गेली पन्नास वर्षे कराडच्या सामाजिक जीवनात सक्रिय असणारे हिंदुत्ववादी नेते व ज्येष्ठ नगरसेवक विनायक पावसकर यांच्या कार्याच्या सन्मानार्थ त्यांची सुपुत्र भाजपचे प्रदेश उपाध्यक्ष विक्रम पावसकर व अजय पावसकर यांच्या वतीने कराडकरांसाठी तीन समाजोपयोगी उपक्रम जाहीर करण्यात आले आहेत. पंतप्रधान नरेंद्र मोदी यांच्या वाढदिवसानिमित्त राबवण्यात येणाऱ्या सेवा सप्ताहात 17 ते 24 सप्टेंबर दरम्यान या योजना कार्यान्वित करण्यात येणार आहेत.
याबाबतची माहिती प्रदेश उपाध्यक्ष विक्रम पावसकर यांनी पत्रकार परिषदेत दिली. यावेळी आमदार डॉक्टर अतुलबाबा भोसले, विनायक पावसकर, हिंदू एकता आंदोलनाचे संस्थापक चंद्रकांत जिरंगे, भाजपचे शहराध्यक्ष सुषमा लोखंडे, अजय पावसकर उपस्थित होते .
अजय पावसकर यांच्या प्रयत्नाने मातृशक्ती आरोग्य भेट योजना सुरू करण्यात आली आहे. या योजनेअंतर्गत पंधरा वर्षांच्या पुढील लाडकी आई व ताई यांना सिंदूर हेल्थ कार्ड देण्यात येईल. या कार्डधारक महिलांची तीन महिन्यातून एकदा डॉक्टरांकडून आरोग्य तपासणी करण्यात येणार आहे. या कार्डधारक महिलांना वर्षातून एकदा पर्यटन सहलीचा व सांस्कृतिक कार्यक्रमांचा लाभ देण्यात येणार असून दीपावली निमित्त भेटवस्तू देण्यात येणार आहे.
लाडके आजी आजोबा यांच्यासाठी अण्णा पावस्कर हेल्थ कार्ड योजना सुरू करण्यात आले असून या योजनेअंतर्गत ७० वर्षांच्या पुढील आजी-आजोबांना येणार आहे. या डॉक्टरांची या नागरिकांची रक्तदाब डायबिटीस व हिमोग्लोबिन तपासणी करण्यात येईल. डॉक्टरने दिलेली प्रत्येक महिन्याच्या औषधी विनामूल्य देण्यात येणार आहे. सामाजिक बांधिलकी म्हणून निराधार आजोबांना सकाळी व संध्याकाळी जेवणाचे डबे पोहोच करण्यात येणार आहेत. या दोन्ही योजना परिसरात राबविण्यात येणार असून भविष्यात त्या इतर शहराच्या भागात राबवण्याचा मानस आहे.
हिंदू एकता आंदोलन च्या वतीने दरवर्षी हिंदवी दहीहंडीचे आयोजन करण्यात येते मात्र यावर्षी पूरस्थिती लक्षात घेऊन हा कार्यक्रम रद्द करण्यात आला होता. या कार्यक्रमाच्या खर्चाची रक्कम कराड शहराच्या आरोग्यासाठी समर्पण समर्पित करण्याचे विक्रम पावस्कर यांनी जाहीर केले होते. त्यानुसार विक्रम पावस्कर यांच्या संकल्पनेतून व ओम सेवा माध्यमातून कराड शहरासाठी विनामूल्य आरोग्य सेवेचा फिरता दवाखाना सुरू करण्यात येणार आहे. या योजनेनुसार प्रत्येक पेठेमध्ये नियोजित ठिकाणावर एक दिवस याप्रमाणे ही गाडी उभी राहणार असून तज्ञ डॉक्टर नागरिकांची आजारावरील औषधे त्याच ठिकाणी देणार आहेत. तसेच नागरिकांच्या गरजेनुसार, ऑक्सिजन युनिट, वॉकर बेड यासारखे साहित्यही विनामूल्य वापरासाठी उपलब्ध होणार आहे. विनायक पावस्कर व त्यांच्या समर्थकांच्या सामाजिक रुणातून उतराई होण्यासाठी कराडकर यांना विनामूल्य उपलब्ध होणाऱ्या या योजनांचा लाभ घ्यावा असे आवाहन अजय पावसकर यांनी केले आहे.आमदार डॉ अतुलबाबा भोसले यांनीही या उपक्रमांचा कराडकरांनी लाभ घ्यावा, असे आवाहन केले.
No comments:
Post a Comment