दादा शिंगण यांची मनोहर शिंदे यांच्यावर टीकेची झोड ; म्हणाले...मनोहर शिंदे थापा मारतात आणि सत्तेचा गैरवापर करतात... आज त्यांनी माझा अपमान केला...

वेध माझा ऑनलाइन।

मी मलकापूरचा राष्ट्रवादीचा नगरसेवक आहे लोकांनी मला निवडून दिले आहे मात्र मलकापूर चे उपनगराध्यक्ष मनोहर शिंदे यांनी आज मला बोलू दिले नाही  त्यामुळे माझा अपमान झाल्याची माझी भावना आहे मनोहर शिंदे एकाधिकारशाहीने वागतात मी त्यांच्या  वागण्याचा निषेध करतो अशा भाषेत मलकापूर चे नगरसेवक दादा शिंगण यांनी आपला संताप व्यक्त केला

दरम्यान मनोहर शिंदे लोकांना फसवत आहेत त्यांनी गेली पाच वर्षे माझ्या प्रभागातील 200 हुन अधिक लोकांना नळ कनेक्शन अजूनही दिलेले नाही ,

5 वर्षे लोकांना झुलवत ठेवले आहे, तर मग,  90 दिवसात मलकापुराचे ते काय भलं करणार आहेत ? ते नुसते थापा मारतात, जनतेला मूर्ख बनवतात आणि ते सत्तेचा गैरवापर करतात... असेही दादा शिंगण यावेळी म्हणाले 

आज येथील संगम हॉटेल याठिकाणी मलकापूर नगरपरिषदेच्या वतीने 90 दिवसाच्या "अभियान ते अभिमान' या कार्यक्रमांतर्गत होणाऱ्या उपक्रमांची माहिती देण्याकरिता आयोजित पत्रकार परिषदेनंतर त्याठिकाणी उपस्थित असलेले  दादा शिंगण यांनी पत्रकारांशी संवाद साधून आपला राग व्यक्त करत मनोहर शिंदे यांच्यावर टीकेची झोड उठवली

ते म्हणाले...

एकीकडे मनोहर शिंदे म्हणतात... या उपक्रमासाठी सर्व मलकापूरवासीयांना आम्ही सहभागी करून घेणार...तर दुसरीकडे स्टेजवरच त्यांनी मला बोलण्याची संधी न देता माझ्याशी दुजाभाव केला... माझा अपमान केला... 

मी लोकांनी निवडून दिलेला नगरसेवक आहे... मलाही मलकपूरच्या नागरिकांच्या भल्यासाठी माझे मत मांडण्याचा अधिकार आहे...मनोहर शिंदे नेहमीच एकधिकारशाहीने वागतात, हुकूमशहा पद्धतीने कारभार करतात असाही आरोप त्यांनी यावेळी बोलताना केला