वेध माझा ऑनलाइन - राज्याचे माजी सहकार व पणन मंत्री मा.आमदार बाळासाहेब पाटील यांनी सहकारात आदर्शवत काम केले असून, सर्वसामान्य शेतकरी कष्टकरी यांच्याहितासाठी सहकार टिकला पाहिजे यासाठी त्यांनी काम केले, देशाचे नेते आदरणीय शरद पवारसाहेब यांनी घालून दिलेल्या आदर्शानुसार 90 टक्के समाजकारण आणि 10 टक्के राजकारण सुरू असून, आमदार बाळासाहेब पाटील यांनी जनसामान्यांच्या सेवेत स्‍वतःला वाहून घेतले आहे, असा नेता मिळणे हे कराडकरांचं भाग्‍य असल्याचे प्रतिपादन आमदार निलेश लंके यांनी केले.
ते कराड लोकशाही आघाडी कार्यालयात आमदार बाळासाहेब पाटील यांच्या वाढदिवसानिमित्त केक कापण्याच्या समारंभाचे प्रमुख पाहुणे म्हणून बोलत होते.
आमदार निलेश लंके पुढे म्हणाले की, आपला नेता हजर नसतानाही मोठ्या संख्येने कार्यकर्ते उपस्थित राहून वाढदिवस साजरा करतात, यावरूनच आमदार बाळासाहेब पाटील यांनी पाच वेळा विधानसभा सदस्य म्हणून जनतेच्या केलेल्या सेवेची पोच पावती आहे. आमदार बाळासाहेब पाटील यांनी सहकार खात्‍याच्या माध्यमातून सहकाराला योग्य दिशा देण्याचे प्रामाणिक कार्य केले, माझ्या पारनेर विधानसभा मतदार संघातील अनेक सहकारी संस्थांसाठी मोलाचे सहकार्य कलेले आहे, त्यांनी आजवर केलेल्या कार्याला सॅल्युट करतो अशा शब्दांत त्यांनी आमदार बाळासाहेब पाटील यांच्याप्रती गौरवोद्गार काढले, आणि त्यांना वाढदिवसानिमित्त शुभेच्छा दिल्या.
यावेळी कराड नगरपरिषदेचे विरोधीपक्ष नेते सौरभ पाटील म्हणाले की, आपले नेते माजी सहकार व पणन मंत्री आमदार बाळासाहेब पाटील हे स्वतः आपला वाढदिवस साजरा करीत नाहीत, मात्र कराडकर नागरिकांनी कराड लोकशाही आघाडीच्या कार्यालयात केक कापून वाढदिवस साजरा करण्याचा निर्णय घेतला, या समारंभासाठी कराडसह परिसरातून सर्वपक्षीय नेते व कार्यकर्ते उपस्थित राहिले, हे पाहून मन भरून येत आहे. अशा शब्दांत त्यांनी उपस्‍थितांप्रती ॠण व्यक्त केले आणि आमदार बाळासाहेब यांना कराड लोकशाही आघाडीच्यावतीने शुभेच्छा दिल्या.
दरम्यान कोवीड काळात कराड नगरपरिषदेच्या स्वच्छता विभागाने अहोरात्र झटून केलेल्या कामाबद्दल प्रातिनिधीक स्‍वरूपात स्वच्छता कर्मचार्यांचा सत्कार कोरोना योद्धे आमदार निलेश लंके यांच्या हस्ते करण्यात आला.
याप्रसंगी देवराजदादा पाटील, मानसिंगराव जगदाळे, सुभाषराव पाटील (काका), संभाजी सुर्वे, जयवंतराव पाटील, विनायक पावसकर, प्रदिप जाधव, आप्पा माने, धनंजय वळीवडेकर, कमलाकर कांबळे, अतुल शिंदे, बाबासाहेब भोसले, हरिष जोशी, गंगाधर जाधव, इंद्रजीत गुजर, विजय वाटेगांवकर, सतिश पाटील, संजय शिंदे, नंदकुमार बटाणे, शहाजी डूबल, महेश कांबळे, श्री पेढारकर, शिवाजी पवार, सादिक इनामदार, गजानन फल्ले, वैभव हिंगमिरे, सिध्दार्थ थोरवडे, सुभाषराव घोडके, अॅड. मानसिंगराव पाटील, रमेश वायदंडे, दाऊद आंबेकरी, राजेश मेहता, लालासो पाटील (कवठेकर), पै.संजय थोरात, सर्जेराव खंडाईत, सौरभ पाटील (तात्या), रमेश वायदंडे, सुनंदा शिंदे, ओंकार मुळे, गजेंद्र कांबळे, सुहास पवार, मोहसिन आंबेकरी, अॅड.विद्याराणी साळुंखे, श्रीमती सिध्दुताई जाधव, राजेंद्र यादव(आबा), प्रमोद शिंदे, प्रितम यादव, संजय बदियाणी, सतिश, भास्करराव शिंदे, मानसिंगराव जाधव, उदय हिंगमिरे, अनिल शहा, राहूल भोसले(भैय्या), दाऊद सुतार, अख्तर आंबेकरी, पोपटराव साळुंखे, उध्दवराव फाळके, जयप्रकाश रसाळ, हिंदकेसरी पै.संतोष वेताळ, अविनाश कांबळे, संतोष पाटील, दिलीपराव शिंदे, हणमंतराव पवार, काकासाहेब यादव, स्मिता हुलवान, सागर पाटील, राजेंद्र कांबळे, सौ.संगिता साळुंखे (माई), सागर बर्गे, प्रमोद पवार, प्रमोद पाटील, जयंत बेडेकर तसेच राष्ट्रवादी काँग्रेस पार्टी पदाधिकारी, राष्ट्रीय काँग्रेस पार्टी पदाधिकारी, भारतीय जनता पार्टी पदाधिकारी, रिपब्लीकन पार्टी ऑफ इंडिया पदाधिकारी, महाराष्ट्र नवनिर्माण सेना पदाधिकारी, शिवसेनेचे पदाधिकारी, श्री शिवाजी शिक्षण संस्थेचे पदाधिकारी व सेवक वर्ग, कराड नगरपरिषद आजी-माजी सेवक वर्ग, आदरणीय पी.डी.पाटीलसाहेब बँक आजी-माजी संचालक व सेवक वर्ग, आदरणीय पी.डी.पाटीलसाहेब पाणी पुरवठा संचालक व सेवक वर्ग, सह्याद्रि सहकारी साखर कारखाना आजी-माजी संचालक व सेवक वर्ग, आदरणीय पी.डी.पाटील गौरव प्रतिष्ठान स्मारक समितीचे पदाधिकारी, पत्रकार प्रतिनिधी व दुरचित्रवाणी प्रतिनिधी, आदरणीय यशवंतराव चव्हाण पतसंस्था आजी-माजी संचालक व सेवक वर्ग, संजीवनी नागरी सहकारी पतसंस्था आजी-माजी संचालक व सेवक वर्ग, आजी-माजी जिल्हा परिषद सदस्य आजी-माजी पंचायत समिती सदस्य उपस्थित होते.
