मध्यरात्री गस्त घालताना पोलीसानाच दमदाटी आणि मारहाण ! साताऱ्यातील घटना ;

वेध माझा ऑनलाइन - साताऱ्यात शिवराज पेट्रोल पंपनजीक असलेल्या एका हाॅटेलजवळ गोंधळ सुरू होता. पोलिसांनी गोंधळ घालणार्याना तेथून जाण्यास सांगितल्याने फाैजदारासह पोलिसाला मारहाण केल्याची घटना घडली आहे संतोष ज्ञानोबा शेलार असे हल्ल्यात जखमी झालेल्या पोलिसाचे नाव आहे.

याबाबत मिळालेली माहिती अशी, तक्रारदार पोलिस संतोष शेलार हे मध्यरात्री गस्त घालत होते. त्यांच्यासोबत फौजदार वाघमोडे होते. रात्री दीड वाजता शिवराज पेट्रोल पंप परिसरात एका हॉटेलजवळ  काहीजण गोंधळ घालत होते. पोलिसांनी त्यांना तेथून निघून जाण्यास सांगितले. तेव्हा, संशयित अक्षय पवार व त्याच्या दोन्ही साथीदारांनी पोलिसांना दमदाटी करण्यास सुरुवात केली.एका संशयिताने तक्रारदार पोलिसाला धक्काबुक्की तर केलीच शिवाय त्यांच्या डोळ्यावर गाडीच्या चावीने हल्लाही केला. यामध्ये ते जखमी झाले आहेत. पोलिसांनी संशयितांवर गुन्हा दाखल केला आहे.