मंत्री छगन भुजबळ यांना पुन्हा एकदा जीवे मारण्याची धमकी ;

वेध माझा ऑनलाइन।

मंत्री छगन भुजबळ यांना पुन्हा एकदा जीवे मारण्याची धमकी आली आहे. त्यामुळे एकच खळबळ उडाली आहे. छगन भुजबळ यांना एका अज्ञात व्यक्तीने जीवे मारण्याची धमकी दिली. त्याने मेसेज आणि फोन करुन जीवे मारण्याची धमकी दिली. या प्रकरणी पोलिसांना माहिती देण्यात आली आहे. या धमकी प्रकरणी जालन्यातील अंबड पोलीस ठाण्यात गुन्हा दाखल करण्यात आला. 

या प्रकरणी पोलिसांनी तपास करत धमकी देणाऱ्या आरोपीला शोधून काढलं आहे. सूत्रांनी दिलेल्या माहितीनुसार, आरोपीने छगन भुजबळ यांना मोबाईलवर मॅसेज करत अश्लील शिवीगाळ आणि जीवे मारण्याची धमकी दिली होती. यानंतर संबंधित घटनेची गंभीर दखल घेत या प्रकरणी नाशिक पोलीस ठाण्यात तक्रार करण्यात आली होती. यानंतर अंबड पोलीस ठाण्यात धमकी देणाऱ्या आरोपीच्या विरोधात गुन्हा दाखल करण्यात आला. पोलिसांकडून आरोपीची ओळख पटली आहे.रवींद्र यशवंत धनक असं धमकी देणाऱ्या आरोपीचं नाव आहे. त्याने 29 सप्टेंबरला छगन भुजबळ यांना जीवे मारण्याची धमकी दिली होती. संबंधित घटनेप्रकरणी नाशिक पोलीस ठाण्यातही तक्रार करण्यात आली होती. नाशिक पोलिसांकडून आरोपीचा शोध सुरु होता. अखेर नाशिक पोलिसांनी आरोपीला शोधून काढलं आहे. नाशिक गुन्हे शाखा युनिट 1 च्या पथकाने आरोपी रवींद्र धनक याला बिड जिल्ह्यातून अटक केली आहे.