अखेर शिक्षकांच्या पगाराचे 61 लाख मंजूर ; गटनेते राजेंद्र यादव,सौरभ पाटील,आणि नगराध्यक्षा सौ रोहिणी शिंदे यांचे मिळाले सहकार्य ; अर्जुन कोळी यांनी दिली माहिती...

वेध माझा ऑनलाइन

कराड

 कराड नगरपरिषद शिक्षण मंडळा कडील शिक्षकांची 10% प्रमाणे 60 लाख 81 ,810 रु. पगाराची रक्कम नगरपरिषद कडे येणे बाकी होती.या संदर्भात महाराष्ट्र राज्य नगरपालिका व महानगर पालिका शिक्षक संघाचे अध्यक्ष अर्जुन कोळी यांनी थकीत रक्कम न मिळाल्यास नगरपरिषदे समोर 17 पासून लाक्षणिक उपोषण करण्याचा इशारा दिला होता.या संदर्भात सत्तारूढ गटाचे नेते राजेंद्रसिंह यादव यांनी संघटना पदाधिकारी व मुख्याधिकारी रमाकांत डाखे यांची तातडीने बैठक आयोजित करून थकीत 61 लाख रुपये दोन दिवसात देण्याचे मान्य केले. याकामी नगराध्यक्षा सौ रोहिणी शिंदे लोकशाहीचे गटनेते सौरभ पाटील यांनीही सहकार्य केले अशी माहिती महाराष्ट्र राज्य नगरपालिका व महानगर पालिका शिक्षक संघाचे अध्यक्ष अर्जुन कोळी यांनी स्वतः दिली  

या बाबत नगरसंचालक कार्यालकडून आजच अनुदान प्राप्त झाले असून, सर्व थकीत रक्कम दोन दिवसात अदा करण्यात येणार आहे 

बैठकीस आरोग्य समितीचे सभापती विजय वाटेगावकर, महिला बालकल्याण समितीच्या सभापती स्मिता हुलवान, निशांत ढेकळे, एल. बी.गवळी, अरविंद पाटील, अविनाश भोसले, संग्राम गाढवे, विक्रम सपकाळ, सचिन माने, अरुण महामुनी, धोंडिराम चपडे व नामदेव कुरमुडे उपस्थित होते.