कृष्णा हॉस्पिटलसह ,डॉ.अतुल भोसले, डॉ.सुरेश भोसले यांची बदनामी करणाऱ्या प्रवृत्ती विरोधात कराड पोलीसात गुन्हा दाखल.

कराड - सातारा जिल्ह्यात कोरोनाच्या वाढत्या प्रभावाला रोखण्यासाठी अहोरात्र प्रयत्न करणारे येथील कृष्णा हॉस्पिटल, डॉ. सुरेश भोसले डॉ. अतुल भोसले यांची सोशल मिडीयातून बदनामी करण्यात आली आहे, तसेच कोरोना संदर्भातदेखील सोशल मिडीयातून अफवा पसरऊन उगीचच भीतीचे वातावरण निर्माण करण्याचा प्रयत्न देखील सोशल मीडियाच्या माध्यमातून केला आहे असे कृत्य करणाऱ्या प्रवृत्तींविरोधात कराड शहर पोलिसांत गुन्हा दाखल करण्यात आला आहे.

व्हाट्सअप संदेश पाठवुन हॉस्पीटलची तसेच अतुल भोसले, सुरेश भोसले यांची जाणीवपुर्वक बदनामी केली आहे. पोलिसात दिलेल्या तक्रारीसोबत आक्षेपार्ह मेसेजचा स्क्रीनशॉट जोडला आहे. सदरचा संदेश दिनांक 23/04/2020 रोजी दुपारी 2.39 वाजता मा. अतुलबाबा यांचे मोबाईलवर आलेला असुन तो त्यांनी पाहिलेला आहे.आज केवळ कराड तालुक्यातच नव्हे संपुर्ण सातारा जिल्हयात सर्वोकृष्ट आरोग्य सेवा देण्यात कृष्णा हॉस्पीटल अग्रेसर आहे. कोरोना विरुध्दच्या लढाईत आज
कृष्णा हॉस्पीटल महत्वपुर्ण भूमिका बजावत आहे. कृष्णा हॉस्पीटलचे अनेक कर्मचारी जीवाची बाजी लावून या संकटाचा सामना करत आहेत.

अंशावेळी या हॉस्पीटलवर आणि या हॉस्पीटलचे मार्गदर्शक डॉ. सुरेश भोसले (बाबा), डॉ.अतुल भोसले (बाबा) यांच्यावर सोशल मिडीयातुन जाणीवपुर्वक गंभीर स्वरुपाची चिखलफेक केली जात आहे. तसेच कोरोना प्रसाराच्या अनुषंगाने आक्षेपार्ह आणि तथ्यहीन विधाने या मर्सेजमधुन करण्यात आली आहेत. ज्यामुळे सर्वसामान्य नागरीकांमध्ये नाहक भिती परसण्याची शक्यता आहे. तरी, कोरोनाच्या अनुषंगाने सोशल मिडीयातुन
अशाप्रकारच्या अफवा पसरविणा-या या संबधित बलराज पाटील नावे इसमावर आणि ज्या सोशल मिडीया ग्रुपवरुन हे मेसेज व्हायरल केले जात आहेत. त्या ग्रुप अॅडमिनवर नाहक गंभीर स्वरूपाच्या बदनामीच्या भा.द.वि.सं कलम 399,500 नुसार, अफवा पसरविण्यासाठी 505(2) अन्वये, व्हॉटसअपच्या माध्यमातुन अफवा परसविण्यासाठी भा.द.वि. 505 अन्वये, चुकीची अफवा पसरविण्सासाठी राष्ट्रीय आपत्ती व्यवस्थापन कायदा 2005 अंतर्गत कलम 52 आणि भिती निर्माण होईल अशी अफवा पसरविल्याबद्दल कलम 54 अंतर्गत संबधीत व्यक्तींचे विरुध्द तक्रार कराड शहर पोलीस स्टेशनमध्ये दाखल करण्यात आली आहे.