अजित पवारांचा विक्रमी मतांनी विजय झाल्यानंतर आता युगेंद्र पवारांचा मत पडताळणीसाठी अर्ज;

वेध माझा ऑनलाइन

लोकसभेप्रमाणे राज्यातील विधानसभा निवडणुकीमध्ये बारामती मतदारसंघात राष्ट्रवादी विरूध्द राष्ट्रवादी आणि पवार विरूद्ध अशी लढत झाली. या बारामती मतदारसंघाकडे संपूर्ण राज्यासह देशाचं लक्ष लागून राहिलं होतं.बारामती मतदारसंघात पवार विरूद्ध पवार लढतीत अजित पवारांचा विक्रमी मतांनी विजय झाला तर युगेंद्र पवारांचा पराभव झाला. पराभव झाल्यानंतर आता युगेंद्र पवारांनी मत पडताळणीसाठी अर्ज केला आहे.

फेरमतमोजणीसाठी लागणारी रक्कमसुद्धा भरली आहे. त्यामुळे बारामतीमध्ये पाच टक्के ईव्हीएमची फेरमतमोजणी होणार आहे, असे युगेंद्र पवार

 युगेंद्र पवारांचा मत पडताळणीसाठी अर्ज

निवडणुकीत अजित पवारांना 1,96,640 तर युगेंद्र पवारांना 80,458 इतकी मते मिळाली आहेत. अजित पवार 1,16,182 मतांनी विजयी झाले आहेत. अजित पवारांना 2019 च्या विधानसभा निवडणुकीत पडलेली तशीच रेकॉर्डब्रेक मते मिळाली आहेत.युगेंद्र पवार यांच्यासह महाविकास आघाडीच्या अनेक उमेदवारांनी ईव्हीएम मशीनवर शंका उपस्थित केली आहे. पुणे जिल्ह्यातील 11 मतदारसंघांमधील 11 पराभूत उमेदवारांनी मत पडताळणीसाठी अर्ज केला आहे.

11 पराभूत उमेदवारांचा अर्ज

शिरूरमधील अशोक पवार, बारामतीतील युगेंद्र पवार, हडपरसमधील प्रशांत जगताप, चिंचवडमधील राहुल कलाटे, खडकवासलामधील सचिन दोडके, पर्वतीमधील अश्विनी कदम, भोसरीमधील अजित गव्हाणे, तर दौंडमधील रमेश थोरात यांचा समावेश आहे.