संसद भवनातील शिवसेनेच्या कार्यालयातील उद्धव ठाकरे आणि आदित्य ठाकरे यांचे फोटो हटवले ;

वेध माझा ऑनलाईन - निवडणूक आयोगानं धनुष्यणबाण  चिन्ह आणि शिवसेना हे नाव शिंदे गटाला दिल्यानंतर शिंदे गटात उत्साहाचं वातावरण आहे. तर दुसरीकडे ठाकरे गटाच्या अडचणी मात्र आणखी वाढल्याचं पहायला मिळतय. धनुष्यबाण चिन्ह आणि शिवसेना हे नाव मिळाल्यानंतर आता शिंदे गटाकडून संसद भवनातील शिवसेनेच्या कार्यालयातील उद्धव ठाकरे आणि आदित्य ठाकरे याचे फोटो देखील हटविण्यात आले आहेत. 

संसद भवनातील तिसऱ्या मजल्यावर शिवसेनेचं हे कार्यालय आहे. शिंदे गटाने आणखी एक मोठा धक्का ठाकरे गटाला दिला आहे. निवडणूक आयोगाकडून धनुष्यबाण चिन्ह आणि शिवसेना नाव मिळताच शिंदे गटाकडून संसद भवनात असलेल्या शिवसेनेच्या कार्यालयातील उद्धव ठाकरे आणि आदित्य ठाकरे यांचे फोटो हटवण्यात आले आहेत. आता तिथे फक्त शिवसेनाप्रमुख बाळासाहेब ठाकरे, आनंद दिघे आणि मुख्यमंत्री एकनाथ शिंदे यांचे फोटो ठेवण्यात आले आहेत. मात्र अद्याप यावर ठाकरे गटाच्या नेत्यांकडून कोणतीही प्रतिक्रिया आलेली नाहीये.