Tuesday, August 4, 2026

सुनेत्रा पवार यांच्याबद्दल बोलताना पातळी सोडून बोलणे योग्य नाही. इंदिराजींप्रमाणे सुनेत्रा पवार कृतीतून उत्तर देतील, ; पृथ्वीराज चव्हाण यांची प्रतिक्रिया -

वेध माझा ऑनलाईन।एखादी महिला राजकारणात सक्रिय काम करत असेल तर तिला प्रोत्साहन दिले पाहिजे. काँग्रेसने नेहमीच राजकारणाची पातळी सांभाळली आहे. सुनेत्रा पवार या सक्रिय राजकारणात असून एका घटनात्मक पदाची जबाबदारी सांभाळत आहेत. त्यांच्याबद्दल बोलताना पातळी सोडून बोलणे योग्य नाही. इंदिराजींप्रमाणे सुनेत्रा पवार कृतीतून उत्तर देतील, अशी प्रतिक्रिया कॉंग्रेसचे ज्येष्ठ नेते पृथ्वीराज चव्हाण यांनी दिली आहे.

उपमुख्यमंत्री सुनेत्रा पवार यांच्याबद्दल महाराष्ट्र प्रदेश काँग्रेसच्या सोशल मीडिया हँडलवरील 'गुंगी गुडिया' पोस्टवरून राजकीय वातावरण तापले. बारामतीमध्ये राष्ट्रवादीच्या कार्यकर्त्यांनी माजी मुख्यमंत्री पृथ्वीराज चव्हाण यांच्या पोस्टरला 'जोडे मारो' आंदोलन केले. त्यानंतर पृथ्वीराज चव्हाण यांनी सोशल मीडियाच्या माध्यमातून प्रतिक्रिया दिली आहे

पंतप्रधान नरेंद्र मोदी गेल्या बारा वर्षात पत्रकारांना कधीही सामोरे गेलेले नाहीत. ‘५० करोड की गर्लफ्रेंड, काँग्रेस की विधवा' किंवा गुजरातच्या महिलांच्याबद्दलची त्यांची वक्तव्ये जगजाहीर आहेत. पण, काँग्रेसची वेगळी परंपरा आहे. काँग्रेसने राजकारणाची पातळी सोडलेली नाही. राम मनोहर लोहियांनी इंदिराजींबद्दल जो शब्द प्रयोग केला होता. त्याला इंदिराजींनी कृतीतून उत्तर दिले होते. सुनेत्रा पवार या देखील सक्रिय राजकारणात कार्यरत असून एका घटनात्मक पदाची जबाबदारी सांभाळत आहेत. त्यांच्याबद्दल पातळी सोडून बोलणे योग्य नाही. त्या देखील कृतीने उत्तर देतील, अशी अपेक्षा पृथ्वीराज चव्हाण यांनी व्यक्त केली आहे.
बीडमधील कायदा, सुव्यवस्थेच्या अनुषंगाने विचारण्यात आलेल्या प्रश्नाला काहीही उत्तर न देता पालकमंत्री सुनेत्रा पवार यांनी पत्रकार परिषद गुंडाळली‌. त्या संदर्भात काँग्रेसच्या सोशल मीडियावर पोस्ट करत 'गुंगी गुडिया' अशी टिप्पणी करण्यात आली होती. 

दरम्यान, सुनेत्रा पवारांशी संबंधित पोस्टशी माझा कोणताही संबंध नसताना माझ्या विरोधात आरोप आणि आंदोलन करण्यात येत आहे. कोणावरही आरोप करण्यापूर्वी कार्यकर्त्यांनी वस्तुस्थितीची संपूर्ण माहिती घेणे आवश्यक आहे, अशा शब्दांत पृथ्वीराज चव्हाण यांनी राष्ट्रवादी काँग्रेसच्या कार्यकर्त्यांना सल्ला दिला आहे.

काँग्रेसने उपमुख्यमंत्री सुनेत्रा पवार यांचा उल्लेख गुंगी गुडीया असा केला ; हर्षवर्धन सपकाळ यांनी या विधानाचे केले समर्थन - राज्यातले राजकारण तापले ; हर्षवर्धन सपकाळ यांच्या राजीनाम्याची मागणी -

वेध माझा ऑनलाइन / गुंगी गुडिया प्रकरणावरून राष्ट्रवादीचे नेते संजय काकडे यांनी राहुल गांधींकडे हर्षवर्धन सपकाळ यांच्या राजीनाम्याची मागणी केली आहे. काँग्रेसने उपमुख्यमंत्री सुनेत्रा पवार यांचा उल्लेख गुंगी गुडिया असा केला आहे. यावरून राज्याचे राजकारण तापले असून राष्ट्रवादीसह भाजप आणि शिवसेनेच्या नेत्यांकडून सडकून टीका केली जात आहे. तर दुसरीकडे काँग्रेसचे प्रदेशाध्यक्ष हर्षवर्धन सपकाळ यांनी काँग्रेसच्या ट्विटर हँडलवरून करण्यात आलेल्या विधानाचे समर्थन केले आहे. यावरून आता राष्ट्रवादीचे नेते संजय काकडे यांनी राहुल गांधींकडे हर्षवर्धन सपकाळ यांच्या राजीनाम्याची मागणी केली आहे. 

राष्ट्रवादीचे नेते संजय काकडे यांनी म्हटले की, ‘इतक्या घाण वृत्तीची काँग्रेस आहे, त्यांनी त्यांची जात दाखवून दिली. महाराष्ट्राची जनता त्यांना धडा शिकवेल. आम्ही त्यांना काही बोललो तर चालेल का? त्यांनी माफी मागितली नाही तर आम्ही त्यांना महाराष्ट्रात फिरु देणार नाही. तुम्हाला आया बहिणी आहेत की नाही. माझी राहुल गांधींना विनंती आहे की त्यांनी या अध्यक्षांना काढूण टाकले पाहिजे. काँग्रेसवाल्यांना लाज राहिली नाही.’

.

पद्मश्री डॉ. डी. वाय. पाटील यांचे निधन ही महाराष्ट्रासाठी मोठी हानी ; माजी मुख्यमंत्री पृथ्वीराज चव्हाण ;

वेध माझा ऑनलाइन।
"पद्मश्री डॉ. डी. वाय. पाटील (दादा) यांचे निधन ही महाराष्ट्रासाठी मोठी हानी आहे. शिक्षण, समाजकारण आणि सार्वजनिक जीवनात त्यांनी केलेले योगदान कायम स्मरणात राहील. लाखो विद्यार्थ्यांच्या आयुष्याला दिशा देणारे ते खऱ्या अर्थाने शिक्षणमहर्षी होते. त्यांच्याशी आमच्या कुटुंबाचे अनेक दशकांचे जिव्हाळ्याचे संबंध होते. त्यांच्या निधनाने वैयक्तिकरीत्याही मोठी पोकळी निर्माण झाली आहे. सतेज पाटील, संजय पाटील तसेच संपूर्ण पाटील कुटुंबीयांच्या दुःखात मी सहभागी असून, दिवंगत आत्म्यास भावपूर्ण श्रद्धांजली अर्पण करतो."अशा शब्दात माजी मुख्यमंत्री पृथ्वीराज चव्हाण यांनी त्यांना श्रद्धांजली वाहिली आहे


काँग्रेस इतिहास विसरली काय? गुंगी गुडियाचे पडसाद? सत्ताधाऱ्यांकडून जोरदार हल्लाबोल काँग्रेसने सुनेत्रा पवारांना 'गुंगी गुडिया' संबोधल्याने महाराष्ट्राच्या राजकारणात खळबळ ;

वेध माझा ऑनलाइन।
राज्याच्या उपमुख्यमंत्री सुनेत्रा पवार यांना काँग्रेसने गुंगी गुडिया म्हणून हिणवलं आहे. सोशल मीडियावर एक व्हिडिओ पोस्ट करत काँग्रेसने सुनेत्रा पवार यांना डिवचलं आहे. सुनेत्रा पवार अजून किती दिवस गुंगी गुडिया बनून राहतील, असा खोचक सवाल काँग्रसने केला आहे. काँग्रेसच्या या विधानाचे राज्यभर पडसाद उमटत आहेत. काँग्रेसच्या या विधानाचा सत्ताधाऱ्यांनी खरपूस समाचार घेतला आहे. हा समाचार घेतानाच काँग्रेसला जुन्या इतिहासाचीही आठवण करून दिली आहे. त्यामुळे काँग्रेसची चांगलीच कोंडी झाली आहे.

शिंदे गटाचे नेते दीपक केसरकर यांनी काँग्रेसवर जोरदार हल्ला चढवला आहे. काँग्रेस आपला इतिहास विसरली का? असा प्रश्न आहे. इंदिरा गांधी पंतप्रधान झाल्यावर त्यांना देखील गुंगी गुडिया बोलले जात होतं. गुंगी गुडिया बोलणं हा महिला नेतृत्वाचा अपमान आहे, असं दीपक केसरकर यांनी म्हटलं.

Monday, August 3, 2026

...तर कराड नगरपरिषदेवर कारवाई व्हावी म्हणून प्रयत्न करणार ; न्यायालयात जाणार ; उर्दू शाळा व संविधान भवन प्रकरणी अकिल आंबेकरी आक्रमक ; आनंदराव लादे आंदोलन करणार ;

वेध माझा ऑनलाईन।
बाराडबरे परिसरात असलेल्या कचरा डेपोला आग लागल्यानंतर येथील रहिवाशांचे जगणे मुश्किल होते. अशा कचरा डोपोनजिक नगरपालिकेने उर्दु शाळा बांधण्याचा घाट घातला आहे. विद्यार्थांच्या आरोग्याचा विचार करून योग्य जागेत शाळा बांधावी. तसेच संविधानभवनच्या ईमारतीचे कामही चुकीच्या पद्धतीने चालले आहे. या विरोधात स्वतंत्र्यदिनी कराड नगरपालिकेसमोर आंदोलन करण्याचा ईशारा भिमशक्ती सामाजीक संघटनेचे जिल्हाअध्यक्ष आंनंदराव लादे यांनी दिला आहे.
तर यावेळी अकिल आंबेकरी यांनी नकाशा प्रमाणे हे काम होत नाहीये त्यामुळे कोणाच्या हट्टासाठी असे चुकीचे काम होणार असेल तर कराड नगरपरिषदेवर कायदेशीर कारवाई व्हावी म्हणून प्रयत्न करणार, न्यायालयातही जाणार असल्याचे सांगितले

पालिकेच्या वतीने चुकिच्या पद्धतीने सुरू असलेल्या उर्दुशाळा व संविधानभवनच्या कामाची माहिती देण्यासाठी शासकीय विश्रामगृह येथे पत्रकार परिषदेचे आयोजन करण्यात आले होते. यावेळी, आनंदराव लादे, आकिल आंबेकरी, रविंद्र बेंद्रे, आसिफ मुलाणी, अमजद आंबेकरी, प्रा.श्रीरंग पाटील व नागरीक उपस्थित होते.

आनंदराव लादे व अकील आंबेकरी यावेळी पुढे म्हणाले... 
बाराडबरे परिसरात पालिकेचा कचरा डेपो, सांडपाणी निस्सारण प्रकल्प व जैववैद्यकीय कचरा निमृलन प्रकल्प आहे. ये कचरा डेपोला वारंवार आग लागण्याची घटना घडत असल्याने येथील रहिवाशांना त्याचा प्रचंड त्रास सहन करावा लागत आहे. तर अन्य दोन प्रकल्पामुळेही परिसरात दुर्गंधी पसरत असते. याबाबत येथील रहिवाशांकडून पालिकेकडे वारंवार तक्रारीही करण्यात आल्या आहेत.
असे असताना येथील कचरा डेपो नजीकच पालिकेकडून उर्दु शाळा बांधण्याचा घाट घातला आहे. त्यामुळे भविष्यात विद्यार्थांच्या आरोग्यचा गंभिर प्रश्न निर्माण होण्याचा धोका आहे. त्यामुळे पालिकेने अन्य ठिकाणी योग्य जागेत उर्दु शाळा बांधावी अशी मागणी करण्यात आली आहे. वास्तवीक शाळा ईमारत बांधण्यासाठी उच्च न्यायालयाचे काही नियम आहेत मात्र हि शाळा बांधताना पालिकेने उच्च न्यायालयाचे सर्व निर्देश पायदळी तुडवले असल्याचे लादे म्हणाले.
 कराडला सहा गुंठे जागेत संविधन भवन बांधण्यासाठी सुमारे 67 लाख रूपयांचा निधी मंजुर करण्यात आला आहे. कचरा डेपो नजीक असलेला पालिकेचा कोंडवाडा पाडून व येथील 40 फुट रूंदिच्या रस्त्यात 20 फूट अतिक्रमण करून बांधकाम सुरू करण्यात आले आहे.

डिपीनुसार मंजूरी असलेल्या रस्त्यात पालिका अतिक्रमण करून हा रस्ता कचरा डेपोतून वळवण्याचा घाट घालत आहे. अध्याप मंजूरीची प्रक्रिया पुर्ण झालेली नसतानाही चुकीच्या पद्धतीने पालिकेने काम सूरू केले आहे. याविरोधात जिल्हाअधिकारी कार्यालयाकडे रितसर तक्रार करण्यात आली आहे. तरीही पालिकेचे काम सुरूच असल्याने स्वातंत्र्यदिनी पालिकेसमोर आंदोलन करण्याचा ईशारा आनंदराव लादे यांनी दिला आहे.

कराडमध्ये झाडतोडीचे लाकूड विक्रीचा आरोप; ‘हिशोब’ कुठे? तोडलेली झाडे खासगी शेडमध्ये साठवून ८ ते ९ हजारांना विकल्याचा भाजपच्या नगरसेवकांचा दावा; चौकशीची मागणी

वेध माझा ऑनलाइन : 
कराड शहरातील विविध पेठांमध्ये तोडण्यात आलेल्या झाडांच्या लाकडाच्या व्यवहारावरून आता गंभीर प्रश्न उपस्थित झाले आहेत. तोडण्यात आलेली झाडे खासगी शेडमध्ये साठवून त्यांची तब्बल आठ ते नऊ हजार रुपयांना विक्री केली जात असल्याचा आरोप भाजप नगरसेवक गणेश पवार यांनी केला आहे. या प्रकाराची माहिती मिळाल्यानंतर संबंधित ठेकेदाराशी संपर्क साधला असता, त्याच्याकडून उडवाउडवीची उत्तरे मिळाल्याचा आरोपही त्यांनी केला.

तोडलेल्या झाडांचे लाकूड नेमके कुठे नेण्यात आले? त्याचा पंचनामा झाला का? लाकडाची विक्री झाली असेल तर त्यातून मिळालेला पैसा पालिकेच्या तिजोरीत जमा झाला का? असे अनेक सवाल आता उपस्थित होत आहेत.

या पार्श्वभूमीवर नगरसेवक गणेश पवार, अजय पावसकर, आशुतोष डुबल आणि सुमित जाधव यांनी कराडच्या वैकुंठधाम परिसरासमोरील पार्किंगच्या मोकळ्या जागेची पाहणी केली. या ठिकाणी शहरातील विविध भागांतून तोडण्यात आलेली झाडे साठवून ठेवण्यात आल्याचे आपण पाहिल्याचा दावा नगरसेवकांनी केला.

पालिकेच्या हद्दीतून तोडण्यात आलेल्या झाडांच्या लाकडाचा व्यवहार पारदर्शकपणे झाला आहे का? याची चौकशी होणे गरजेचे असल्याचे नगरसेवकांनी म्हटले आहे. झाडतोडीपासून लाकूड साठवणूक आणि त्यानंतरच्या कथित विक्रीपर्यंत संपूर्ण प्रक्रियेची चौकशी करून संबंधितांची जबाबदारी निश्चित करावी, अशी मागणी त्यांनी केली.

यासंदर्भात नगरसेवकांनी कराड पालिकेच्या मुख्याधिकाऱ्यांना निवेदन देत तोडण्यात आलेल्या झाडांची संख्या, त्यांचा पंचनामा, लाकडाचे प्रमाण, साठवणूक कुठे करण्यात आली, तसेच त्याची विक्री झाली असल्यास त्याचा हिशोब आणि मिळालेली रक्कम याबाबतची संपूर्ण माहिती जाहीर करण्याची मागणी केली आहे.

झाडे पालिकेची की कुणाच्या खिशाची?
शहरातील विकासकामे, रस्ते आणि विविध कारणांसाठी झाडे तोडली जात असतील, तर त्यातून निघणाऱ्या लाकडाची विल्हेवाट लावताना पालिका प्रशासनाने पारदर्शकता ठेवणे अपेक्षित आहे. मात्र, तोडलेल्या झाडांचे लाकूड खासगी ठिकाणी साठवले जात असेल आणि त्याची विक्री होत असेल, तर या व्यवहाराचा अधिकृत हिशोब कुठे आहे? असा थेट सवाल नगरसेवकांनी उपस्थित केला आहे.

या प्रकरणाची केवळ कागदोपत्री चौकशी न करता प्रत्यक्ष पाहणी करून झाडतोडीपासून लाकूड विक्रीपर्यंतच्या संपूर्ण व्यवहाराची तपासणी करावी, दोषी आढळणाऱ्यांवर कठोर कारवाई करावी आणि नागरिकांसमोर वस्तुस्थिती स्पष्ट करावी, अशी भाजप नगरसेवकांनी मागणी केली आहे.

दरम्यान, या आरोपांमुळे कराड शहरातील झाडतोडीच्या प्रक्रियेवर तसेच तोडलेल्या झाडांच्या लाकडाच्या साठवणूक व संभाव्य विक्रीवर प्रश्नचिन्ह निर्माण झाले आहे. नगरसेवकांनी केलेल्या आरोपांची पालिका प्रशासन चौकशी करून सत्य बाहेर काढणार का, की या प्रकरणावर पडदा टाकला जाणार? याकडे आता कराडकरांचे लक्ष लागले आहे.

Saturday, August 1, 2026

कराडात आमदार अतुल भोसलेंच्या कामांना भाजपचे नगरसेवकच ब्रेक लावतायत’; नगराध्यक्ष यादवांचा भाजपवर पलटवार ; कराड पालिकेतील वादाला नवे वळण; ‘आमदारांना हे नगरसेवक चुकीची माहिती देत आहेत ; नगराध्यक्ष यादव यांचा गंभीर आरोप ; कराडचे राजकारण तापणार ;

वेध माझा ऑनलाईन।
कराड नगरपालिकेच्या नुकत्याच झालेल्या वादळी सभेत सत्ताधारी आणि विरोधकांमध्ये झालेल्या आरोप-प्रत्यारोपांना आता नवे वळण मिळाले आहे.सत्ताधारी नगरसेवक आमदार डॉ. अतुल भोसले यांनी आणलेल्या विकासकामांना जाणीवपूर्वक अडथळे निर्माण करत असल्याचा आरोप विरोधी भाजपकडून केला जात असताना, आता नगराध्यक्ष राजेंद्रसिंह यादव यांनी पत्रकार परिषद घेत विरोधकांच्या आरोपांना सडेतोड प्रत्युत्तर दिले आहे. 

यादव म्हणाले... 
भाजप नगरसेवकच आमदारांच्या कामांना विरोध करत आहेत त्यांनी आणलेल्या कामांच्या निविदा थांबवून हेच नगरसेवक त्यांच्या कामाना विरोध करत आहेत आणि आम्ही विरोध करतो असे म्हणत आहेत खरंतर शहराला मदत करणाऱ्या प्रत्येकाचे आम्ही स्वागतच करतो असे सांगत भाजपचे नगरसेवकच आमदारांना चुकीची माहिती देत आहेत,’ असाही थेट आरोप यादव यांनी यावेळी केला आहे.

पालिकेच्या सभेतील गोंधळाबाबत बोलताना यादव म्हणाले, ‘पालिकेला काही परंपरा आहेत. त्या परंपरा मोडण्याचे काम सभेच्या दिवशी भाजप नगरसेवकांनी केले, याचे आम्हाला वाईट वाटते.’ सभागृहाच्या प्रेक्षक गॅलरीत नागरिकांना बसवून सभेच्या वेळी गोंधळ निर्माण करण्याचा प्रयत्न होणार असल्याची शक्यता आधीच लक्षात आल्याने गॅलरीत नागरिकांना प्रवेश देण्यात आला नाही, असे स्पष्टीकरणही त्यांनी दिले.

‘आमदारांच्या कामांना विरोध करतो, हा गैरसमज पसरवला जातोय’
आमदार डॉ. अतुल भोसले यांच्या माध्यमातून आणलेल्या विकासकामांना पालिका मंजुरी देत नाही, असा आरोप चुकीचा असल्याचे सांगत यादव यांनी विरोधकांवर निशाणा साधला. ‘आमदारांच्या कामांना करण्याची आमची मानसिकता नाही, हा पूर्णपणे खोटा आणि गैरसमज पसरवणारा प्रकार आहे. तसे असते तर विरोधकांनी सांगितलेली कामे आम्ही सभेच्या विषयपत्रिकेत समाविष्ट करून घेतली असती का?’ असा सवाल त्यांनी उपस्थित केला.
याचवेळी भाजपचे नगरसेवक आमदार अतुल भोसले यांना पालिकेच्या कामकाजाबाबत चुकीची माहिती देत असल्याचा गंभीर आरोपही यादव यांनी केला.

घनकचरा प्रकल्पावरूनही पलटवार
घनकचरा प्रक्रिया प्रकल्पाबाबत विरोधकांकडून शहरात चुकीची माहिती पसरवली जात असल्याचा आरोप यादव यांनी केला. हा प्रकल्प तत्कालीन प्रशासनाच्या काळातील असल्याने त्याचा आजच्या परिस्थितीशी संबंध जोडणे चुकीचे असल्याचे ते म्हणाले. या विषयावरून विरोधकांकडून केविलवाणा प्रयत्न सुरू असल्याची टीकाही त्यांनी केली.

‘नेकलेस रोडची संपूर्ण माहिती द्या, 
नेकलेस रोड प्रकल्पावरूनही नगराध्यक्ष यादव यांनी आपली भूमिका स्पष्ट केली. ‘स्टेडियम उभारणीसाठी संबंधित खात्याकडून जसे प्रेझेन्टेशन देण्यात आले, तसेच प्रेझेन्टेशन आम्हालाही दिले पाहिजे. मात्र तसे होताना दिसत नाही,’ असे ते म्हणाले.
‘यशवंतराव चव्हाण यांच्या समाधीलगत हा प्रकल्प होणार आहे. मात्र या प्रकल्पाची संपूर्ण माहितीच आम्हाला नाही. मग आम्ही मंजुरी कशासाठी द्यायची?’ असा सवाल त्यांनी केला.
यशवंतराव चव्हाण हे कराडची अस्मिता असल्याचे सांगत यादव म्हणाले, ‘समाधीस्थळालगत होणाऱ्या प्रकल्पाची संपूर्ण माहिती पालिकेला होणे गरजेचे आहे. भविष्यात या ठिकाणच्या अस्मितेला गालबोट लागेल, असे कोणतेही कृत्य होता कामा नये. अन्यथा भविष्यातील पिढी आपल्याला माफ करणार नाही.’


‘ त्यावेळी खंदारे यांच्या गाडीत बसून कोण फिरत होते?’;
सुरेश पाटील यांच्या वक्तव्याने पत्रकार परिषदेत हास्यकल्लोळ...

घनकचरा प्रकल्पाच्या ठिकाणी बाग झाल्याचे दाखवून प्रत्यक्षात काम न करताही बिले काढल्याचा आरोप भाजप नगरसेवकांकडून करण्यात आला होता. या आरोपावर सामाजिक कार्यकर्ते सुरेश नाना पाटील यांनी विरोधकांवर पलटवार केला.
‘तत्कालीन मुख्याधिकारी शंकर खंदारे यांच्या काळात हे प्रकरण घडल्याचे सांगितले जात आहे. त्यावेळी खंदारे यांच्या गाडीतून कोण फिरत होते? तेव्हा हा आरोप का केला नाही? आता तेच लोक याबाबत आरोप करत आहेत, हे हास्यास्पद आहे,’ असे पाटील म्हणाले.

यावर पत्रकारांनी, 
‘त्यावेळी आरोग्य विभागा संबंधित कोण नगरसेवक खंदारे यांच्या गाडीतून फिरत होते, त्यांचे नाव सांगा,’ असा थेट सवाल केला.
त्यावर पाटील यांनी, ‘नाव कशाला घ्यायला पाहिजे? सगळ्यांना माहिती आहे कोण होते ते,’ असे उत्तर दिले. 
त्यांच्या या उत्तरानंतर त्याठिकाणी पत्रकारांसाहित सगळेच हसायला लागले

दरम्यान पत्रकार परिषदेत झालेल्या या आरोप-प्रत्यारोपांमुळे कराड पालिकेतील सत्ताधारी आणि विरोधक भाजप नगरसेवकांमधील संघर्ष आणखी तीव्र झाल्याचे चित्र निर्माण झाले आहे.