राष्ट्रवादी काँग्रेस पक्षाचे राष्ट्रीय अध्यक्ष आदरणीय खासदार शरदचंद्रजी पवारसाहेब, उपमुख्यमंत्री मा.अजितदादा पवार व राष्ट्रवादी काँग्रेस पक्षाचे प्रदेशाध्यक्ष, जलसंपदा मंत्री मा.जयंत पाटील यांच्या सूचनेनुसार आणि राज्याचे सहकार व पणन मंत्री तथा सातारा जिल्ह्याचे पालकमंत्री मा.नामदार बाळासाहेब पाटील यांच्या मार्गदर्शनाखाली कराड शहर राष्ट्रवादी काँग्रेसच्या वतीने कराड येथे दत्त चौक येथील छत्रपती शिवाजी महाराजांच्या पुतळ्याला अभिवादन करून केंद्र सरकारने केलेला शेतकरी कायदा, पेट्रोल दरवाढ, डिझेल दरवाढ, गॅस दरवाढ विरोधी निषेध व्यक्त करून आंदोलन करण्यात आले.
केंद्र सरकारने केलेले शेतकरी कायदे, रद्द करण्यासाठी दिल्लीच्या सीमेवर शेतकरी बांधव आंदोलन करत आहेत, केंद्रातील . इंधन गॅस, पेट्रोल, डिझेलच्या प्रचंड दरवाढीमुळे सर्वसामान्यांना जीवन जगणे कठीण झाले आहे. म्हणून संयुक्त किसन मोर्चा या बॅनरखाली देशातील ५०० पेक्षा जास्त संघटना, पक्ष एकत्र येऊन दिल्ली येथे शेतकरी बांधव गेली 100 दिवसांपासून जास्त काळ आंदोलन करत आहेत.या आंदोलनास पाठींबा देण्यासाठी भारत बंदची हाक देण्यात आली होती. या बंदला राष्ट्रवादी काँग्रेस पक्षाचे वतीने जाहीर पाठिंबा देण्यात आला.
याप्रसंगी कराड शहर राष्ट्रवादी काँग्रेसचे अध्यक्ष नंदकुमार बटाने, राष्ट्रवादी युवक काँग्रेसचे अध्यक्ष पोपटराव साळुंखे, अखतर अंबेकरी, शिवाजी पवार, माजी नगरसेवक सुहास पवार, मोहम्मद आवटे, अनिल धोतरे, माजी नगरसेवक गंगाधर जाधव, माजी उपनगराध्यक्ष संभाजीराव सुर्वे, भाऊ पवार, सतीश भोंगाळे, राष्ट्रवादी काँग्रेस पार्टी संपर्क प्रमुख सुहेल बारस्कर व राष्ट्रवादी काँग्रेस पक्षाचे पदाधिकारी उपस्थित होते.
No comments:
Post a Comment