लाडकी बहीण योजनेतील सोळा लाख अर्जांची होणार छाननी होणार ;

वेध माझा ऑनलाइन

लाडकी बहीण योजनेतील सोळा लाख अर्जांची होणार छाननी होणार असल्याची माहिती समोर येत आहे. आचारसंहितेच्या आधी 16 लाखांची छाननी बाकी होती. ती आता पूर्ण केली जाणार असल्याची माहिती आहे. या सोळा लाख अर्जांपैकी पात्र अपात्र ठरवून लाभ दिला जाणार आहे. 

आतापर्यंत राज्यातील दोन कोटी 34 लाख लाभार्थ्यांना लाडकी बहिणी योजनेचा फायदा मिळाला आहे. यात सोळा लाख अर्जांची छाननी झाल्यानंतर पुन्हा एकदा संख्या वाढणार आहे. निवडणूक काळात प्रशासन व्यस्त असल्याने या सोळा लाख अर्जांची छाननी बाकी होती. त्यामुळे त्यांना लाभ मिळाला नव्हता. आता या सर्व अर्जांची छाननी करून या लाभार्थ्यांना  लाभ दिला जाणार आहे. 

लाडक्या बहिण योजनेवरुन वेगवेगळ्या माध्यमातून अफवा पसरवल्या जात आहेत असं अदिती तटकरे म्हणाल्या. त्या म्हणाल्या की, "कोणत्याही अफवांवर विश्वास ठेवू नये. या योजनेसंदर्भात कोणत्याही लेखी पद्धतीच्या सूचना, कोणतेही आदेश, शासन निर्णय, निकष बदल विभागाने काढलेले नाहीत. विनाकारण काही अफवा पसरवल्या जात आहेत. लाडकी बहिणीच्या लाभार्थ्यांनी कोणतीही मनामध्ये शंका ठेवू नये. लाडकी बहीण योजना महायुतीच्या सरकारने माता-भगिनी साठी काढलेली आहे. त्यामुळे मुख्यमंत्री व दोन्ही उपमुख्यमंत्री यांच्या नेतृत्वाखाली ही योजना यशस्वीरित्या चालू राहणार आहे.