उदयनराजे भोसले यांच्या कराड दौऱ्याला नागरिकांचा उत्स्फूर्त प्रतिसाद ; शहरात जोरदार स्वागत ;

वेध माझा ऑनलाइन।

सातारा लोकसभा मतदारसंघातील भाजपा, शिवसेना, राष्ट्रवादी काँग्रेससह मित्रपक्षांच्या महायुतीचे उमेदवार खासदार श्रीमंत छत्रपती उदयनराजे भोसले यांच्या कराड येथील प्रचार दौऱ्याला नागरिकांचा उत्स्फूर्त प्रतिसाद लाभला. या प्रचार दौऱ्यात त्यांनी कराड शहरासह विद्यानगर, सैदापूर परिसरातील मान्यवरांशी व नागरिकांशी संवाद साधला. दरम्यान, ३० एप्रिल रोजी कराड येथे होणाऱ्या पंतप्रधान नरेंद्र मोदींच्या सैदापुरातील नियोजित सभास्थळाची पाहणी करण्यात आली. 

दरम्यान आज संध्याकाळी नगरसेवक सुहास जगताप, शिवसेना शहर प्रमुख राजेंद्र माने सामाजिक कार्यकर्ते संदीप पवार शिवप्रतिष्ठानचे सागर आमले यांच्या निवासस्थानी उदयनराजे यांनी भेट दिली त्यावेळी त्यांचे जोरदार स्वागत करण्यात आले

दरम्यान महायुतीचे उमेदवार खासदार उदयनराजे भोसले यांनी प्रचारात आघाडी घेतली असून, त्यांनी कराड तालुक्यातील प्रचारावर विशेष भर दिला आहे. आज कराड येथे आगमन होताच त्यांचे भाजपा कार्यकर्त्यांकडून जोरदार स्वागत करण्यात आले. या प्रचार दौऱ्यात खासदार भोसले यांच्यासमवेत भाजपचे सातारा लोकसभा प्रभारी डॉ. अतुलबाबा भोसले यांनी कराड शहर, विद्यानगर व सैदापुरातील विविध मान्यवरांच्या भेटीगाठी घेतल्या. 

याप्रसंगी भाजपाचे लोकसभा प्रभारी डॉ. अतुलबाबा भोसले, जिल्हाध्यक्ष धैर्यशील कदम, श्रीनिवास जाधव, सुनील काटकर, मोहनराव जाधव, राजेंद्रसिंह यादव, जिल्हा परिषदेचे माजी सदस्य सागर शिवदास, शहराध्यक्ष एकनाथ बागडी, मुकुंद चरेगावकर, सुहास जगताप, उमेश शिंदे, प्रशांत कुलकर्णी, प्रमोद शिंदे, धनाजी जाधव यांच्यासह विविध क्षेत्रातील मान्यवर नागरिक व कार्यकर्ते मोठ्या संख्येने उपस्थित होते.