गणेश नाईक यांचं मतदार यादीत नावच नाही,

वेध माझा ऑनलाइन।

नवी मुंबईमधून एक महत्त्वाची बाब समोर आली आहे, ज्यात आमदार गणेश नाईक यांना स्वतःचे नाव मतदार यादीत नसल्याचा अनुभव आला. नाईक मतदान करण्यासाठी गेले असता, मतदार यादीमध्ये त्यांचे नावच नव्हते. विशेष म्हणजे, त्यांच्या कुटुंबातील तीन सदस्यांची नावे वेगवेगळ्या ठिकाणी नोंदवली गेल्याची माहितीही उघड झाली आहे. या परिस्थितीमुळे मतदारांमध्ये गोंधळाचे वातावरण निर्माण झाले आहे.

गणेश नाईक यांनी सांगितले की, ते सामान्यतः नवी मुंबई महापालिकेच्या शाळा क्रमांक ९४ मध्ये मतदान करतात. परंतु, यावेळी त्यांना सेंट मेरी शाळेत मतदान केंद्र असल्याचे सांगण्यात आले. तिथे गेल्यावर त्यांना रूम नंबर ९ सापडला नाही आणि नंतर रूम नंबर ९ जरी असला तरी यादीत त्यांचे नाव नव्हते. यानंतर ते पुन्हा सेंट मेरी शाळेत जाण्यासाठी निघाले. आमदार आणि राज्याचे मंत्री असूनही आपल्यासोबत असा प्रकार घडत असेल, तर सामान्य मतदारांचे काय होणार, असा प्रश्न नाईकांनी उपस्थित केला आहे. हे नियोजन व्यवस्थित नसल्याचे स्पष्टपणे दिसून येते, असे त्यांनी म्हटले आहे. एकाच इमारतीत राहणाऱ्या त्यांच्या कुटुंबातील सदस्यांची नावे तीन वेगवेगळ्या ठिकाणी नोंदवली गेली आहेत, ज्यामुळे मतदानातील त्रुटींवर प्रकाश पडला आहे