या कराडमध्ये व्याख्यानासाठी येणार आहेत. त्यांच्या कराड दौऱ्याच्या पूर्वसंध्येला दिवेकर बेकरीसह ब्लिंकिटच्या शाखांवर झालेल्या कारवाईमुळे शहरातील अन्नविक्री आणि वितरण व्यवस्थेतील स्वच्छतेचा प्रश्न चर्चेत आला आहे.अन्न व औषध प्रशासनाच्या या कारवाईमुळे संबंधित आस्थापनांमधील नियमपालनाचा मुद्दा समोर आला असला, तरी तपासणीत आढळलेल्या त्रुटींबाबत प्रशासनाची पुढील भूमिका काय असेल, हे महत्त्वाचे ठरणार आहे.

सातारा जिल्हा बँक निवडणूक ; साताऱ्यातील एक मंत्री, दोन खासदार, दोन माजी आमदारांसह ९ विद्यमान संचालकांना जिल्हा बँक निवडणुकीच्या रिंगणातून घ्यावी लागणार माघार ;

 वेध माझा ऑनलाईन।

सुप्रीम कोर्टाने आज सहकार क्षेत्रासाठी महत्वाचा निकाल दिला आहे आरबीआयच्या निकषानुसार सलग दहा वर्षांहून अधिक काळ संचालक राहिलेल्या व्यक्तींना निवडणूक लढविण्यास अपात्र ठरवलं आहे. सुप्रीम कोर्टाच्या दणक्यामुळे साताऱ्यातील एक मंत्री, दोन खासदार, दोन माजी आमदारांसह ९ विद्यमान संचालकांना जिल्हा बँक निवडणुकीच्या रिंगणातून माघार घ्यावी लागणार आहे. सांगली जिल्हा बँकेच्या निवडणुकीत देखील सुप्रीम कोर्टाच्या निर्णयामुळे आमदार गोपीचंद पडळकर यांचा उमेदवारी अर्ज वैध ठरवला गेला आहे.

दरम्यान साताऱ्यात ही निवडणूक जाहीर झाल्यापासूनच आरबीआयच्या निकषाची धास्ती होती. तरीही सलग दहा वर्षांचा कार्यकाळ पूर्ण झालेल्या विद्यमान संचालकांनी उमेदवारी अर्ज दाखल केले होते. छाननीमध्ये अर्ज वैध ठरल्याने काहीसा दिलासा मिळाला. मात्र, तो दिलासा अल्पकाळच टिकला. चंद्रकांत कोकाटे आणि संजय मोरे या उमेदवारांनी राजेंद्र राजपुरे आणि अनिल देसाई यांच्या उमेदवारीला मुंबई उच्च न्यायालयाच्या कोल्हापूर सर्किट बेंचमध्ये आव्हान दिले. याचिकेवर निकाल देताना सर्किट बेंचने राजपुरे आणि देसाईंना निवडणूक लढविण्यास अपात्र ठरवले.

पाचगणी सोसायटीमध्ये दोन वर्षांचे सभासदत्व पूर्ण झाले नसल्याने विद्यमान संचालक राजेंद्र राजपुरे यांच्या पत्नी रूपाली राजपुरे यांच्या यांची उमेदवारी रद्द करण्याच्या मागणीची याचिका दाखल करण्यात आली होती. न्यायालयाने याचिकाकर्त्यांच्या बाजूने निकाल देत रूपाली राजपुरे यांचीही उमेदवारी रद्द केली होती. मात्र, अपिलात सुप्रीम कोर्टाने रूपाली राजपुरेंना दिलासा देत उच्च न्यायालयाच्या कोल्हापूर सर्किट बेंचचा निकाल रद्दबातल ठरवला. त्यामुळे पतीच्या जागी पत्नीला निवडणूक लढविण्याची संधी मिळाली आहे.

सांगली-साताऱ्यात ‘स्वाभिमानी’चा कारखान्यांवर धडक मोर्चा!राजू शेट्टींचा ‘काटा बंद’चा इशारा; साखर पट्ट्यात खळबळ ;

वेध माझा ऑनलाइन।

केंद्र सरकारच्या शेतकरीविरोधी धोरणांविरोधात आक्रमक झालेल्या स्वाभिमानी शेतकरी संघटनेने आता थेट साखर कारखान्यांना लक्ष्य केले आहे. राष्ट्रीय महामार्ग रोको आंदोलन स्थगित केल्यानंतर दुसऱ्याच दिवशी संघटनेचे नेते राजू शेट्टी यांनी सांगली आणि सातारा जिल्ह्यांतील साखर कारखान्यांच्या वजनकाट्यांवर धडक देत आंदोलनाची धार तीव्र केली. वजनकाट्यांवर धडक देत ‘काटा बंद’ आंदोलनाचा इशारा दिल्याने पश्चिम महाराष्ट्रातील साखर पट्ट्यात खळबळ उडाली आहे.

येडेमच्छिंद्र येथे क्रांतिसिंह नाना पाटील यांच्या पुतळ्याला अभिवादन करून राजू शेट्टी यांनी आंदोलनाची सुरुवात केली. त्यानंतर स्वाभिमानी शेतकरी संघटनेच्या कार्यकर्त्यांसह त्यांनी सांगली आणि सातारा जिल्ह्यांतील साखर कारखान्यांच्या वजनकाट्यांवर धडक दिली. कराडचा कृष्णा, कुंडलची क्रांती, वांगीचा सोनहिरा, वाळव्याचा हुतात्मा आणि चिखलीचा विश्वास या कारखान्यांच्या परिसरात आंदोलन करण्यात आले.

साखरेचा किमान विक्रीभाव अर्थात हमीभाव केंद्र सरकारने वाढविल्याशिवाय कारखान्यांची धुराडी पेटू देणार नाही, अशी आक्रमक भूमिका राजू शेट्टी यांनी मांडली. शेतकऱ्यांच्या प्रश्नांवर केवळ आश्वासने नकोत, तर ठोस निर्णय हवा, अशी भूमिका घेत त्यांनी साखर उद्योग आणि केंद्र सरकारला थेट आव्हान दिले.

आंदोलनादरम्यान कारखानदार आणि प्रशासनाला इशारा देताना शेट्टी यांनी शेतकऱ्यांच्या प्रश्नांवर आरपारच्या लढाईची भूमिका स्पष्ट केली. चालू वर्षी शेतकरी केंद्र सरकारच्या अन्यायी धोरणांविरोधात रस्त्यावर उतरला असून, या संघर्षात साखरेचा हमीभाव वाढविणे केवळ शेतकऱ्यांच्याच नव्हे, तर साखर कारखानदारांच्याही हिताचे असल्याचे त्यांनी अधोरेखित केले.

‘काटा बंद’ आंदोलनाच्या इशाऱ्यामुळे साखर कारखान्यांच्या आगामी हंगामाबाबत चर्चेला वेग आला आहे. शेतकऱ्यांच्या मागण्यांवर केंद्र सरकार काय निर्णय घेणार आणि साखर कारखानदार या आंदोलनाबाबत कोणती भूमिका घेणार, याकडे आता पश्चिम महाराष्ट्रातील ऊस उत्पादक शेतकऱ्यांचे लक्ष लागले आहे. स्वाभिमानी शेतकरी संघटनेच्या या आक्रमक पवित्र्यामुळे साखर उद्योगातील संघर्ष आणखी तीव्र होण्याची चिन्हे आहेत.