वेध माझा ऑनलाइन - पंतप्रधान नरेंद्र मोदी यांच्यावर हल्ल्याचा कट बिहार पोलिसांनी उधळला आहे. पाटण्यात केलेल्या कारवाईत दोन दहशतवाद्यांना अटक करण्यात आली आहे. यातील एकजण माजी पोलीस अधिकारी असल्याचं समोर आलंय. या कटानुसार भारताला २०४७ पर्यंत इस्लामिक राष्ट्र बनवण्याचा कट रचला जात होता. याचाच भाग म्हणून पंतप्रधान मोदींना १२ जुलैच्या दौऱ्यात लक्ष्य करण्याच्या कटाचाही समावेश होता. अटक केलेल्या दोन दहशतवाद्यांची नावं अथर परवेज व मोहम्मद जलालुद्दीन अशी आहेत.
पंतप्रधान मोदींच्या दौऱ्याच्या पार्श्वभूमीवर संशयित दहशतवाद्यांचं १५ दिवसांचं प्रशिक्षण फुलवारी शरिफ येथे झालं. त्यांनी ६ व ७ जुलैला पंतप्रधान मोदींवर हल्ला करण्याचा कट रचण्यासाठी बैठक घेतली. याची माहिती गुप्तचर विभागाला मिळाल्यानंतर पोलिसांनी ११ जुलैला फुलवारी शरिफ येथे धाड टाकली. यावेळी पोलिसांना घटनास्थळावरून काही कागदपत्रे मिळाली. यात ‘२०४७ पर्यंत भारत एक इस्लामिक राष्ट्र’ नावाचे कागदपत्र सापडले. याशिवाय २५ पीएफआय पॅम्प्लेटही हस्तगत करण्यात आले.
संशयित दहशतवाद्यांना पाकिस्तान, बांगलादेश व तुर्कीमधून पैशांचा पुरवठा
फुलवारी शरिफ येथे भेट देणाऱ्या आणि दहशतवादी हल्ल्यासाठी प्रशिक्षण घेणाऱ्या युवकांमध्ये बहुसंख्य युवक उत्तर प्रदेश, केरळ, पश्चिम बंगाल, तामिळनाडू येथून आल्याचं तपासात समोर आलं आहे. अटक करण्यात आलेल्या दोन्ही संशयित दहशतवाद्यांना पाकिस्तान, बांगलादेशव तुर्की सारख्या मुस्लीम देशांमधून पैसे मिळत असल्याचं पोलिसांनी सांगितलं आहे.
संशयित दहशतवाद्यांमध्ये माजी पोलीस अधिकाऱ्याचा समावेश
या प्रकरणातील गंभीर बाब म्हणजे, अटक केलेल्या आरोपींपैकी एकजण माजी पोलीस अधिकारी आहे. आरोपी मोहम्मद जलालुद्दीन झारखंड पोलीस विभागातील माजी अधिकारी आहे. या आरोपींचा पॉप्युलर फ्रंट ऑफ इंडिया (PFI) या कट्टरतावादी संघटनेशी संबंध आहे. जलालुद्दीन याआधी स्टुडंट्स इस्लामिक मुव्हमेंट ऑफ इंडिया (SIMI) या कट्टरतावादी संघटनेशीही संबंध राहिला आहे.
No comments:
Post a Comment