कराड घारेवाडी ता. कराड येथील धुळोबा डोंगरात ट्रेकींग करताना शहरातील प्रसिद्ध गुळाचे अडत व्यापारी, तसेच ट्रेकर व सायकीलीस्ट सुहास शामराव पाटील (वय ५२) याचा ट्रेकिंगदरम्यान दुर्देवी मृत्यू झाला. रविवारी १७ रोजी सकाळी ७ वाजण्याच्या सुमारास ट्रेकिंग करताना ह्रदयाचा तीव्र धक्का बसला. त्यानंतर पाटील यांना उपचारासाठी तात्काळ रुग्णालयात हलवले. परंतु, उपचारापूर्वीच त्यांचा मृत्यू झाला होता. या घटनेने शहरासह तालुक्यावर शोककळा पसरली आहे.
धुळोबा डोंगरावर रविवारी सकाळी ट्रेकींगसाठी जाताना ट्रेकर सुहास पाटील डोगर सर करत असताना त्याना ह्रदयविकाराचा तीव्र धक्का बसला. या धक्याने ते खाली कोसळले त्यांच्या नाका-तोंडातून रक्तस्त्राव झाला. त्यानंतर त्यांना तात्काळ रुग्णवाहिकेतून उपचारासाठी येथील कृष्णा रूग्णालयात हलवले. मात्र, रुग्णालयात उपचारासाठी दाखल करण्यापूर्वीच सुहास पाटील यांचा मृत्यू झाला होता या दुर्दैवी घटनेबाबत शहरातील ट्रेकर, सायकीलीस्ट व व्यापारी वर्गातून मोठी हळहळ व्यक्त होत आहे.
No comments:
Post a Comment