वेध माझा ऑनलाइन।
: य. मो. कृष्णा सहकारी साखर कारखाना कार्यस्थळावर श्री गणेशाचे आगमन मोठ्या आनंदात आणि जल्लोषात झाले. व्हाईस चेअरमन जे.डी. मोरे व त्यांच्या सुविद्य पत्नी सौ. सुमित्रा मोरे यांच्या हस्ते श्री गणेशाची प्रतिष्ठापना करण्यात आली. श्री गणेशोत्सवाच्या काळात विविध कार्यक्रमांचे आयोजन करण्यात आलेले आहे.
श्री गणरायाच्या मूर्तीची विधिवत धार्मिक पद्धतीने प्रतिष्ठापना करण्यात आली. यावेळी मॅनेजिंग डायरेक्टर बाजीराव सुतार, एम.के कापुरकर, वसंतराव पवार, अभिजीत कोष्टी, यासीन संदे आदींची प्रमुख उपस्थिती होती. तसेच सेक्रेटरी सिद्धेश्वर शीलवंत, ऊसविकास अधिकारी पंकज पाटील, सिनिअर सिव्हिल इंजिनिअर जयवंत शिंदे, कार्यालय अधीक्षक अजित पाटील, स्टोअर किपर गोविंद मोहिते आदींसह युनियन व गणेश मंडळाचे पदाधिकारी, अधिकारी, कर्मचारी आदी उपस्थित होते.
या कालावधीमध्ये मंगळवार, १५ सप्टेंबर रोजी दुपारी ३.०० वाजता हळदीकुंकू, बुधवार, दि. १६ सप्टेंबर रोजी दुपारी ३:०० वाजता 'हास्य सम्राट' डॉ. संजय कळमकर यांचा 'हसण्यासाठी जन्म आपुला' हा कार्यक्रम आयोजित करण्यात आला आहे. 'गुरुवारी, १७ सप्टेंबर रोजी रात्री ९.०० वाजता तुकाईदेवी एक भजनी मंडळ भवानीनगर यांचे भजन, शुक्रवार, १८ सप्टेंबर दुपारी ३.०० वाजता हळदीकुंकू तसेच सोमवारी, २१ सप्टेंबर रोजी रात्री ९.०० वाजता श्री जयहनुमान भजनी मंडळ येडेमच्छिन्द्र यांचे यांचे भजन, मंगळवार, २२ सप्टेंबर रोजी दुपारी ३:०० वाजता 'हास्यसम्राट' प्रा. अजितकुमार कोष्टी यांचा विनोदी कार्यक्रम, बुधवारी २३ सप्टेंबर रोजी दुपारी ३.०० वाजता प्रा. आप्पासाहेब खोत (वारणानगर) यांचे कथाकथन होणार आहे. गुरुवारी, २४ सप्टेंबर रोजी सकाळी १०:३० वाजता महाप्रसादाचे आयोजन केले आहे, शुक्रवारी, २५ सप्टेंबर रोजी सकाळी ९.०० वाजता कारखान्याचे संचालक धोंडीराम जाधव व त्यांच्या सुविद्य पत्नी सौ. सुमन जाधव यांच्या हस्ते सत्यनारायण पुजा, दुपारी २.०० वाजता श्रींची विसर्जन मिरवणूक व विसर्जन होणार आहे. या कार्यक्रमांचा गणेश भक्तांनी लाभ घ्यावा असे आवाहन संयोजकांनी केले आहे.
No comments:
Post a Comment