शरद पवार यांचा वाढदिवस जिल्ह्यात विविध उपक्रमांनी साजरा -

वेध माझा ऑनलाइन

राष्ट्रवादी काँग्रेस पक्ष शरदचंद्र पवार पक्षाचे राष्ट्रीय अध्यक्ष, राष्ट्रीय नेते, खासदार शरदचंद्रजी पवारसाहेब यांचा आज ८४ वा वाढदिवस, सातारा येथील पक्ष कार्यालयात राज्याचे माजी सहकार व पणन मंत्री माननीय श्री.बाळासाहेब पाटील व पक्षाचे जिल्हाध्यक्ष सुनील माने यांच्या प्रमुख उपस्थितीत केक कापून साजरा करण्यात आला. तसेच सातारा जिल्ह्यात राष्ट्रवादी काँग्रेस शरदचंद्र पवार पक्षाच्या विविध सेलच्या वतीने जिल्ह्यातील 84 जेष्ठ नागरिकांचा सत्कार, विविध क्षेत्रात उल्लेखनीय काम करणाऱ्या 84 व्यक्तींचा सत्कार, रक्तदान शिबिरे आदी उपक्रमांनी साजरा करण्यात आला.

याप्रसंगी जिल्हा सरचिटणीस राजकुमार पाटील, गोरखनाथ नलवडे, अतुल शिंदे, शफिक शेख, सचिन जाधव, विजय बोबडे, बाळासाहेब शिंदे, मकरंद बोडके, स्वप्नील वाघमारे, विजय चौधरी, ॲड.रणजितसिंह जगदाळे, अमोल पाटोळे, सुरेशराव शिंदे, सागर झनझने इत्यादी पदाधिकारी व कार्यकर्ते उपस्थित होते.