अजिंक्य गोवेकर
कराड
मुख्यमंत्री सहायत्ता निधीसाठी येथील श्री शिवाजी शिक्षण संस्थेच्यावतीने पाच लक्ष रुपयांचा धनादेश पालकमंत्री ना.बाळासाहेब पाटील यांच्याकडे नुकताच सुपूर्द करण्यात आला.
जगभर थैमान घातलेल्या कोरोना विषाणूची व्याप्ती देशात तसेच महाराष्ट्रात वाढू लागली आहे. यापार्श्वभूमीवर कोरोना विषाणूचा फैलाव रोखण्यासाठी शासनाने लॉकडाऊन जाहीर केला आहे. यामुळे अनेक उद्योग, व्यवसाय ठप्प आहेत. राज्याची आर्थिक घडी कोलमडली आहे. कोरोनाचा मुकाबला करण्यासाठी अनेक सामाजिक संस्था तसेच वैयक्तिक पातळीवर मुख्यमंत्री सहायता निधीसाठी मदत केली जात आहे. या पार्श्वभूमीवर महाराष्ट्र राज्याचे सहकार व पणन मंत्री तथा सातारा जिल्ह्याचे पालकमंत्री मा.नामदार बाळासाहेब पाटील यांच्या आवाहनास प्रतिसाद देत श्री शिवाजी शिक्षण संस्था ट्रस्ट कराड यांनी सामाजिक बांधिलकी जपत मुख्यमंत्री सहायत्ता निधीसाठी ५ लाख रुपयाचा धनादेश पालकमंत्री नामदार बाळासाहेब पाटील यांच्याकडे सुपुर्द केला.
याप्रसंगी श्री शिवाजी शिक्षण संस्थेचे अध्यक्ष जयंत पाटील(काका), खजिनदार संजय बदीयानी, संचालक मानसिंगराव पाटील, संचालक राजेंद्र माने व इतर मान्यवर उपस्थित होते.
No comments:
Post a Comment