महाराष्ट्र प्रदेश राष्ट्रवादी युवक काँग्रेस (शरदचंद्र पवार) पक्षाच्या प्रदेशाध्यक्षपदी निवड झालेले नवनिर्वाचित युवकचे प्रदेशाध्यक्ष विशाल वाकडकर आज कराड दौऱ्यावर आले होते. यावेळी कराड शहरात राष्ट्रवादी युवक काँग्रेस (शरदचंद्र पवार) पक्षाचे कराड शहराध्यक्ष पोपटराव साळुंखे यांनी त्यांचे स्वागत केले.
यावेळी लोकशाही आघाडी कराड शहरातील पदाधिकारी, हितचिंतक आणि कार्यकर्त्यांच्या वतीनेही विशाल वाकडकर यांचे स्वागत करून प्रदेशाध्यक्षपदी निवड झाल्याबद्दल अभिनंदन करण्यात आले. त्यांच्या पुढील राजकीय वाटचालीस शुभेच्छा देण्यात आल्या.
दरम्यान, विशाल वाकडकर यांनी कराड येथील यशवंतराव चव्हाण समाधीस्थळी भेट देत नतमस्तक होऊन अभिवादन केले. त्यानंतर आदरणीय स्व. पी. डी. पाटील यांच्या प्रतिमेस पुष्पांजली अर्पण करून अभिवादन केले.
विशाल वाकडकर यांच्या नेतृत्वाखाली संपूर्ण महाराष्ट्रात युवकांची मोठी संघटनात्मक फळी उभी राहील. त्यांच्या नेतृत्वामुळे राष्ट्रवादी काँग्रेस पक्षाच्या युवक संघटनेला निश्चितच नवी उभारी मिळून पक्ष संघटना अधिक मजबूत आणि गतिमान होईल, असा विश्वास यावेळी उपस्थित पदाधिकारी व कार्यकर्त्यांनी व्यक्त केला.
यावेळी लोकशाही आघाडी कराड शहरचे पदाधिकारी, हितचिंतक व कार्यकर्ते मोठ्या संख्येने उपस्थित होते.
No comments:
Post a Comment