ज्ञानेश कुमारांनी तात्काळ राजीनामा द्यावा; काँग्रेस रस्त्यावर, पुण्यात जोरदार आंदोलन

वेध माझा ऑनलाइन।

पुण्यात ज्ञानेशकुमार यांच्या विरोधात काँग्रेसने तीव्र आंदोलन केले. मतचोरीच्या गंभीर आरोपांवरून ज्ञानेशकुमार यांनी त्वरित राजीनामा द्यावा, अशी काँग्रेसची प्रमुख मागणी आहे. पुणे शहर काँग्रेसच्या वतीने जिल्हाधिकारी कार्यालयासमोर हे आंदोलन करण्यात आले. यावेळी काँग्रेस कार्यकर्त्यांनी ज्ञानेशकुमार यांच्या विरोधात जोरदार घोषणाबाजी केली.

काँग्रेसचे नेते प्रशांत जगताप यांनी सांगितले की, राहुल गांधी सातत्याने मतचोरीचा मुद्दा मांडत आहेत. ज्ञानेशकुमार यांच्या कार्यकाळात मोठ्या प्रमाणात चोऱ्या झाल्याचा आरोप जगताप यांनी केला. ज्ञानेशकुमार यांनी भाजप आणि मोदी सरकारला मदत करण्यासाठी मतदार याद्या, डेटा आणि ईव्हीएम हॅक केल्याचा आरोप काँग्रेसने केला आहे. त्यामुळे त्यांच्या राजीनाम्यासह त्यांच्या कार्यकाळातील सर्व निवडणुकांची चौकशी व्हावी, अशी मागणी काँग्रेस करत आहे. हे आंदोलन केवळ पुण्यातच नाही, तर मुंबईसह देशभरात सुरू आहे, असेही काँग्रेस नेत्यांनी स्पष्ट केले. इंडियन एक्सप्रेसच्या वृत्तानंतर विरोधक या मुद्द्यावर अधिक आक्रमक झाले आहेत.