इनोव्हा कार ला अपघात ; 2 महीलांचा जागीच मृत्यू ; आज पहाटे घडली घटना ; वाचा बातमी

वेध माझा ऑनलाईन - साताऱ्यातील खंबाटकी बोगद्याजवळ गोकर्ण महाबळेश्वरवरून पुण्याच्या दिशेने निघालेल्या इनोव्हा कारवरील चालकाचे नियंत्रण सूटल्याने अपघात झाला. यावेळी कारमधील 2 महिलांचा जागीच मृत्यू झाला तर 6 जण जखमी झाले. रंजना सराफ आणि शांताबाई जाधव अशी मृत्यू झालेल्या महिलांची नावे आहेत

याबाबत अधिक माहिती अशी की, आज पहाटे साडेपाच वाजण्याच्या सुमारास साताऱ्यातील खंबाटकी बोगद्याजवळून गोकर्ण महाबळेश्वरवरून पुण्याच्या दिशेने जाधव कुटूंबीय त्यांच्या इनोव्हा कार क्रमांक एमएच 14 डीएफ 6666 मधून निघाले होते. त्यांची कार खंबाटकी बोगद्याजवळ आली असता. कारमधील चालकाचे कारवरील नियंत्रण सुटले. त्यामुळे भरधाव वेगात असलेली कार रस्त्यालगत असणाऱ्या कठड्याला धडकली दरम्यान अपघातस्थळी मृत पावलेल्या व जखमींना तात्काळ शिरवळ येथील खाजगी रुग्णालयात दाखल केले अपघाताची नोंद भुईंज पोलीस ठाण्यात करण्यात आली आहे