कराडातील महिंद्रा हॉटेल येथे संजय राऊत आणि इंद्रजित गुजर यांची भेट ; शिवसेना उद्धव ठाकरें गटाचे सातारा जिल्ह्याचे नेते इंद्रजित गुजर यांचा वेध-माझा शी संवाद ;

वेध माझा ऑनलाइन।

कराडच्या महिंद्रा हॉटेल येथे शिवसेना खासदार संजय राऊत आणि सातारा जिल्ह्याचे उद्धव ठाकरे गटाचे शिवसेना नेते नगरसेवक इंद्रजित गुजर यांची भेट झाली यावेळी सातारा जिल्ह्यातील पुढील रणनीती ठरण्यासह कराडात शिवसेनेचा मेळावा घेण्यात येण्याबाबत ठरल्याचे इंद्रजित गुजर यांनी वेध माझा शी बोलताना सांगितले...

साताऱ्याचे खासदार श्रीनिवास पाटील यांच्या पत्नी कै सौ रजनीताई पाटील यांचे नुकतेच निधन झाले त्यानिमित्ताने खासदार पाटील यांचे सांत्वन करण्यासाठी आलेल्या खासदार राऊत यांनी स्वतः फोन करून इंद्रजित गुजर यांना त्याठिकाणी बोलावून घेतले पाटील कुटुंबियांचे सांत्वन करून राऊत यानी गुजर याना आपल्या बरोबर घेत हॉटेल महिंद्रा याठिकाणी त्यांच्याशी तासभर चर्चा केली

शिवसेना खासदार संजय राऊत यापूर्वी कराडात श्री गुजर यांच्या निवासस्थानी आले होते तसेच त्यांच्या आहेर कोलेजवर देखील त्यांनी आपली उपस्थिती लावली होती गुजर यांनी उद्धव ठाकरे गटात प्रवेश करावा ही स्वतः उद्धव ठाकरे यांची इच्छा असल्याचे सूतोवाच राऊत यांनी त्यावेळी केले होते त्यानंतर गुजर यांनी शिवसेनेत प्रवेश करत जिल्ह्यातील राजकारणात ठाकरे गटाची एन्ट्री करून दिली होती

त्यानंतर गुजर यांची सेनेच्या समन्वयक म्हणून नेमणूक करण्यात आली होती 

आज सेना नेते संजय राऊत कराडात आले असता त्यांची इंद्रजित गुजर यांच्याशी भेट झाली असता लवकरच कराडात उद्धव ठाकरे गटाचा मोठा मेळावा घेण्यात येणार असल्याचे आश्वासन गुजर यांनी राऊत याना दिले असल्याचे स्वतः इंद्रजित गुजर यांनी वेध माझाशी बोलताना सांगितले तसेच युवा सेना नेते आदित्य ठाकरे यांच्या पुढील काही दिवसांनी होणाऱ्या सातारा जिल्ह्यातील दौर्याबाबत देखील चर्चा झाल्याचे ते म्हणाले...