अखेर...सातारा जिल्हाधिकाऱ्यांची कराडच्या 24x 7 पाणी योजनेला स्थगिती ; शिंदे गटाचे नेते राजेंद्रसिह यादव यांची माहिती

वेध माझा ऑनलाईन -शिंदे गटाचे नेते राजेंद्रसिह यादव व जिल्ह्याचे पालकमंत्री शंभूराज देसाई यांनी आज जिल्हाधिकारी रुचेश जयवंशी यांची भेट घेतली यावेळी यादव यांनी जिल्हाधिकारी यांना निवेदन देत कराडच्या वाढीव पाणी बिलाबाबत  वस्तुस्थिती सांगितली त्यानंतर तात्काळ जिल्हाधिकारी जयवंशी यांनी राजेंद्रसिंह यादव यांच्या निवेदनावर शेरा मारून या योजनेला स्थगिती दिली आहे त्यामुळे यादव यांचा पाठपुरावा यशस्वी झाला आहे आणि 24x7 पाणी योजनेचा विषय यानिमित्ताने तूर्तास थांबला आहे

गटनेते राजेंद्रसिह यादव यांनी शहरातील लोकांना वेठीस धरू नका 24x 7 पाणी पुरवठ्याचे भूत लोकांना परवडणारे नाही हे सांगत पाणी बिलात  50 टक्के सूट द्या असे प्रशासनाला ठणकावून सांगितले होते त्यानंतर याबाबतचा पाठपुरावा करताना मागील आठवड्यात त्यांनी मुंबई येथे जाऊन जिल्ह्याचे पालकमंत्री शंभूराज देसाई जिल्हाधिकारी जयवंशी व शिंदे गटाचे जिल्ह्याचे नेते शरद कणसे यांची एकत्रित मीटिंग घेत या विषया संबंधी सरकार दरबारी दाद मागितली होती 

आज पुन्हा सातारा येथे राजेंद्रसिंह यादव व स्वतः पालकमंत्री देसाई यांनी याबाबत जिल्हाधिकारी यांची भेट घेऊन यावर चर्चा केली त्यानंतर जिल्हाधिकारी रुचेश जयवंशी यांनी या प्रश्नाबाबत कराड शहरातील या योजनेला ताबडतोब स्थगिती देण्याबाबत शेरा दिला असल्याचे राजेंद्रसिह यादव यांनी सांगीतले

दरम्यान कराड शहरात पालिकेने मीटर प्रमाणे पाणी बिल आकारणी सुरू केली आहे  यामधून बिलाची रक्कम भरमसाठ आल्याने कराडच्या लोकशाही आघाडीने पाणी बिलात नागरिकांना 20 टक्के सूट द्यावी, अशी मागणी केली होती. त्यानंतर शहर काँग्रेसने डाके यांची भेट घेऊन 30 टक्के सवलतीची मागणी केली तर यशवन्त विकास आघाडीने तर 50 टक्के सवलत देण्याची मागणी केली आहे या योजनेचे काम अद्याप चालू आहे ही योजना सदोष आहे आणि लोकांना परवडणारी नाही त्यामुळे जोपर्यंत यातील दोष दूर होत नाही तोपर्यंत ही योजना स्थगित रहावी अशी मागणीही यादव यांनी केली दरम्यान या मागणीचा आज राजेंद्रसिह यादव यांनी पाठपुरावा करत पालकमंत्री देसाई व जिल्हाधिकारी जयवंशी यांच्याशी चर्चा करून या योजनेला स्थगिती मिळवण्यात यश मिळवले आहे