वेध माझा ऑनलाइन
कराड
कराड तालुक्यातील तांबवे पुलानजीक नदीपात्रामध्ये आज ग्रॅनाईट बॉम्ब सापडले असता कराड तालुका पोलिसांनी घटनास्थळी ताबडतोब धाव घेऊन बॉम्बशोध व नाशकपथक बोलावून ते बॉम्ब संध्याकाळी साडेसात च्या सुमारास फोडून नष्ट करण्यात आले अशी माहिती जिल्हा पोलिस प्रमुख अजय बन्सल यांनी दिली.
कराड तालुक्यातील साकुर्डी फाटा येथून जवळच असलेल्या तांबवे पुलानजीक नदीपात्रामध्ये सोमवारी सकाळी काही युवक मासेमारी करण्यासाठी गेले होते. मासे पकडण्यासाठी त्या युवकांनी नदीच्या पाण्यामध्ये जाळी टाकल्यानंतर त्यांच्या गळाला मासा लागला असल्याचा अंदाज आल्याने त्यांनी तो गळ नदीच्या पात्रातून पाण्याबाहेर काढला. त्यावेळी त्यामध्ये बॉम्ब असल्याचे त्यांच्या निदर्शनास आले. ते अतिशय अवजड असल्याने त्यांना त्याबाबत शंका आली. मासेमारी करणाऱ्या युवकांनी याबाबत त्वरित पोलिसांशी संपर्क साधला. पोलिसांनी त्वरित घटनास्थळी धाव घेतली व ताबडतोब तेथे बॉम्बशोध व बॉम्बनाशक पथकाला बोलावून त्याठिकाणी नदीपात्राशेजारी खड्डे काढुन ते बॉम्ब तेथे गाडले व नंतर ते संध्याकाळी साडेसातच्या सुमारास नष्ट करण्यात आले अशी माहिती जिल्हा पोलिस प्रमुख अजय बन्सल यांनी दिली
दरम्यान, सापडलेले ग्रॅनाईट सैन्य दलाचे असावेत असा अंदाज व्यक्त केला जात असून, त्याबाबत माहिती घेण्याचे काम सुरू आहे.नदीत हे जिवंत बॉम्ब कसे आले, याची चौकशी सुरू आहे असेही त्यांनी सांगितले.
No comments:
Post a Comment