डोंबवली बँकेच्या कराड शाखेच्यावतीने पोलीसांना राखी बांधून रक्षा बंधन केले साजरे ; व्यवस्थापक विजय देशपांडे यांची माहिती ;

वेध माझा ऑनलाइन

डोंबवली नागरी सहकारी बँकेच्या कराड शाखेच्या वतीने बँकेच्या स्टाफकडून कराड शहर पोलीस स्टेशन येथे पोलिसांना राखी बांधून रक्षाबंधन साजरे करण्यात आले याबाबतची माहिती व्यवस्थापक विजय देशपांडे यांनी वेध माझा ला बोलताना दिली

ते म्हणाले रक्षाबंधन हा सण विश्वासाचा सण आहे पोलीस हे खऱ्या अर्थाने समाजाचे रक्षणकर्ते आहेत त्यांच्या कर्तव्यप्रति कृतज्ञता व्यक्त करण्यासाठी तसेच त्यांच्या ऋणात राहणे व त्यांच्या पाठीशी नागरिक म्हणून खंबीर उभे राहण्यासाठी म्हणून आम्ही डोंबवली बँक कराड शाखेकडून त्यांना रक्षाबंधनानिमित्त राखी बांधून आमच्या त्यांच्याबद्दलच्या असलेल्या भावना व्यक्त केल्या आणि त्यांना शुभेच्छाही दिल्या

यावेळी महिला पोलीसांसह कराड शहर पोलीस प्रमुख तसेच पोलीस कॉन्स्टेबल व अधिकारी वर्गाला राखी बांधण्यात आली

शाखा व्यवस्थापक विजय देशपांडे तसेच उमेश महाडिक दत्तात्रय माळी स्वाती बोराटे श्वेता लाड प्रियांका गवाते आदी स्टाफ यावेळी उपस्थित होता