वेध माझा ऑनलाइन
कराड
कोरोना काळात सर्व कार्यकर्त्यांनी आणि आमच्याही मंडळाने साध्या पध्दतीने गणेश उत्सव साजरा करण्याचा निर्णय घेतला आहे. तेव्हा शहरातील सर्वच मंडळांनी कोरोनाचे नियम पाळून उत्सव साजरा करावा असे आवाहन नगरसेवक गटनेते सौरभ पाटील यांनी आज केले तर........... शहरातील अनेक गणेश मंडळातील तरूण कार्यकर्ते तसेच सभासद हे कोरोना काळात गमावले आहत त्यामुळे आपल्या लोकांच्या जीवापेक्षा काहीही महत्वाचे नाही आणि म्हणून शहरातील गणेशोत्सव साधेपणानेच साजरा करा, असे आवाहन आरोग्य सभापती विजय वाटेगांवकर यांनी आज केले.
कराड शहरातील गणेश मंडळांची आयोजित शांतता कमिटीच्या बैठकीत हे सर्व मान्यवर बोलत होते. यावेळी प्रांताधिकारी उत्तम दिघे, वरिष्ठ पोलिस निरीक्षक बी. आर. पाटील, मुख्याधिकारी रमाकांत डाके, जेष्ठ नगरसेवक विनायक पावसकर, फारूक पटवेगार, जयवंत बेडेकर, मनसे नेते दादासो शिंगण, पोलीस उपनिरीक्षक भरत पाटील, अमित बाबर, राहूल वरोटे, पतंगराव पाटील, गोपनीय विभागाचे प्रशांत पाटील, रविंद्र देशमुख यांच्यासह कराड शहरातील गणेश मंडळाचे कार्यकर्ते उपस्थित होते.
दरम्यान लोकांना कोरोनाचे गांभीर्य दिसत नाही. त्यामुळे शासनाने दिलेल्या निर्देशानुसार गणेश उत्सव साजरा करावा लागणार आहे. नियम मोडणाऱ्यांवर कारवाई होणारच, कुणीही उल्लंघन करू नये. भावनेच्या आहारी जाऊन कोणतेही पाऊल तरूणांनी उचलू नये, असे आवाहन पोलिस उपअधीक्षक डाॅ. रणजित पाटील यांनी केले आहे.तर,वरिष्ठ पोलिस निरीक्षक बी. आर. पाटील म्हणाले, कोरोना नियमांचे उल्लंघन केल्याने 2 कोटीहून अधिक रक्कमेचा दंड वसूल करण्यात आला आहे. सर्वांच्यावर कायदा, सुव्यवस्था राखण्याची जबाबदारी आहे, ते नियम पाळावेच लागतील. अनेक सण, उत्सव यामधून कोरोनाचा उद्रेक झाला आहे. तेव्हा आपण काळजी घ्यावी लागणार आहे.
No comments:
Post a Comment