मलकापुरात आणखी एकास झाली लागण ; तालुक्यातील बधितांची संख्या झाली 12 ; जिल्ह्यातील संख्या 22

कऱ्हाड : कऱ्हाड तालुक्यातील कोरोना बाधीतांची संख्या वाढतच चालली आहे. गुरुवारी दिवसभरात आगाशिवनगर येथील दोघांना तर वनवासमाची येथील एक महिलेला कोरोनाची बाधा झाल्याचा अहवाल आरोग्य विभागाकडुन आला होता. त्यानंतर संबंधितांच्या संपर्कातील मलकापुरमधील आणखी एकाला लागण झाल्याची माहिती आज (शुक्रवार) समोर आली आहे. त्यामुळे कऱ्हाड तालुक्यातील बाधीतांची संख्या 12 वर पोचली आहे. यामुळे सातारा जिल्ह्यातील काेराेना बाधितांची संख्या 22 इतकी झाली आहे.