नगरसेवक गुंड्याभाऊ वाटेगावकर यांना टिळक हायस्कुलचा समाजभूषण पुरस्कार जाहीर... अनेक मान्यवरांनी केले अभिनंदन...

अजिंक्य गोवेकर
कराड-
येथील नगरसेवक व नियोजन सभापती विजय वाटेगावकर यांना येथील टिळक हायस्कुलच्या माजी विद्यार्थी संघटनेच्या वतीने दिला जाणारा     समाजभूषण पुरस्कार नुकताच जाहीर झाला आहे. त्याबद्दल त्यांचे सम्पूर्ण शहरासह जिल्ह्यातून कौतुक होत आहे.अनेक मान्यवरांनी त्यांचे अभिनंदन केले आहे....
 शहराच्या स्वच्छतेसह अनेक उपक्रमांमध्ये हिरीरीने सहभाग घेणारे मेहेरबान वाटेगावकर यांनी शहरातून होणाऱ्या प्रत्येक सामाजिक उपक्रमामधून आपला सहभाग नोंदवत आपले समाज्याप्रति असणारे कर्तव्य वेळोवेळी पार पाडण्याचा प्रयत्न केला आहे. नियमित नगरपालिकेत उपस्थित राहून कोणत्याही प्रभागातील लोकांना कधीही,काहीही अडचण आल्यास पुढे होऊन ती सोडवताना त्यांना अनेकांनी पाहिलंय. विशेष म्हणजे शहरातील असणाऱ्या प्रत्येक राजकीय पार्टीमध्ये त्यांना मानाचे स्थान आहे. ते  या राजकीय पार्ट्यांमधील सदस्यामध्ये असे काहीवेळा मिक्स झालेले दिसतात,जणू त्याच पार्टीचे सदस्य वाटू लागतात,असे त्यांचे वैशिष्ठय आहे... अजातशत्रू म्हणून त्यांची शहरात ओळख आहे. टिळक हायस्कुल चे ते माजी विद्यार्थी आहेत.बांधकाम व्यवसायिक म्हणूनदेखील त्यांची ओळख आहे.नियमित नगरपालिकेत येऊन लोकांची कामे करणारे लोकसेवक म्हणून त्यांना ओळखतात. साधे मात्र काम करणारे राजकीय व्यक्तिमत्व अशीही त्यांची ओळख आहे. आपला वाढदिवस नुकताच त्यांनी सामाजिक बांधिलकी समजून मुख्यमंत्री निधी साठी 11000 रुपयांचा पालकमंत्र्यांकडे चेक देत साधेपणाने मात्र सामाजिक उपयोगाचे उपक्रम राबवत साजरा केला होता आणि आपल्या कर्तव्यभावनेचे त्यातून दर्शन दिले होते. येथील पोलीस स्टेशन मध्ये जाऊन त्यांनी कोरोना काळात हॅन्डफ्रि वॉश बेसिन भेट दिले होते. पोलिसांना कोरोनाच्या विळख्यात काम करताना याचा उपयोग झाला. उदात्त हेतूने त्यांनी केलेले हे साहाय्य खरोखरच अनेकांच्या कौतुकाचा त्यावेळी विषय ठरले. गरजूंना शिवभोजनाचे मोफत वाटप करत त्यांनी सर्व जेवणाचे सर्वांचे पैसे स्वतः भरून आपली संवेदनशीलता दाखवली होती . त्यांनी मधल्या लॉक डाऊन काळातदेखील जीवनावश्यक वस्तूंचे समाजातील गोरगरिबांना वाटप केले होते. हे करताना प्रसिद्धीपासून लांब राहून आपले कर्तव्य म्हणून हे आपल्याला केले पाहिजे या भावनेने त्यांनी हे काम केले आहे .लॉक डाऊन सुरू असताना गरिबांच्या भावना ओळखून वाटेगावकर यांनी दिलेल्या या योगदानाचे सर्वत्र कौतुक झाले . त्यांच्या सामाजिक कामांची लिस्ट मोठी आहे.याठिकाणी त्या सगळ्या कामाचा उल्लेख करणे शक्य नसले,तरी, त्यांच्या एकूणच सार्वजनिक जीवनातील कामाची पद्धत, त्या कामाचे शहराच्या लोकांसाठीचे योगदान वाखाणण्यासारखे असून ते कौतुकास्पद व आदर्शवत देखील आहे. आज येथील टिळक हायस्कुल च्या वतीने दिला जाणारा यावर्षीचा सामाजिक पुरस्कार त्यांना जाहीर झाला आहे.शहरातून नगरसेवक वाटेगावकर यांचे अभिनंदन होताना दिसतय...