हौसाई विद्यालयात आकाश कंदील निर्मितीची कार्यशाळा सम्पन्न ;

वेध माझा ऑनलाइन।

हौसाई विद्यालय येथे आकाश कंदील निर्मिती कार्यशाळेचे नुकतेच आयोजन करण्यात आले होते. शिवम प्रतिष्ठान चे सुहास प्रभावळे यांच्या मार्गदर्शनाखाली विद्यालयातील १२५ विद्यार्थ्यांना आकाश कंदील स्वतः कसे तयार करावेत याचे प्रशिक्षण देण्यात आले विद्यालयाचे मुख्याध्यापक सुरेश वेदपाठक यांचे हस्ते या कार्यशाळेचे उद्घाटन करण्यात आले. 

यावेळी बोलताना प्रभावळे म्हणाले कोणतीही कला मानवाच्या अंगी असणे अत्यंत गरजेचे आहे. कारण कला माणसाला सातत्याने आनंदी, कार्यमग्न, उत्साही ठेवण्याचा प्रयत्न करत असते. 

कलेच्या माध्यमातून माणूस विकसित होत जातो व त्याचे परिणाम सुरू त्याचे व्यक्तिमत्व विकसित होत जाते. 

आज संपूर्ण जगभर प्रदूषणाचा फार मोठा प्रश्न आहे त्यातच जर आपण पर्यावरण पूरक आकाश कंदीलाची निर्मिती केली तर प्रदूषणमुक्त दिवाळीसाठी आपला हातभार लागेल. 

यावेळी कल्याण कुलकर्णी, वीरभद्र खुरपे, बालाजी मुंडे, पद्मावती पाटील, अंजली जानुगडे, धनाजी पाटील, प्रियांका बनसोडे, किरण कुंभार, विकास शिंगाडे इत्यादी कर्मचारी व सर्व विद्यार्थी उपस्थित होते. कार्यक्रमाचे आभार कलाशिक्षक ऋषिकेश पोटे यांनी मानले.