राजेंद्रसिह यादव शिवसेनेचे नगराध्यक्षपदाचेे उमेदवार म्हणून जाहीर ; संपर्क प्रमुख शरद कणसे यांनी केली घोषणा ; ही निवडणूक शिवसेना स्वतंत्रपणे लढणार असल्याचे झाले स्पष्ट ;

वेध माझा ऑनलाईन।

कराड नगरपरिषदेच्या निवडणुकीत शिवसेनेच्या वतीने कराडचे नगराध्यक्ष पदाचे उमेदवार म्हणून राजेंद्रसिह यादव यांच्या नावाची घोषणा काल करण्यात आली शिवसेनेच्या वतीने जाहीर मेळाव्यात संपर्क प्रमुख शरद कणसे यांनी त्यांच्या नावाची घोषणा केली एकूणच यानिमित्ताने शिवसेना ही निवडणूक स्वतंत्रपणे लढणार हे काल स्पष्ट झाले...

दरम्यान... मला या निवडणुकीत अडचणीत आणले, खिंडीत गाठले अशा चर्चा सुरू आहेत पण लक्षात ठेवा... मी सिह आहे...आणि सिह जंगलाचा राजा असतो...मला अडचणीत आणण सोपं नाही...संघर्ष पाचवीला पूजलाय...आणि लढणं रक्तात आहे.. श्वासात श्वास असे पर्यंत धनुष्यबाणासाठी लढणार...असे सांगत राजेंद्र यादवांनी शिवसेनेच्या मेळाव्यात सिहगर्जना करत... कारभारी चांगला असेल तर शहराचा कारभार चांगला होतो असे सांगितले शहराला कोणा विदुषकाच्या  हातात देऊ नका, शहराचा विकास नाही तर शहराची सर्कस होईल असा टोलाही त्यांनी लगावला.

ते म्हणाले 56 सालापर्यंत कराडला पाण्याची टंचाई येणार नाही असे नियोजन करण्यात आले आहे यापूर्वी शहरासाठीच्या अनेक सुविधांचा विचार करून राज्याचे उपमुख्यमंत्री एकनाथ शिंदे यांच्या माध्यमातून भरगोस निधी आणत शहराचा विकास साधला आहे यापुढेही विकासाची गंगा पुढे न्यायची आहे त्यासाठी सर्वांनी सज्ज रहा

संपर्क प्रमुख कणसे म्हणाले...

राजेंद्रसिह यादव यांनी पक्षप्रवेशाच्या वेळी शहराच्या विकासासाठी 100 कोटी मागितले होते मात्र एकनाथ शिंदे यांनी 209 कोटी या शहराला दिले आमची भाजप बरोबर युतीसाठी चर्चा सुरू आहे परंतु युती झाली नाही तर मात्र आपल्या ताकदीवर ही निवडणूक आपण लढायला तयार आहोत हे कार्यकर्त्यांनी लक्षात घ्यायचे आहे

राजेंद्रसिह यादव हे आपले नगराध्यक्ष पदाचे उमेदवार आहेत असेही त्यांनी यावेळी जाहीर करून टाकले

यावेळी शिवसेनेचे जिल्हाध्यक्ष तसेच शहराध्यक्ष व उपस्थित कार्यकर्त्यांनी आपल्या भावना व्यक्त केल्या प्रस्ताविक प्रा सचिन पाटील यांनी केले सुलोचना पवार यांनी आभार मानले