कोयना पायथा गृहातील 50 तर पोफळी विद्युत गृहातील 450 कर्मचारी संपावर ; महावितरण कर्मचाऱ्यांच्या संपाचा फटका कोयना विद्यत प्रकल्पाला ; राज्यातील अनेक ठिकाणची बती गुल ;

वेध माझा ऑनलाईन - आजचा महावितरण कर्मचाऱ्यांच्या संपाचा फटका कोयना विद्युत प्रकल्पाला बसला आहे  कोयना पायथा वीज गृहातील दोन निर्मिती संच बंद झाले आहेत.

महावितरणने राज्यभर पुकारलेल्या संपाचा फटका कोयना विद्युत प्रकल्पाला बसताना दिसत आहे. कारण या ठिकाणी असलेले कोयना पायथा वीज गृहातील दोन संच बंद पडले आहेत. त्यामुळे आता राज्यातील अनेक ठिकाणची बती गुल झाली आहे. पाटण तालुक्यासह सातारा शहर व ग्रामीण भागालाही संपाचा फटका बसलेला आहे. अनेक गावातील लाईट गेली आहे. कोयना विद्युत प्रकल्पातील कर्मचारीही संपावर गेल्याने कामावर तुटवडा जाणवू लागला आहे. कोयना पायथा गृह येथील 50 तर पोफळी विद्युत गृहातील 450 कर्मचारी संपावर गेले आहेत. पोफळी येथे 1900 मेगावॅट वीज निर्मिती होत असते. तेथे सध्या विद्युत संच सुरू आहेत. पोफळी येथे सध्या रिटायर कर्मचाऱ्यांना बोलविण्यात आले आहे.