वेध माझा ऑनलाइन - शिंदे सरकारने अखेर बहुमत चाचणी पास केली आहे. 164 आमदारांची मत मिळवत शिंदे सरकारवर आता शिक्कामोर्तब झाले आहे. 'मी पुन्हा येईन असं म्हटलं होतं, त्यावर माझी खूप टिंगळ टवाळी केली. पण मी आता आलो आहे आणि एकटा नाही आलो तर सगळ्यांना घेऊन आलो आहे' आज मी शिंदे यांच्या पाठीशी ठामपणे उभा आहे असे म्हणत उपमुख्यमंत्री देवेंद्र फडणवीस यांनी जोरदार टोलेबाजी केली.
शिंदे सरकारने बहुमत जिंकल्यानंतर देवेंद्र फडणवीस यांनी अभिनंदन प्रस्ताव मांडला. यावेळी ते बोलत होते त्यावेळी त्यांनी शिंदेंचं कौतुकही केलं.
'एकनाथ शिंदे यांचे सरकार आता आले आहे. शाखा प्रमुख ते मुख्यमंत्री हा त्यांचा प्रवास थक्क करणार आहे. एकनाथ शिंदे हे रसायन वेगळे आहे, असं म्हणत उपमुख्यमंत्री देवेंद्र फडणवीस यांनी मुख्यमंत्र्यांचं कौतुक केलं.'मी पुन्हा येईन असं म्हटलं होतं, मी सगळ्यांचा आता बदला घेणार आणि बदला असा आहे की मी त्यांना माफ केले आहे. राजकारणामध्ये अशा गोष्टी मनावर घ्यायच्या नसतात. आम्ही विरोधी बाकावर होतो पण कधी विचलित झालो नाही. कोरोनाच्या काळातही जनतेमध्ये राहिलो. काही लोक हे आम्हाला म्हणतात की सत्तेसाठी आम्ही आहोत. पण, सामाजिक काम करण्यासाठी सत्ता हवी आहे. पर्यायी सरकार देणार असं म्हटलो होतो. आता नरेंद्र मोदी यांनी ते दाखवून दिले आहे. ज्या पक्षाने मला सर्वोच्च अधिकार दिले, आज त्यांनी मला उपमुख्यमंत्रिपदावर बसण्याचे आदेश दिले मी ते स्विकारलं. आज मी शिंदे यांच्या पाठीशी ठामपणे उभा आहे, असंही फडणवीस यांनी ठणकावून सांगितलं.
