कराड शहरातील बुधवार पेठेत असलेल्या भरवस्तीत बुधवारी रात्री दहा वाजण्याच्या सुमारास अचानक मोठा आवाज होऊन आगीचा भडका उडाला. या आगीत सहा ते सातजण भाजून गंभीररीत्या जखमी झाल्याची प्राथमिक माहिती समोर आली आहे. जखमींना रुग्णालयात रात्री उशिरा दाखल करण्याची प्रक्रिया सुरू होती
मिळालेली माहिती अशी की, कराडातील प्रभात थिएटरसमोरील वस्तीत बुधवारी रात्री अचानक एका घरात मोठा आवाज होऊन आगीचा भडका झाला मोठा आवाज झाल्यामुळे नेमके काय झाले, हे नागरिकांना समजले नाही. मात्र घटना निदर्शनास येताच नागरिकांनी त्याठिकाणी धाव घेत बचावकार्य सुरू केले. घटनास्थळावरून सहा ते सात गंभीर जखमींना तातडीने उपचारासाठी रुग्णालयात हलविण्यात आले.
घटनेची माहिती मिळाल्यानंतर अग्निशामक दलासह पोलीस अधिकारी व कर्मचारीही तातडीने त्याठिकाणी पोहोचले. त्यांच्याकडून आग विझवण्यासह जखमींना रुग्णालयात हलविण्याची कार्यवाही रात्री उशिरापर्यंत सुरू होती. हा आगीचा भडका नेमका कशामुळे उडाला, याबाबत घटनास्थळावरून कसलीच माहिती समोर आली नाही. काही प्रत्यक्षदर्शींच्या सांगण्यानुसार आगीवेळी मोठा आवाज झाला. त्यानंतर आगीच्या ज्वाला बाहेर पडल्या. कुणाला काही समजण्यापूर्वीच ही घटना घडल्यामुळे सहा ते सातजण गंभीर जखमी झाले. जखमींना रुग्णालयात रात्री उशिरा दाखल करण्याची प्रक्रिया सुरू होती
No comments:
Post a Comment