बॉलिवूडचे प्रसिद्ध दिग्दर्शक आणि चित्रपट निर्माते सुभाष घई यांची प्रकृती बिघडली ; लिलावती रुग्णालयात दाखल

वेध माझा ऑनलाइन

बॉलिवूड सिनेसृष्टीमधले प्रसिद्ध दिग्दर्शक आणि चित्रपट निर्माते सुभाष घई यांच्याविषयी महत्त्वाची बातमी समोर येत आहे. सुभाष घई यांची प्रकृती बिघडली असून त्यांना मुंबईतील लिलावती रुग्णालयात दाखल करण्यात आले आहे. सुभाष घई यांना बुधवारी श्वास घेण्यास त्रास होऊ लागला, त्यांना अशक्तपणा जाणवत होता आणि वारंवार चक्कर देखील येत होती. सध्या त्यांच्या आयसीयूमध्ये उपचार सुरु आहेत. 

 

मिळालेल्या माहितीनुसार, सुभाष घई यांच्यावर आयसीयूमध्ये दाखल असलेल्या न्यूरोलॉजिस्ट डॉ. विनय चौहान, हृदयरोगतज्ज्ञ डॉ. नितीन गोखले आणि पल्मोनोलॉजिस्ट डॉ. जलील पारकर यांच्या देखरेखीखाली उपचार सुरू आहेत. तसेच सुभाष घई यांची प्रकृती  पूर्वीपेक्षा चांगली असून त्यांना एका दिवसांत आयसीयूमधून सामान्य वॉर्डमध्ये हलवण्यात येणार आहे.