वेध माझा ऑनलाइन। विवाहाचे आमिष दाखवून सांगली जिल्ह्यातील युवतीवर अत्याचार केल्याप्रकरणी कराडातील युवकावर शहर पोलीस ठाण्यात गुन्हा दाखल करण्यात आला आहे. मानस भास्कर देसाई (रा, कराड) असे गुन्हा दाखल झालेल्या युवकाचे नाव आहे.
पोलिसांनी दिलेल्या माहितीनुसार,
या युवतीची कराड शहरातील मानस देसाई या युवकाशी इंस्टाग्रामवर ओळख झाली. फेब्रुवारी २०२२ पासून मानस देसाई हा संबंधित युवतीला भेटत होता. त्याने तिला विवाह करणार असल्याचे अमिष दाखवले होते त्याने संबंधित युवतीला वेळोवेळी कराडात बोलावून ठिकठिकाणी तिच्यावर अत्याचार केला. या कालावधीत युवतीने त्याच्याकडे लग्नाबाबत विचारणा केली असता त्याने उडवाउडवीची उत्तरे दिली, नंतर मानस देसाई याने तिला शिवीगाळ दमदाटी करीत ठार मारण्याची धमकी दिली पीडित युवतीने याबाबतची फिर्याद कराड शहर पोलीस ठाण्यात दिली आहे.
No comments:
Post a Comment