हवामान खात्याचा इशारा, पहा... कोणत्या भागात येणार मुसळधार?

वेध माझा ऑनलाइन।

मुंबई, पुणे शहरात मान्सूनने जोरदार हजेरी लावली आहे. याबाबत आता हवामान विभागाने मोठी अपडेट दिली आहे. पुणे शहरातील काही भागांना हवामान विभागाने ऑरेंज अलर्ट जारी केला आहे. त्यासह नाशिक, रत्नागिरी आणि सिंधुदुर्ग जिल्ह्यांमध्ये पावसाचा ऑरेंज अलर्ट जारी केला आहे.

मुंबई आणि मुंबई शहराच्या उपनगरांमध्ये देखील मान्सूनने हजेरी लावली. सध्या मुंबई आणि मुंबई शहराच्या उपनगरांमध्ये हलका आणि मध्यम स्वरूपाचा पाऊस पडत असल्याची शक्यता आहे. इथे कमाल तापमान हे 34 अंश तर किमान तापमान हे 27 अंश सेल्सिअसपर्यंत गेलं आहे.

कोकण भागातील दक्षिण आणि मध्य महाराष्ट्रांमधील जिल्ह्यांमध्ये तुरळक ठिकाणी मुसळधार ते अतिमुसळधार पाऊस पडण्याची शक्यता आहे. तसेच मराठा आणि विदर्भामध्ये विजांच्या कडकडाटासह पावसाची शक्यता आहे. तसेच ठाणे, रायगड आणि सातारा जिल्ह्यांमध्ये पावसाची शक्यता आहे.