विनोद कांबळीला मागचं पुढचं काहीच आठवेना… कांबळीच्या प्रकृतीबाबत धक्कादायक माहिती ;

वेध माझा ऑनलाईन।

माजी क्रिकेटपटू विनोद कांबळी सध्या गंभीर आरोग्य समस्यांशी झुंज देत आहेत. कांबळीच्या प्रकृतीबाबत धक्कादायक माहिती समोर आली आहे. डॉक्टरांनी दिलेल्या माहितीनुसार, कांबळीला ‘ब्रेन स्ट्रोक’चा मोठा धोका असून त्यांच्या मेंदूमध्ये रक्ताची गाठ (क्लॉट) तयार झाली आहे. सुरुवातीच्या टप्प्यात या समस्येकडे दुर्लक्ष झाल्यामुळे आता उपचार अधिक गुंतागुंतीचे झाले असल्याचं सांगितलं जात आहे. या आजाराचा त्यांच्या स्मरणशक्तीवर गंभीर परिणाम झाला असून त्याला मागचं काहीच आठवत नाहीये. सध्या तो स्मरणशक्तीशी झुंज देत असल्याची माहिती त्यांच्या जवळच्या व्यक्तींनी दिली आहे. दरम्यान, या कठीण काळात त्याचा बालपणीचा मित्र सचिन तेंडुलकरसह अनेक माजी क्रिकेटपटूंनी मदतीचा हात पुढे केला आहे. त्याच्या प्रकृतीत लवकर सुधारणा व्हावी, अशी सर्वत्र प्रार्थना केली जात आहे.