"कृष्णा' कारखान्याची निवडणूक स्थगित करा...पुढे ढकला... नंतर योग्य वेळी घ्या...कोरोनाच्या पार्शवभूमीवर म न से शहर अध्यक्ष सागर बर्गे यांची मागणी...

वेध माझा ऑनलाइन

 कराड

  यशवंतराव मोहिते कृष्णा सहकारी साखर कारखाना निवडणूकीची प्रक्रिया सुरू झालेली पाहून नागरिकांच्यात संभ्रम निर्माण झाला आहे. कोरोनाच्या पार्शवभूमीवर दैनंदिन जीवनावर निर्बंध घालण्यात येत असताना निवडणूकांसारखे कार्यक्रम राबविले जात असतील तर यासारखे दुर्दैव नाही आत्ताच्या परीस्थितीला कृष्णेची होणारी निवडणूक स्थगित करावी व पुढे ढकलून नंतर योग्य वेळी घ्यावी अशी मागणी म न से शहर अध्यक्ष सागर बर्गे यांनी निवेदनाद्वारे जिल्हाधिकारी शेखर सिंग यांना केली आहे

 निवेदनात पुढे म्हटले आहे... कोरोना संसर्ग संकटाने अवघे समाजजीवन अडचणीत आले आहे. कोरोना संक्रमण थांबवण्यासाठी विविध उपाययोजना राबविल्या जात आहेत. कडक टाळेबंदी सारखा कटू प्रयोग राबविणे कमप्राप्त झालयं.समाजजीवन हादरुन गेलयं मात्र तरीही कोरोनाचे गांभीर्य समजून नागरिकांनी ते अपरिहार्यपणे स्वीकारले आहे. टाळेबंदीच्या अंमलबजावणीसाठी प्रशासन अहोरात्र झटत आहे.नागरिकांचाही प्रतिसाद लाभत आहे.

व्यापारी,शेतकरी,फेरीवाले,मजूर,कामगार,विद्यार्थी,कलाकार अशा अनेकजण कोरोनावर मात करण्यासाठी कटिबध्द आहेत.असे असतानाही कराड तालुक्यात निवडणूक होत आहे. हा विद्यमान परिस्थितीशी विरोधाभास आहे. 

असणारे कोरोनाचे गांभीर्य टिकवून ठेवायचे असेल तर निवडणूका पुढे ढकलणे ही  काळाची गरज आहे. कारण  या निवडणुकीच्या प्रक्रियेमध्ये येणारे सांगली सातारा जिल्ह्यातील मतदार निवडणुकीत राबणारे शासकीय यंत्रणेतील कर्मचारी या सर्व लोकांच्या जीवाशी खेळ तर होत नाही ना ? नुकत्याच झालेल्या पाच राज्यातील निवडणुका तसेच  पंढरपूर विधानसभेच्या पोटनिवडणुकीनंतर तेथे वाढलेला कोरोना चा प्रादुर्भाव पाहता ही सध्या होऊ घातलेली कृष्णा कारखान्याची निवडणूक स्थगित करून पुढे योग्य वेळी घ्यावी..

'कृष्णा' निवडणूकीत उतरणारे मान्यवर हे समाजातील संवेदनशील नेते आहेत. जनतेच्या उज्वल  भविष्यासाठी सदैव प्रयत्नशील असतात. या सर्व नेत्यांनीही निवडणूक स्थगित करण्याचा आग्रह धरुन आपण जनतेच्या भल्यासाठी निवडणूकीचा काही काळापरता का होईना त्याग करु शकतो असा निर्णय घेऊन जनतेप्रती असणारी काळजीचे भावना सिद्ध करावी असेही प्रसिद्धीस दिलेल्या निवेदनात म्हटले आहे .