मोठी बातमी! शिवसेना ठाकरे गट, भाजप युती होणार? मुंबईत घडामोडींना वेग,

.

वेध माझा ऑनलाइन।

महापालिका निवडणुकांचे निकाल लागले आहेत. राज्यात भाजप सर्वात मोठा पक्ष ठरला आहे. तर शिवसेना शिंदे गटाला देखील राज्यात चांगलं यश मिळालं आहे. मात्र शिवसेना ठाकरे गटाला मुंबई आणि इतर एक दोन महापालिका वगळता इतर ठिकाणी अपेक्षित कामगिरी करता आली नाही. दरम्यान आता राजकीय वर्तुळातून मोठी बातमी समोर येत आहे, ती म्हणजे महापालिका निवडणूक निकालानंतर महापौरपदासाठी आरक्षण सोडत देखील जाहीर झाली आहे, आरक्षण सोडत जाहीर होताच आता सर्वच पक्षांकडून महापालिकांमध्ये आपल्या पक्षाचा महापौर कसा बसवला जाईल यांच्या हालचाली सुरू झाल्या आहेत. संख्याबळाचे आकडे जुळवले जात आहेत.  राज्यात काही अशा महापालिका आहेत, जिथे सर्व विरोधक एकत्र येऊन भाजपला सत्तेपासून दूर ठेवण्याचं नियोजन सुरू आहे. मात्र आता राजकारणात आणखी एक नवा प्रयोग पहायला मिळण्याची शक्यता आहे.  ती म्हणजे भाजप आणि शिवसेना ठाकरे गट यांची युती होऊ शकते.

चंद्रपूरमध्ये काँग्रेस बहुमताच्या जवळ आहे, मात्र तरी देखील काँग्रेस सत्तेपासून दूर राहू शकतं अशी स्थिती निर्माण झाली आहे. कारण आता चंद्रपूर महापालिकेत काँग्रेसविरोधात शिवसेना ठाकरे गट, वंचित बहुजन आघाडी, दोन अपक्ष नगरसेवक आणि भाजप यांची युती होण्याची शक्यता आहे. चंद्रपूर महापालिकेत बहुतासाठी 34 जागांचा आकडा पाहिजे. भाजपचे या महापालिकेत 24 नगरसेवक आहेत, तर शिवसेना ठाकरे गटाचे 6, वंचित बहुजन आघाडीचे दोन आणि अपक्ष दोन असे  10 नगरसेवक होतात.   24 आणि 10 मिळून 34 चा बहुमताचा आकडा गाठला जात असल्यानं चंद्रपूर महापालिकेत आता भाजप आणि शिवसेना ठाकरे गटाच्या युतीची शक्यता वर्तवली जात आहे.