सातारा लोकसभा मतदारसंघात सरासरी 63 टक्के मतदान ; जिल्ह्यात तुतारी वाजणार की कमळ फुलणार ? जोरदार चर्चा ;

वेध माझा ऑनलाइन।

सातारा लोकसभा मतदारसंघात आज एकूण  63.7 % टक्के इतके मतदान झाले असल्याची माहिती समोर आली आहे... त्यामुळे आता जिल्ह्यात तुतारी वाजणार की कमळ फुलणार ?याकडे जिल्ह्याचे लक्ष लागून राहिले आहे

दरम्यान जिल्ह्यातील पाटण तालुक्यात 56.50 तसेच सातारा 62.77कराड उत्तर  65.33 कराड दक्षिण 65.68 वाई 60.78

आणि कोरेगाव तालुक्यात 67.51टक्के इतके मतदान झाल्याची माहिती मिळाली आहे

गेले महिनाभर संपूर्ण जिल्ह्यात या लोकसभा निवडणुकीचे वातावरण तापत चालले होते कोणाला तिकीट मिळणार ?कोण जिंकणार?मतदार संघ कोणत्या पक्षाला मिळणार? याबाबत तर्क लावले जात होते अखेर शरद पवारांचे निकटवर्तीय कोरेगावचे माजी आमदार शशिकांत शिंदे हे तुतारी घेऊन तर उदयनराजे कमळ चिन्हावर उभे राहिले त्यानंतर प्रचाराचा धुरळा प्रचंड प्रमाणात उडाला या निवडणुकीबाबत अनेक पैजा लागल्या पंतप्रधान मोदींची सभा या निवडणुकीच्या चर्चेचा प्लस पॉईंट ठरला त्यानंतर शरद पवार यांच्या देखील सभा झाल्या दोन्ही नेत्यांनी आपापल्या उमेदवारांना लोकांसमोर आणून मते मागितली दरम्यान शशिकांत शिंदे यांच्यावरील मुंबईतील तथाकथीत मुतारी घोटाळा दरम्यानच्या चर्चेने चांगलाच रंगला  इतर अनेक उमेदवार देखील या रिंगणात आले दरम्यान खऱ्या अर्थाने आज शिंदे - विरुद्ध राजे यांच्यात थेट लढत झाली त्यात 63 टक्के मतदान झाल्याची माहिती मिळाली त्यामुळे आता साताऱ्यात तुतारी वाजणार की कमळ फुलणार याचीच चर्चा सध्या जोरदार सुरू झाली आहे

Breaking...